- Ауурну тюбю бла, дженгилни башы бла джюрюген.
- Сыфатында болмагъаны, суратында болмаз.
- Адеб этмеген, адеб кёрмез.
- Берекет берсин деген джерде, берекет болур.
- Накъырда – кертини келечиси.
- Мухар, кеси тойса да, кёзю тоймаз.
- Ойнаб айтсанг да, эслеб айт.
- Биреуге аманлыкъны тилеме да, кесинге ашхылыкъны тиле.
- Нарт сёз – тилни бети.
- Ёлген аслан – сау чычхан.
- Ашда уялгъан – мухар, ишде уялгъан – хомух.
- Джукъу тёшек сайламайды.
- Чакъырылмагъан къонакъ – орунсуз.
- Тамчы таш тешер.
- Ат да турмайды бир териде.
- Ата Джуртуму башы болмасам да, босагъасында ташы болайым.
- Ат басханны джер билед.
- Айырылгъанланы айю ашар, бёлюннгенлени бёрю ашар.
- Тойгъандан сора, ашны сёкме.
- Элни кючю – эмеген.
- Онгсузну – джакъла, тенгликни – сакъла.
- Гугурук къычырмаса да, тангны атары къалмаз.
- Минг тенг да азды, бир джау да кёбдю.
- Кёлсюзден сёзсюз тууар.
- Сёлеш деб шай берген, тохта деб, сом берген.
- Ата – баланы уясы.
- Ханнга да келеди хариблик.
- Тёрде – темир таякълы, къаяда – чыпчыкъ аякълы.
- Баргъанынга кёре болур келгенинг.
- Тин – байлыгъынг, терен саулугъунг.
- Ариу джол аджал келтирмез.
- Тенгинг джокъ эсе – изле, бар эсе – сакъла!
- Огъурлуну сёзю – суу, огъурсузну сёзю – уу.
- Чакъырылгъанны аты, чакъырылмагъанны багъасы болур.
- Къонакъны къачан кетерин сорма, къачан келлигин сор.
- Ач отунчуну ачыуу – бурнунда.
- Сагъыш – къартлыкъгъа сюйюмчю.
- Къарнынг тойгъунчу аша да, белинг талгъынчы ишле.
- Адамны артындан къара сабан сюрме.
- Таугъа чыгъаллыкъ эсенг, тюзде къалма.
- Тик ёргени, тик энгишгеси да болады.
- Таула не мийик болсала да, аууш табылыр.
- Игини сыйлагъан адетди.
- Сабийликде юретмесенг, уллу болса – тюзелмез.
- Биреу ашаб къутулур, биреу джалаб тутулур.
- Къыйынлы джети элни къайгъысын этер.
- Сескекли кесин билдирир.
- Окъумагъан сокъурду, сокъур ташха абыныр!
- Ашхы сёз таш тешер.
- Телиге от эт десенг, юйюнге от салыр.
