- Чакъырылмагъан къонакъ – орунсуз.
- Ана кёлю – балада, бала кёлю – талада.
- Гугук кесини атын айтыб къычыргъанча, мен, мен деб нек тураса?
- Ауузу аманнга «иги», деме.
- Ёксюзню тилеги къабыл болур.
- Халкъны юйю – туугъан джери.
- Джашда акъыл джокъ, къартда къарыу джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Джан саулукъ бермей, сан саулукъ бермезсе.
- Джаш къарыу бла кючлю, къарт акъыл бла кючлю.
- Кютгени беш эчки, сызгъыргъаны уа, джерни джарады.
- Джаш болсун, къыз болсун, акъылы, саны тюз болсун.
- Билим – акъылны чырагъы.
- Акъыллы башны – тили къысха.
- Джерни букъусу кёкге къонмаз.
- Биреуге аманлыкъ этиб, кесинге игилик табмазса.
- Айранны сюйген, ийнек тутар.
- Биреу къой излей, биреу той излей.
- Къарт бла баш аша, джаш бла аякъ аша.
- Эри аманны, къатыны – аман.
- Билмейме деген – бир сёз
- Тюзлюк тас болмайды.
- Ата – баланы уясы.
- Кёзюнде тереги болгъан, чёбю болгъаннга кюле эди.
- Адебсиз адам – джюгенсиз ат.
- Ауузу бла къуш тута айланады.
- Ашхы тенг джолгъа салыр, аман тенг джолдан тайдырыр.
- Ётюрюкден тюбю джокъ, кёлтюрюрге джиби джокъ.
- Кёкдеги болмаса, джердегин кёрмейди.
- Эшекге миннген – биринчи айыб, андан джыгъылгъан – экинчи айыб.
- Аджаллыгъа окъсуз шкок атылыр.
- Ким бла джюрюсенг, аны кёзю бла кёрюнюрсе.
- Къолу уллу – асыу, аягъы уллу – джарсыу.
- Аман къатын сабий табса, бий болур…
- Биреуге аманлыкъны тилеме да, кесинге ашхылыкъны тиле.
- Джол бла сёзню къыйыры джокъ.
- Олтуруб кёрюнмей эди да, ёрге туруб кёрюне эди.
- Бир абыннган – минг сюрюнюр.
- Джолда аягъынга сакъ бол, ушакъда тилинге сакъ бол.
- Таукелге нюр джауар.
- Къонагъынгы артмагъын алма да, алгъышын ал.
- Харам къарнашдан, халал тенг ашхы.
- Гырджын – тепсини тамадасы.
- Айырылгъанланы айю ашар, бёлюннгенлени бёрю ашар.
- Ата – билек, ана – джюрек!
- Тойну къарнашы – харс, джырны къарнашы – эжиу.
- Сагъыш – къартлыкъгъа сюйюмчю.
- Таукел адам тау тешер.
- Байлыкъ адамны сокъур этер.
- Башда акъыл болмаса, эки аякъгъа кюч джетер.
