- Айраннга суу къош, телиге джол бош.
- Экеу тутушса, биреу джыгъылыр.
- Ашда уялгъан – мухар, ишде уялгъан – хомух.
- Адам боллукъ, атламындан белгили болур.
- Эл элде бирер малынг болгъандан эсе, бирер тенгинг болсун.
- Илму – джашауну джолу.
- Шекер бла туз – бир болмаз, ушамагъан – юй болмаз.
- Адеб базарда сатылмаз.
- Ашха уста, юйюнде болсун
- Тамбла алтындан бюгюн багъыр ашхы.
- Нарт сёз къарт болмаз.
- Тешигини къатында, чычхан да батыр болур.
- Ашатыргъа иш – ашхы, ишлетирге аш – ашхы.
- Джюрекге ариу – кёзге да ариу.
- Ёгюзню мюйюзюнден тутадыла, адамны сёзюнден тутадыла.
- Къоркъакъны кёзю экили кёрюр.
- Джыгъылгъанны сырты джерден тоймаз.
- Тюзлюк тас болмайды.
- Гугук кесини атын айтыб къычыргъанча, мен, мен деб нек тураса?
- Джашынгы кесинг юретмесенг, джашау юретир.
- Аманны къуугъан, аманлыкъ табар.
- Къартны сыйын кёрмеген, къартлыгъында сыйлы болмаз.
- Иши джокъну, сыйы джокъ.
- Билген билмегенни юретген адетди.
- Джылыгъа джылан илешир.
- Къарнынг тойгъунчу аша да, белинг талгъынчы ишле.
- Ат басханны джер билед.
- Ариуну – ауруу кёб.
- Арпа, будай – ащды, алтын, кюмюш а – ташды.
- Аджалсыз ёлюм болмаз.
- Кесине оноу эте билмеген, халкъына да эте билмез.
- Тенгинг джокъ эсе – изле, бар эсе – сакъла!
- Этим кетсе да, сюегим къалыр.
- «Ёгюз, джаргъа джууукъ барма, меннге джюк боллукъса», - дегенди эшек.
- Къызны минг тилер, бир алыр.
- Кимни – тили, тиши онглу, кимни – къолу, иши онглу.
- Эл ауузу – элек, анга ийнаннган – халек.
- Кюлме джашха – келир башха.
- Кёб къычыргъандан – къоркъма, тынч олтургъандан – къоркъ.
- Билмегенинги, билгеннге сор.
- Эм уллу байлыкъ – джан саулукъ.
- Онгсузну – джакъла, тенгликни – сакъла.
- Къатыны харакетли болса, эри къымсыз болур.
- Мал ёлсе, сюек къалыр, адам ёлсе, иши къалыр.
- Къууут – джелге, берне – бошха.
- Тюзлюк шохлукъну бегитир.
- Айранны сюйген, ийнек тутар.
- Тамчы таш тешер.
- Аллахха ийнаннган кишини, Аллах онгдурур ишин.
- Шапа кёб болса, аш татымсыз болур.
