- Адам боллукъ, атламындан белгили болур.
- Эки итни арасына сюек атма, эки адамны арасында сёз чыгъарма.
- Гугурук къычырмаса да, тангны атары къалмаз.
- Къазанны башы ачыкъ болса, итге уят керекди.
- Къарнынг ауруса, ауузунгу тый
- Ашха уста, юйюнде болсун
- Ашаса, ашамаса да, бёрюню ауузу – къан.
- Чакъырылмай келген къонакъ сыйланмай кетер.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Нёгер болсанг, тенг бол, тенг болмасанг, кенг бол.
- Ашын ашагъанынгы, башын да сыйла.
- Зарда марда джокъ.
- Бёрю да ач къалмасын, эчки да ашалмасын.
- Агъач халкъгъа алтынды, иссиликге салкъынды.
- Джашда акъыл джокъ, къартда къарыу джокъ.
- Окъ къызбайны джокълайды.
- Аманнга да, игиге да оноусуз къатышма.
- Эртде тургъан бла эртде юйленнген сокъуранмаз.
- Азыгъы аз, алгъа къабар, аты аман, алгъа чабар.
- Ата джурт – алтын бешик.
- Аз айтсам, кёб ангылагъыз.
- Кийимни бир кюнню аясанг, минг кюннге джарар.
- Бек ашыкъгъан меннге джетсин, дегенди аракъы.
- Байма, деб да, къууанма, джарлыма, деб да, джылама.
- Этни бети бла шорпасы.
- Арыгъан къош чамчы болур.
- Тау башында, тау болмаз, джангыз терек, бау болмаз.
- Ариу – кёзге, акъыл – джюрекге.
- Къанны къан бла джуума, аманны аман бла къуума.
- Кёл – къызбай, къол – батыр.
- Накъырданы арты керти болур.
- Кёкдеги болмаса, джердегин кёрмейди.
- Аш берме да, къаш бер.
- Атлыны ашхысы, ат тизгининден билинир
- Кёпюр салгъан кеси ётер, уру къазгъан кеси кетер.
- Къыз келсе, джумуш эте келеди, къатын келсе, ушакъ эте келеди.
- Дуния мал дунияда къалады.
- Къайтырыкъ эшигинги, къаты уруб чыкъма.
- Къатын байлыкъны сюер, эр саулукъну сюер.
- Аурууну келиую тынч, кетиую – къыйын.
- Рысхы – насыбха къор.
- Элни кючю – эмеген.
- Джаным-тиним – окъуу, билим.
- Мал ёлсе, сюек къалыр, адам ёлсе, иши къалыр.
- Эли джокъну – кёлю джокъ.
- Джеринден айырылгъан – джети джылар, джуртундан айырылгъан – ёлгюнчю джылар.
- Аз сёлеш, кёб ишле.
- Кёл ашады да, кеси ашады.
- Эрни эр этерик да, къара джер этерик да, тиширыуду.
- Къулакъдан эсе, кёзге ышан.
