- Ишни аллы бла къууанма да, арты бла къууан.
- Башы ишлегенни, ауузу да ишлер.
- Сормай – алма, чакъырылмай – барма.
- Джашлыкъ этмеген, башлыкъ этмез.
- Башсыз урчукъ тюзюне айланмаз.
- Кёб къычыргъандан – къоркъма, тынч олтургъандан – къоркъ.
- Таш ата билмеген, башына урур.
- Уллу къашыкъ эрин джыртар.
- Ашхы – джыяр, аман – джояр.
- Къызын тута билмеген, тул этер, джашын тута билмеген, къул этер.
- Накъырда – кертини келечиси.
- Бет бетге къараса, бет да джерге къарар.
- Чыкълы кюнде чыкъмагъан, чыкъса къуру кирмеген.
- Этни да ашады, бетни да ашады.
- Элге къуллукъ этмеген, элге ие болмаз.
- Онгсузну – джакъла, тенгликни – сакъла.
- Аджалсыз ёлюм болмаз.
- Акъыл неден да кючлюдю.
- Иги болса, тамадама – махтау, аман болса, меннге – айыб.
- Къарт айтханны этмеген, къартаймаз.
- Бек анасы джыламаз.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ойнаб айтсанг да, эслеб айт.
- Тешигини къатында, чычхан да батыр болур.
- Аман эсирсе, юйюн ояр.
- Хантына кёре тузу, юйюне кёре къызы.
- Ёксюзню тилеги къабыл болур.
- Иги джашны ышаны – аз сёлешиб, кёб тынгылар.
- Рысхы – насыбха къор.
- Къыйынлы джети элге оноу этер.
- Къонакъ аз олтурур, кёб сынар.
- Аманнга алтын чыдамаз.
- Айранын берсенг, челегин да къызгъанма.
- Тилчиден кери бол.
- Зар адам ашынгы ашар, кесинги сатар.
- Джигер – джаннга къыйынлыкъ.
- Дууулдаса – бал чибин, къонса – къара чибин.
- Мухардан ач ычхынмаз.
- Аман хансны – урлугъу кёб.
- Иги адамны бир сёзю эки болмаз.
- Сибиртки да сыйлы болду, кюрек да кюнлю болду.
- Акъыл къартда, джашда тюйюлдю – башдады.
- Тыш элде солтан болгъандан эсе, кесинги элде олтан болгъан игиди!
- Гырджын – тепсини тамадасы.
- Борчунг бар эсе, хурджунунга ойлаб узал.
- Аджаллыгъа окъсуз шкок атылыр.
- Къан бла кирген, джан бла чыгъар.
- Айтылгъан буйрукъ, сёгюлмез
- Ач уят къоймаз.
- Къоркъакъны кёзю экили кёрюр.