- Сангырау къулакъ эл бузар.
- Къонакъ аман болса, къонакъбай джунчур
- Бети бедерден, намыс сакълама.
- Джумушакъ сёз къаты таякъны сындырыр.
- Таукелге нюр джауар.
- Башынга джетмегенни сорма.
- Кесине оноу эте билмеген, халкъына да эте билмез.
- Ёнгкюч къууана барыр, джылай келир.
- Байлыкъдан саулукъ ашхыды.
- Бюгюн дуния кибик, тамбла ахыратды.
- Борчунг бар эсе, хурджунунга ойлаб узал.
- Эте билген, этген этеди, эте билмеген, юретген этеди!
- Тамбла алтындан бюгюн багъыр ашхы.
- Джол бла сёзню къыйыры джокъ.
- Чабакъсыз кёлге къармакъ салгъанлыкъгъа, чабакъ тутмазса.
- Уллу къашыкъ эрин джыртар.
- Ат да турмайды бир териде.
- Биреуге кёлтюрген таягъынг, кесинги башынга урур.
- Джыгъылгъанны сырты джерден тоймаз.
- Биреу къой излей, биреу той излей.
- Къызбайны юйюне дери сюрсенг, батыр болур.
- Къонакъ аз олтурур, кёб сынар.
- Кийимни бир кюнню аясанг, минг кюннге джарар.
- Аш берме да, къаш бер.
- Таугъа чыгъаллыкъ эсенг, тюзде къалма.
- Суугъа – таянма, джаугъа – ийнанма.
- Хунаны тюбюн къазсанг, юсюнге ауар.
- Танг атмайма десе да, кюн къоярыкъ тюйюлдю.
- Аш хазыр болса, иш харам болур.
- Тойну къарнашы – харс, джырны къарнашы – эжиу.
- Ата – баланы уясы.
- Ариуну – ауруу кёб.
- Адеб джокъда, намыс джокъ.
- Башы джабылгъан челекге, кир тюшмез.
- Байма, деб да, къууанма, джарлыма, деб да, джылама.
- Нафысынгы айтханын этме, намысынгы айтханын эт.
- Хаухну атма, ёнгкючню сатма.
- Атадан ёксюз – бир ёксюз, анадан ёксюз – эки ёксюз.
- Сакъламагъан затынга джолукъсанг, не бек къууанаса, не бек ачыйса.
- Эл ауузу – элия.
- Ауурну тюбю бла, дженгилни башы бла джюрюген.
- Игиге айтсанг – билир, аманнга айтсанг – кюлюр.
- Айныгъанлы алты кюн, тогъайгъанлы тогъуз кюн.
- Аджашхан тёгерек айланыр.
- Джарлы джети элни сёзюн этер.
- Джашлыкъ этмеген, башлыкъ этмез.
- Аман къатын алгъан, арыр, иги къатын алгъан джарыр.
- Чомарт бергенин айтмаз.
- Ёлген эшек бёрюден къоркъмайды.
- Чомарт джарлы болмаз.
