- Башсыз урчукъ тюзюне айланмаз.
- Бюгюн дуния кибик, тамбла ахыратды.
- Ушамагъан – джукъмаз.
- Биреу ашаб къутулур, биреу джалаб тутулур.
- Къайтырыкъ эшигинги, къаты уруб чыкъма.
- Джаным-тиним – окъуу, билим.
- Аз сёлеш, кёб ишле.
- Тилчиден кери бол.
- Махтаннган къыз, тойда джукълар.
- Кёзю сокъурдан – къоркъма, кёлю сокъурдан – къоркъ.
- Джаш болсун, къыз болсун, акъылы, саны тюз болсун.
- Малны кют, джерни тюрт.
- Бети – къучакълар, джюреги – бычакълар.
- Окъугъан озар, окъумагъан тозар.
- Ишин билген, аны сыйын чыгъарады.
- Уясында не кёрсе, учханында аны этер.
- Башы джабылгъан челекге, кир тюшмез.
- Ауругъанны сау билмез, ач къарынны токъ билмез.
- Эри аманны, къатыны – аман.
- Ёлюк кебинсиз къалмаз.
- Кюлме джашха – келир башха.
- Джогъун бар этген, барын бал этген.
- Мен да «сен», дейме, сен да «кесим», дейсе.
- Къонагъынгы артмагъын алма да, алгъышын ал.
- Адеб базарда сатылмаз.
- Дженгил джетерикме деб, узун джолну къоюб, къысхасын барма.
- Къолу уллу – асыу, аягъы уллу – джарсыу.
- Адеби болмагъан къыз – тузсуз хант.
- Тенги кёбню джау алмаз, акъылы кёбню дау алмаз.
- Къарнынг тойгъунчу аша да, белинг талгъынчы ишле.
- Эки ойлашыб, бир сёлешген.
- Тёрдеги кюлсе, эшикдеги ышарыр.
- Тилде сюек болмаса да, сюек сындырыр.
- Айырылмаз джууугъунга, унутмаз сёзню айтма.
- Насыблы элин сюер, насыбсыз кесин сюер.
- Адам сёзге тынгыла, акъыл сёзню ангыла.
- Кечеси – аяз, кюню – къыш, джарлы къаргъагъа бир аш тюш!
- Джангыз торгъай джырламаз.
- Эринчекни аурууу – кёб.
- Юре билмеген ит, къонакъ келтирир.
- Илму – джашауну джолу.
- Ойнай-ойнай кёз чыгъар.
- Адам къыйынлыгъын кёлтюрюр, зауукълугъун кёлтюрмез.
- Юйлю уругъа ит чабмаз.
- Эркиши – от, тиширыу – суу.
- Къобан да къуру да къобханлай турмайды, адам да къуру да патчахлай турмайды.
- Хаухну атма, ёнгкючню сатма.
- Байлыкъ болгъан джерде, тынчлыкъ джокъду.
- Сабийни джумушха джибер да, ызындан бар.
- Ашыкъгъан cуу, тенгизге джетмез.
А сегодня на свет появилась крохотулечная Актриса)))
|
Алгъышлайма
 Насыблы, саулукълу балачыкъ болсун   |
|
|
|
|
|
Зашагъан занцыкъ болсун!!!
Атасын-анасын къууандыра ёссюн балацыкъ! Ахшы умутларыгъыз толсунла, Анжелиссимо бла Рустамикус |
|
|
|
|
|
забот думаю прибавилось
 но все же это приятные хлопоты пусть приятного будет побольше и малыш растет веселым и здоровым |
|
|
|
|
|
Алгъышлайма! Насыблыланы бири болсун!
 |
||||
|
|
|
|||
Читают тему (гостей: 1)