- Ашхы тенг джолгъа салыр, аман тенг джолдан тайдырыр.
- Эр абынмай, эл танымаз.
- Эли джокъну – кёлю джокъ.
- Сагъыш – къартлыкъгъа сюйюмчю.
- Айтхан сёзюне табылгъан.
- Эл элде бирер малынг болгъандан эсе, бирер тенгинг болсун.
- Ишлегенде эринме, ишде чолакъ кёрюнме.
- Ёлюк кебинсиз къалмаз.
- Ач, тоймам, дейди, тойгъан, ач болмам, дейди.
- Джети тилни билген джети кишиди.
- Тилчиден кери бол.
- Итли къонакъ джарашмаз.
- Эки къатын алгъан – эки ташны ортасына башын салгъан.
- Эринчекни эр алмаз, эр алса да, кёл салмаз, кёл салса да, кёб бармаз!
- Иги адамны бир сёзю эки болмаз.
- Билмейме деген – бир сёз
- Нёгер болсанг, тенг бол, тенг болмасанг, кенг бол.
- Окъугъанны бети джарыкъ.
- Ашарыкъда сайлагъаннга – чий гырджын.
- Джогъун бар этген, барын бал этген.
- Джыланны къуйругъундан басарынг келсе, аны башы болгъанын унутма.
- Джеринден айырылгъан – джети джылар, джуртундан айырылгъан – ёлгюнчю джылар.
- Кесинге джетмегенни, кёб сёлешме.
- Керилген да, ургъан кибикди.
- Аджашхан тёгерек айланыр.
- Билим – акъылны чырагъы.
- Акъыл неден да кючлюдю.
- Аууз сакълагъан – джан сакълар.
- Мухарны эси – ашарыкъда.
- Къазанчы аман болса, къазаны къайнамаз.
- Олтуруб кёрюнмей эди да, ёрге туруб кёрюне эди.
- Къыз чыгъаргъан – къызыл къымжа.
- Эл ауузу – элек, анга ийнаннган – халек.
- Чарсда алчыны эл кёреди.
- Харам къарнашдан, халал тенг ашхы.
- Эшекге миннген – биринчи айыб, андан джыгъылгъан – экинчи айыб.
- Чомарт къонакъ юй иесин сыйлар.
- Къозулугъунда тоймагъан, къойлугъунда тоймаз.
- Байлыкъ тауусулур, билим тауусулмаз.
- Узун джолну барсанг, бюгюн келирсе, къысха джолну барсанг, тамбла келирсе.
- Ашхы атаны – джашы ашхы, ашхы ананы – къызы ашхы.
- Бастасын ашагъан, хантусун да ичер.
- Къартны сыйын кёрмеген, къартлыгъында сыйлы болмаз.
- Баргъанынга кёре болур келгенинг.
- Джаралыны джастыгъында сау ёлюр.
- Эрине къаргъыш этген къатын, эрнин къабар.
- Элни кючю – эмеген.
- Aдам боллукъ, сыфатындан белгили.
- Кютгени беш эчки, сызгъыргъаны уа, джерни джарады.
- Джылкъыдан – ат чыгъар, тукъумдан – джаш чыгъар.