Ач келгенни – тойдур, кеч келгенни – къондур.
Эринчекге кюн узун.
Халкъгъа джарагъан, джарлы къалмаз.
Аз айтсам, кёб ангылагъыз.
Борчунг бар эсе, хурджунунга ойлаб узал.
Гугук кесини атын айтыб къычыргъанча, мен, мен деб нек тураса?
Окъуусуз билим – джокъ, билимсиз кюнюнг – джокъ.
Этни да ашады, бетни да ашады.
Тынгылагъан тынгы бузар.
Накъырданы арты керти болур.
Таугъа чыгъаллыкъ эсенг, тюзде къалма.
Къарт болгъан джерде, берекет болур, сабий болгъан джерде, оюн болур.
Акъыллы айтыр эди, акъылсыз къоймайды.
Сууда джау джокъ, кёб сёзде магъана джокъ.
Ханнга да келеди хариблик.
Хар адамгъа кеси миннген тау кибик.
Ач да бол, токъ да бол – намысынга бек бол.
Рысхы – сют юсюнде кёмюк кибикди.
Тенгни тенглиги джашай барсанг билинир.
Рысхы джалгъанды: келген да этер, кетген да этер.
Сагъышы джокъ – джукъучу, акъылы джокъ – къаугъачы.
Башда акъыл болмаса, эки аякъгъа кюч джетер.
Акъыллы эркиши атын махтар, акъылсыз эркиши къатынын махтар.
Чакъырылмагъан къонакъ – орунсуз.
Джукъу тёшек сайламайды.
Хазыр ашха – терен къашыкъ.
Къууут – джелге, берне – бошха.
Сёлеш деб шай берген, тохта деб, сом берген.
Ёлмесенг да, къарт дамы болмазса?
Байлыкъ тауусулур, билим тауусулмаз.
Ач бёрюге мекям джокъ.
Бермеген къол, алмайды.
Алим болгъандан эсе, адам болгъан къыйынды.
Къуллукъчума, деб махтанма, къуллукъ – хаух джамчыды!
Эки ойлашыб, бир сёлешген.
Ким бла джюрюсенг, аны кёзю бла кёрюнюрсе.
Ашына кёре табагъы, балына кёре къалагъы.
Рысхысына кёре, джаш ёсер, къышлыгъына кёре, мал ёсер.
Ёнгкюч къууана барыр, джылай келир.
Тюзню ётмеги тюзде къалса да, тас болмаз.
Арыгъан къош чамчы болур.
Алтыда кюлмеген, алтмышда кюлмез.
Адамны сабийин сюйген джюреги, бычакъча, джитиди.
Джарлы джети элни сёзюн этер.
Къонакъ аз олтурур, кёб сынар.
Ата Джуртуму башы болмасам да, босагъасында ташы болайым.
Агъач – джерни чырайы, кийим – эрни чырайы.
Эски джаугъа ышанма.
Аллахха ийнаннган кишини, Аллах онгдурур ишин.
Харам къарнашдан, халал тенг ашхы.
Вот и я не могу сказать тебе,сколько мне нужно,чтобы молитвами своими тебя защитить от бандитской пули 