- Азыгъы аз, алгъа къабар, аты аман, алгъа чабар.
- Ата Джуртуму башы болмасам да, босагъасында ташы болайым.
- Келлик заман – къартлыкъ келтирир, кетген заман – джашлыкъ ёлтюрюр.
- Ауругъанны сау билмез, ач къарынны токъ билмез.
- Ашына кёре табагъы, балына кёре къалагъы.
- Ариу сёз – джаннга азыкъ, аман сёз – башха къазыкъ.
- Кирсизни – саны таза, халалны – къаны таза.
- Ёлген эшек бёрюден къоркъмайды.
- Башы ишлегенни, ауузу да ишлер.
- Сабийни джумушха джибер да, ызындан бар.
- Къаллай салам берсенг, аллай джууаб алырса.
- Тили узунну, намысы – къысха.
- Къулакъдан эсе, кёзге ышан.
- Къолу уллу – асыу, аягъы уллу – джарсыу.
- Эл ауузу – элек, анга ийнаннган – халек.
- Адамны аты башхача, акъылы да башхады.
- Ариу – кёзге, акъыл – джюрекге.
- Къыйынлы джети элни къайгъысын этер.
- Юйюнг бла джау болгъандан эсе, элинг бла джау бол.
- Билмегенинги, билгеннге сор.
- Къууут – джелге, берне – бошха.
- Къарт болгъан джерде, берекет болур, сабий болгъан джерде, оюн болур.
- Алим болгъандан эсе, адам болгъан къыйынды.
- Къыз келсе, джумуш эте келеди, къатын келсе, ушакъ эте келеди.
- Чомарт бергенин айтмаз.
- Кёбню кёрген – кёб билир.
- Юй ишлеген балта эшикде къалыр.
- Арба аугъандан сора, джол кёргюзтюучю кёб болур.
- Дженгил джетерикме деб, узун джолну къоюб, къысхасын барма.
- Тилсиз миллет джокъ болур.
- Аман къатын алгъан, арыр, иги къатын алгъан джарыр.
- Къонакъны къачан кетерин сорма, къачан келлигин сор.
- Айран тёгюлсе, джугъусу къалыр.
- Эрни эр этерик да, къара джер этерик да, тиширыуду.
- Билмезни кёзю кёрмез, этмезни къулагъы эшитмез.
- Эл элде бирер малынг болгъандан эсе, бирер тенгинг болсун.
- Тойгъанлыкъ къойгъа джарашады.
- Терслик кетер, тюзлюк джетер.
- Джарлы джети элни сёзюн этер.
- Таш бла ургъанны, аш бла ур.
- Таукел адам тау тешер.
- Ёксюзню къалачы уллу кёрюнюр.
- Адеб джокъда, намыс джокъ.
- Ач уят къоймаз.
- Этек чакъмакълары баш джаргъан, сёлешген сёзлери таш джаргъан.
- Эллинг бла джау болсанг да, юйюнг бла джау болма.
- Джарлыны эшигин махтагъан джабар.
- Къайгъы тюбю – тенгиз.
- Бермеген къол, алмайды.
- Насыб бютеу халкъны юлюшюдю.
