Войти на сайт
29 Марта  2024 года

 

  • Юйюнг бла джау болгъандан эсе, элинг бла джау бол.
  • Бозаны арты дауур болур.
  • Джарлы джети элни сёзюн этер.
  • Джетген къыз джерли эшекни танымаз.
  • Бичгенде ашыкъма, тикгенде ашыкъ.
  • Сютню башын джалагъан къутулур, тюбюн ичген тутулур.
  • Душманны тышы – акъ, ичи – къара.
  • Ата – билек, ана – джюрек!
  • Къарт болгъан джерде, берекет болур, сабий болгъан джерде, оюн болур.
  • Ач къарынны, токъ билмез
  • Шайтан алдады, тюзлюк къаргъады.
  • Соргъан айыб тюлдю, билмеген айыбды.
  • Кёрмегеннге кебек – танг, битмегеннге сакъал – танг.
  • Тилчи бир сагъатха айлыкъ хата этер.
  • Орну джокъну – сыйы джокъ.
  • Ашда уялгъан – мухар, ишде уялгъан – хомух.
  • Зар адамны насыбы болмаз.
  • Тынгылагъан тынгы бузар.
  • Кёб джашагъан – кёб билир.
  • Кёб ант этген, кёб ётюрюк айтыр.
  • Уллу къазанда бишген эт, чий къалмаз.
  • Къарын къуру болса, джюрек уру болур.
  • Сабий болмагъан джерде, мёлек болмаз.
  • Къонакъ аз олтурур, кёб сынар.
  • Къыйынлы джети элге оноу этер.
  • Ауругъанны сау билмез, ач къарынны токъ билмез.
  • Къарнынг къанлынга кийирир.
  • Иги сеники эсе да, сюйген кесимикин этеме.
  • Мал кёб болса, джууукъ кёб болур.
  • Чомартха Тейри да борчлуду.
  • «Ёгюз, джаргъа джууукъ барма, меннге джюк боллукъса», - дегенди эшек.
  • Ёлген аслан – сау чычхан.
  • Гугурук къычырмаса да, тангны атары къалмаз.
  • Джыгъылгъанны сырты джерден тоймаз.
  • Адамны аманы адамны бети бла ойнар.
  • Байлыкъ болгъан джерде, тынчлыкъ джокъду.
  • Къонакъ аман болса, къонакъбай джунчур
  • Чёбню кёлтюрсенг, тюбюнден сёз чыгъар.
  • Аууздан келген, къолдан келсе, ким да патчах болур эди.
  • Ётюрюкчюню шагъаты – къатында.
  • Къызны минг тилер, бир алыр.
  • Къатын къылыкъсыз, эр тынчлыкъсыз.
  • Мени джылытмагъан кюн, меннге тиймесин!
  • Джылкъыдан – ат чыгъар, тукъумдан – джаш чыгъар.
  • Тели турса – той бузар.
  • Тик ёргени, тик энгишгеси да болады.
  • Къарны аманнга къазан такъдырма, къолу аманнга от джакъдырма.
  • Аджалсыз ёлюм болмаз.
  • Къралынгы – душмандан, башынгы от бла суудан сакъла.
  • Къарыусузгъа кюлме, онгсузгъа тийме.

 

Страницы: 1
RSS
[ Закрыто ] ...
 
...
Страницы: 1
Читают тему (гостей: 1)

 

Написать нам