- Кютгени беш эчки, сызгъыргъаны уа, джерни джарады.
- Адамны сыфатына къарама, сёзюне къара.
- Экеу тутушса, биреу джыгъылыр.
- Ёгюзню мюйюзлери ауурлукъ этмейдиле.
- Азыкъ аз болса, эртде орун сал.
- Тил – миллетни джаны.
- Атлыны кёрсе, джаяуну буту талыр.
- Акъыл неден да кючлюдю.
- Иши джокъну, сыйы джокъ.
- Баланы адам этген анады.
- Юйюнгден чыкъдынг – кюнюнгден чыкъдынг.
- Аш берме да, къаш бер.
- Сыфатында болмагъаны, суратында болмаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Къарны аманнга къазан такъдырма, къолу аманнга от джакъдырма.
- Телиге от эт десенг, юйюнге от салыр.
- Ашыкъгъанны этеги бутуна чырмалыр.
- Ишин билген, аны сыйын чыгъарады.
- Элиб деген, элге болушур.
- Джиби бир къат джетмей эди да, эки къат тарта эди.
- Адеби болмагъан къыз – тузсуз хант.
- Терек ауса, отунчу – кёб.
- Иги джашны ышаны – аз сёлешиб, кёб тынгылар.
- Акъыллы башны – тили къысха.
- Киштикге къанат битсе, чыпчыкъ къалмаз эди.
- Тамырсыз терекге таянма – джыгъылырса.
- Джолда аягъынга сакъ бол, ушакъда тилинге сакъ бол.
- Мураты болгъанны джюрек тебюую башхады.
- Джюрек кёзден алгъа кёрюр.
- Тойгъандан сора, ашны сёкме.
- Къыйынлы джети элге оноу этер.
- Тёзген – тёш ашар!
- Джашны джигитлиги сорулур, къызны джигерлиги сорулур.
- Ата Джуртча джер болмаз, туугъан элча эл болмаз.
- Чомартха Тейри да борчлуду.
- Чакъырылмагъан джерге барма, чакъырылгъан джерден къалма.
- Кёл ашады да, кеси ашады.
- Атынг аманнга чыкъгъандан эсе, джанынг тамагъынгдан чыкъсын.
- Окъуусуз билим – джокъ, билимсиз кюнюнг – джокъ.
- Кюн – узун, ёмюр – къысха.
- Джангызны оту джарыкъ джанмаз!
- Агъач халкъгъа алтынды, иссиликге салкъынды.
- Урама да – ёледи, сатама да – келеди.
- Агъач – джерни чырайы, кийим – эрни чырайы.
- Башда акъыл болмаса, эки аякъгъа кюч джетер.
- Сууда джау джокъ, кёб сёзде магъана джокъ.
- Урунуу – насыбны анасы.
- Ач къарным, тынч къулагъым.
- Эрни эр этерик да, къара джер этерик да, тиширыуду.
- Тойчу джашха къарама, къойчу джашха къара.
