- Сагъыш – къартлыкъгъа сюйюмчю.
- Джуртун къоругъан озар.
- Суу кетер, таш къалыр.
- Тили узунну, намысы – къысха.
- Къаллай салам берсенг, аллай джууаб алырса.
- Айтылгъан сёз ызына къайтмаз.
- Ач, тоймам, дейди, тойгъан, ач болмам, дейди.
- Ата Джуртча джер болмаз, туугъан элча эл болмаз.
- Сыфатында болмагъаны, суратында болмаз.
- Ётюрюкню башын керти кесер.
- Тюкюрюк баш джармаз, налат кёз чыгъармаз!
- Адамны аманы адамны бети бла ойнар.
- Эки къатын алгъанны къулагъы тынгнгаймаз.
- Тил джюрекге джол ишлейди.
- Джаш къарыу бла кючлю, къарт акъыл бла кючлю.
- Къанны къан бла джуума, аманны аман бла къуума.
- Къумурсхала джыйылсала, пилни да джыгъадыла.
- Телиге акъыл салгъандан эсе, ёлгеннге джан салырса.
- Гитче джилтин уллу элни джандырыр.
- Эри аманны, къатыны – аман.
- Мени джылытмагъан кюн, меннге тиймесин!
- Этек чакъмакълары баш джаргъан, сёлешген сёзлери таш джаргъан.
- Ариу сёзде ауруу джокъ.
- Акъыллы айтыр эди, акъылсыз къоймайды.
- Ашлыкъ – бюртюкден, джюн – тюкден.
- Эки къатын алгъан – эки ташны ортасына башын салгъан.
- Экеу тутушса, биреу джыгъылыр.
- Къатыны харакетли болса, эри къымсыз болур.
- Кёз – сюйген джерде, къол – ауругъан джерде.
- Кийим тукъум сордурур.
- Ана къолу ачытмаз.
- Бети – къучакълар, джюреги – бычакълар.
- Мадар болса, къадар болур.
- Харам къарнашдан, халал тенг ашхы.
- Ёлген эшек бёрюден къоркъмайды.
- Ариу – кёзге, акъыл – джюрекге.
- Керилген да, ургъан кибикди.
- Къонакъ аман болса, къонакъбай джунчур
- Адамны сыфатына къарама, сёзюне къара.
- Юре билмеген ит, къонакъ келтирир.
- Окъуу – билимни ачхычы, окъуу – дунияны бачхычы.
- Эл ауузу – элия.
- Къонакъ аз олтурур, кёб сынар.
- Этни да ашады, бетни да ашады.
- Ёнгкюч къууана барыр, джылай келир.
- Акъыл неден да кючлюдю.
- Эркиши – от, тиширыу – суу.
- Сабийликде юретмесенг, уллу болса – тюзелмез.
- Кёбге таш атма.
- Гугук кесини атын айтыб къычыргъанча, мен, мен деб нек тураса?
