- Атынг аманнга чыкъгъандан эсе, джанынг тамагъынгдан чыкъсын.
- Тай асырагъан, атха минер.
- Билмейме деген – бир сёз
- Ишни аллы бла къууанма да, арты бла къууан.
- Ургъан суудан башынгы сакъла.
- Айран ичген – къутулду, джугъусун джалагъан – тутулду.
- Харам къарнашдан, халал тенг ашхы.
- Сабийликде юретмесенг, уллу болса – тюзелмез.
- Эр абынмай, эл танымаз.
- Келлик заман – къартлыкъ келтирир, кетген заман – джашлыкъ ёлтюрюр.
- Бир абыннган – минг сюрюнюр.
- Телиге акъыл салгъандан эсе, ёлгеннге джан салырса.
- Сангырау къулакъ эл бузар.
- Эки къатын алгъан – эки ташны ортасына башын салгъан.
- Хар зат кесини орнуна иги.
- Мал кёб болса, джууукъ кёб болур.
- Адеб джокъда, намыс джокъ.
- Къонакъ хазыр болгъанлыкъгъа, къонакъбай хазыр тюлдю.
- Къонакъ кёб келюучю юйню, къазаны отдан тюшмез.
- Садакъачыны джаны – къапчыгъында.
- Джаш къарыу бла кючлю, къарт акъыл бла кючлю.
- Ач – эснер, ат – кишнер.
- Джылкъыдан – ат чыгъар, тукъумдан – джаш чыгъар.
- Аш хазыр болса, иш харам болур.
- Агъач халкъгъа алтынды, иссиликге салкъынды.
- Арбаз къынгырды да, ийнек сауалмайма.
- Ауругъанны сау билмез, ач къарынны токъ билмез.
- Ариу сёз аурууунгу алыр.
- Къумурсхала джыйылсала, пилни да джыгъадыла.
- Гырджын – тепсини тамадасы.
- Тойгъа алгъа да барма, тойда артха да къалма.
- Билеги кючлю, бирни джыгъар, билими кючлю, мингни джыгъар.
- Эл бла кёргенинг эрелей.
- Къонакъны къачан кетерин сорма, къачан келлигин сор.
- Баланы адам этген анады.
- Аджал соруб келмез, келсе, къайтыб кетмез.
- Чакъырылмагъан къонакъ тёрге атламаз.
- Джырчы джырчыгъа – къарнаш.
- Алтыннга тот къонмаз.
- Гитче джилтин уллу элни джандырыр.
- Иги джашны ышаны – аз сёлешиб, кёб тынгылар.
- Джогъун бар этген, барын бал этген.
- Нарт сёз – тилни бети.
- Бир онгсуз адам адет чыгъарды, деб эштирик тюлсе.
- Бастасын ашагъан, хантусун да ичер.
- Тёрени джагъы джокъ.
- Бойнуму джети джерден кессенг да, мен ол ишни этеллик тюлме.
- Ата – баланы уясы.
- Бети – къучакълар, джюреги – бычакълар.
- Эрине къаргъыш этген къатын, эрнин къабар.
