Чомартны къолун джокълукъ байлар.
Атынг аманнга чыкъгъандан эсе, джанынг тамагъынгдан чыкъсын.
Аман къатын алгъан, арыр, иги къатын алгъан джарыр.
Уллу къазанда бишген эт, чий къалмаз.
Берекет берсин деген джерде, берекет болур.
Къар – келтирди, суу – элтди.
Къатын байлыкъны сюер, эр саулукъну сюер.
Биреу ашаб къутулур, биреу джалаб тутулур.
Бети – къучакълар, джюреги – бычакълар.
Чомартха Тейри да борчлуду.
Ёгюзню мюйюзюнден тутадыла, адамны сёзюнден тутадыла.
Къыз тиширыу кеси юйюнде да къонакъды.
Бир абыннган – минг сюрюнюр.
Джолунга кёре – джюрюшюнг, джагъанга кёре – юлюшюнг.
Юре билмеген ит, къонакъ келтирир.
Халкъгъа джарагъан, джарлы къалмаз.
Къатыны харакетли болса, эри къымсыз болур.
Кийимни бир кюнню аясанг, минг кюннге джарар.
Дженгил джетерикме деб, узун джолну къоюб, къысхасын барма.
Байны оноуу, джарлыгъа джарамаз.
Сёз – кюмюш, джыр – алтын.
Окъугъан озар, окъумагъан тозар.
Джангыз терек къынгыр ёсер.
От этилмеген джерден тютюн чыкъмайды.
Ашлыкъны арба юйге келтирир, чана базаргъа элтир.
Келгинчи, къонакъ уялыр, келгенден сора, къонакъбай уялыр.
Кёрмегеннге кебек – танг, битмегеннге сакъал – танг.
Адамны сабийин сюйген джюреги, бычакъча, джитиди.
Ана къойну – балагъа джандет.
Онгсузну – джакъла, тенгликни – сакъла.
Ойнаб айтсанг да, эслеб айт.
Тойгъан джерден туугъан джер игиди.
Тыш элде солтан болгъандан эсе, кесинги элде олтан болгъан игиди!
Огъурлуну сёзю – суу, огъурсузну сёзю – уу.
Келинни – келгинчи, бёркню кийгинчи кёр.
Билим насыб берир, билим джолну керир.
Сагъышы джокъ – джукъучу, акъылы джокъ – къаугъачы.
Хунаны тюбюн къазсанг, юсюнге ауар.
Намысы болмагъанны, сыйы болмаз.
Сакъалы текени да бар, мыйыгъы киштикни да бар.
Байлыкъдан саулукъ ашхыды.
Этни бети бла шорпасы.
Кёзюнде тереги болгъан, чёбю болгъаннга кюле эди.
Ачлыкъда тары гырджын халыуадан татлы.
Танг атмайма десе да, кюн къоярыкъ тюйюлдю.
Къонакъ аз олтурур, кёб сынар.
Ишни ахырын ойламай, аллын башлама.
Ариуну – ауруу кёб.
Адам боллукъ, атламындан белгили болур.
Акъыллы башны – тили къысха.
Всего тебе наипрекрасного
!
