- Малны кют, джерни тюрт.
- Эркиши – от, тиширыу – суу.
- Кёлю джокъну – джолу джокъ.
- Аман къатын сабий табса, бий болур…
- Илму – джашауну джолу.
- Къонагъы джокъну – шоху джокъ.
- Адеби болмагъан къыз – тузсуз хант.
- Ашарыкъда сайлагъаннга – чий гырджын.
- Экеулен сёлеше тура эселе, орталарына барыб кирме.
- Ат басханны джер билед.
- Душманны тышы – акъ, ичи – къара.
- Къоркъакъны кёзю экили кёрюр.
- Аджаллыгъа окъсуз шкок атылыр.
- Адамны аманы адамны бети бла ойнар.
- Уллу къазанда бишген эт, чий къалмаз.
- Акъыллы башны – тили къысха.
- Чыбыкълыкъда бюгюлмеген, къазыкълыкъда бюгюлмей эди.
- Ёзденликни джайгъан – джокълукъ.
- Ариуну – ауруу кёб.
- Айраннга суу къош, телиге джол бош.
- Тенгинг джокъ эсе – изле, бар эсе – сакъла!
- Уллу сёзде уят джокъ.
- Кесинг сынамагъан затны, адамгъа буюрма.
- Къуллукъчума, деб махтанма, къуллукъ – хаух джамчыды!
- Сёз сёзню айтдырыр.
- Ашлыкъ – бюртюкден, джюн – тюкден.
- Сакъламагъан затынга джолукъсанг, не бек къууанаса, не бек ачыйса.
- Нёгер болсанг, тенг бол, тенг болмасанг, кенг бол.
- Джашны джигитлиги сорулур, къызны джигерлиги сорулур.
- Ашхы адам – халкъ байлыгъы, ашхы джер – джашау байлыгъы.
- Ёлген ийнек сютлю болур.
- Баш – акъыл ючюн, акъылман – халкъ ючюн.
- Чомарт джарлы болмаз.
- Тюзню ётмеги тюзде къалса да, тас болмаз.
- Магъанасыз сёз – тауушсуз сыбызгъы.
- Билим ат болуб да чабар, къуш болуб да учар.
- Азыкълы ат арымаз, къатыны аман джарымаз.
- Аллахха ийнаннган кишини, Аллах онгдурур ишин.
- Киштикге къанат битсе, чыпчыкъ къалмаз эди.
- Чабакъгъа акъыл, табагъа тюшсе келеди.
- Тилсиз миллет джокъ болур.
- Аджашханны ызындагъы кёреди, джангылгъанны джанындагъы биледи.
- Къартха ушагъан джаш – акъыллы, джашха ушагъан къарт – тели.
- Рысхы – насыбха къор.
- Ариу – кёзге, акъыл – джюрекге.
- Танг атмайма десе да, кюн къоярыкъ тюйюлдю.
- Джыгъылгъанны сырты джерден тоймаз.
- Ишленмеген джаш – джюгенсиз ат, ишленмеген къыз – тузсуз хант.
- Джылыгъа джылан илешир.
- Ата Джуртуму башы болмасам да, босагъасында ташы болайым.
Встреча с чемпионами мира по борьбе на поясах.
Алибек Хапаев ? 2-хкратный чемпион мира, 
 Такие молодцы эти парни, машаАллах! |
|
|
|
|
|
МАХТАУ ТАУКЁЛЛЮ ДЖАШЛАГЪА !!!!!
АЛГЪА, КЪУРУ АЛГЪА .....  |
||||
|
|
|
|||
Читают тему (гостей: 1)