- Ёнгкюч къууана барыр, джылай келир.
- Чёбню кёлтюрсенг, тюбюнден сёз чыгъар.
- Узун джолну барсанг, бюгюн келирсе, къысха джолну барсанг, тамбла келирсе.
- Кесинге джетмегенни, кёб сёлешме.
- Керилген да, ургъан кибикди.
- Тил бла келеди джыр да.
- Уруну арты – къуру.
- Къартны бурнун сюрт да, оноугъа тут.
- Аууз сакълагъан – джан сакълар.
- Дженгил джетерикме деб, узун джолну къоюб, къысхасын барма.
- «Ёгюз, джаргъа джууукъ барма, меннге джюк боллукъса», - дегенди эшек.
- Борчунг бар эсе, хурджунунга ойлаб узал.
- Кюлме джашха – келир башха.
- Ишлемеген – тишлемез.
- Аманны эки битли тону болур, бирин сеннге кийдирир, бирин кеси киер.
- Шекер бла туз – бир болмаз, ушамагъан – юй болмаз.
- Суу ичген шауданынга тюкюрме.
- Къызгъанчдан ычхыныр, мухардан ычхынмаз.
- Къыйынлы джети элни къайгъысын этер.
- Сютню башын джалагъан къутулур, тюбюн ичген тутулур.
- Ёзденликни джайгъан – джокълукъ.
- Накъырданы арты керти болур.
- Этни да ашады, бетни да ашады.
- Кёб ант этген, кёб ётюрюк айтыр.
- Экиндини кеч къылсанг, чабыб джетер ашхам.
- Айтхан сёзюне табылгъан.
- Соргъан айыб тюлдю, билмеген айыбды.
- Эринчекге кюн узун.
- Ёксюзню къалачы уллу кёрюнюр.
- Кютгени беш эчки, сызгъыргъаны уа, джерни джарады.
- Кёлсюзден сёзсюз тууар.
- Гитче джилтин уллу элни джандырыр.
- Сёз сёзню айтдырыр.
- Джахил болса анасы, не билликди баласы?
- Чакъырылгъанны аты, чакъырылмагъанны багъасы болур.
- Иги – алгъыш этер, аман – къаргъыш этер.
- Чарсда алчыны эл кёреди.
- Сангырау къулакъ эл бузар.
- Артына баргъанны, къатына барма.
- Намысы болмагъанны, сыйы болмаз.
- Кёбню кёрген – кёб билир.
- Кёл – къызбай, къол – батыр.
- Чоюнну башы ачыкъ болса, итге уят керекди.
- Билмегенинги, билгеннге сор.
- Чакъырылмагъан къонакъ къачан кетерин сормаз.
- Билим ат болуб да чабар, къуш болуб да учар.
- Кеси юйюмде мен да ханма.
- Адам къаллай бир ишленмесе, аллай бир кесин уллу кёреди.
- Эл ауузу – элия.
- Акъыл сабырлыкъ берир.
[ Закрыто ] 09.50 мск.времени
Читают тему (гостей: 1)