- Ёзденликни джайгъан – джокълукъ.
- Кийим тукъум сордурур.
- Аджаллыгъа окъсуз шкок атылыр.
- Узун джолну барсанг, бюгюн келирсе, къысха джолну барсанг, тамбла келирсе.
- Къонагъынгы артмагъын алма да, алгъышын ал.
- Тай асырагъан, атха минер.
- Бир абыннган – минг сюрюнюр.
- Къарт бла баш аша, джаш бла аякъ аша.
- Аз айтсам, кёб ангылагъыз.
- Тойгъа барсанг, тоюб бар, эски тонунгу къоюб бар.
- Рысхы – насыбха къор.
- Акъыл сабырлыкъ берир.
- Орну джокъну – сыйы джокъ.
- Аманнга игилик этсенг, юйюнге сау бармазса.
- Чакъырылгъанны аты, чакъырылмагъанны багъасы болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къралынгы – душмандан, башынгы от бла суудан сакъла.
- Джылкъыдан – ат чыгъар, тукъумдан – джаш чыгъар.
- Ашхы болсанг, атынг чыгъар, аман болсанг, джанынг чыгъар.
- Къонакъ аз олтурур, кёб сынар.
- Байлыкъдан саулукъ ашхыды.
- Тулпарлыкъ, билекден тюл – джюрекден.
- Танг атмайма десе да, кюн къоярыкъ тюйюлдю.
- Ашхылыкъ джерде джатмайды, аманлыкъ суугъа батмайды.
- Ишлемеген – тишлемез.
- Эркиши – от, тиширыу – суу.
- Зар адам ашынгы ашар, кесинги сатар.
- Джарлы тюеге минсе да, ит къабар.
- Биреуге кёлтюрген таягъынг, кесинги башынга урур.
- Акъдан къара болмаз.
- Ёксюзню тилеги къабыл болур.
- Бети бедерден, намыс сакълама.
- Ашха уста, юйюнде болсун
- Ханы къызы буюгъа-буюгъа киштик болду.
- Тюзлюк шохлукъну бегитир.
- Къарын къуру болса, джюрек уру болур.
- Кюн кёрмеген, кюн кёрсе, кюндюз чыракъ джандырыр.
- Джаз бир кюнню джатсанг, къыш талай кюнню абынырса.
- Соргъан айыб тюлдю, билмеген айыбды.
- Дуния малгъа сатылма, кесингден телиге къатылма.
- Къанны къан бла джуума, аманны аман бла къуума.
- Аман адамны тепсинге олтуртсанг, къызынгы тилер.
- Тели турса – той бузар.
- Кёзден кетген, кёлден да кетеди.
- Ашхы тенг джолгъа салыр, аман тенг джолдан тайдырыр.
- Хар ишни да аллы къыйынды.
- Тёрени джагъы джокъ.
- Бек ашыкъгъан меннге джетсин, дегенди аракъы.
- Оюмсуз атлагъан, аджалсыз ёлюр.
- Кёлю джокъну – джолу джокъ.
[ Закрыто ] 09.50 мск.времени
Читают тему (гостей: 1)