- Таш ата билмеген, башына урур.
- Алгъанда – джууукъ, бергенде – джау.
- Джылыгъа джылан илешир.
- Джаханимни кёрмей, джандетге кёл салмазса.
- Биреуге аманлыкъны тилеме да, кесинге ашхылыкъны тиле.
- Аякъларынгы джууургъанынга кёре узат.
- Кечеси – аяз, кюню – къыш, джарлы къаргъагъа бир аш тюш!
- Ётюрюкден тюбю джокъ, кёлтюрюрге джиби джокъ.
- Суу да къайтады чыкъгъан джерине.
- Этек чакъмакълары баш джаргъан, сёлешген сёзлери таш джаргъан.
- Иги адамны бир сёзю эки болмаз.
- Дженгил джетерикме деб, узун джолну къоюб, къысхасын барма.
- Къуллукъчума, деб махтанма, къуллукъ – хаух джамчыды!
- Ёксюзню тилеги къабыл болур.
- Кеси юйюмде мен да ханма.
- Джумушакъ сёз къаты таякъны сындырыр.
- Аманны тукъумуна къарама, игини тукъумун сорма.
- Хар ишни да аллы къыйынды.
- Хансыз джомакъ болмаз.
- От кюйдюрген, сау болса да, тот кюйдюрген, сау болмаз.
- Аджал соруб келмез, келсе, къайтыб кетмез.
- Къатын къылыкъсыз, эр тынчлыкъсыз.
- Эртде тургъан джылкъычыны эркек аты тай табар.
- Джаз бир кюнню джатсанг, къыш талай кюнню абынырса.
- Юреннген ауруу къалмаз.
- Сёз сёзню айтдырыр.
- Тилсиз миллет джокъ болур.
- Тыш элде солтан болгъандан эсе, кесинги элде олтан болгъан игиди!
- Намысы джокъну – дуниясы джокъ.
- Рысхы джалгъанды: келген да этер, кетген да этер.
- Джашынгы кесинг юретмесенг, джашау юретир.
- Аджаллыгъа окъсуз шкок атылыр.
- Гугурук къычырмаса да, тангны атары къалмаз.
- Борчунг бар эсе, хурджунунга ойлаб узал.
- Алтыда кюлмеген, алтмышда кюлмез.
- Джетген къыз джерли эшекни танымаз.
- Аман эсирсе, юйюн ояр.
- Джаралыны джастыгъында сау ёлюр.
- Таукел тауну аудурур.
- Окъуусуз билим – джокъ, билимсиз кюнюнг – джокъ.
- Чакъырылмагъан къонакъ – орунсуз.
- Акъыл сабырлыкъ берир.
- Сютню башын джалагъан къутулур, тюбюн ичген тутулур.
- Адамны аты башхача, акъылы да башхады.
- Къайгъыны сюйген, къайгъы табар.
- Кирсизни – саны таза, халалны – къаны таза.
- Эркишиге тары кебек танг кёрюнюр.
- Башсыз урчукъ тюзюне айланмаз.
- Арбаз сайлама да, хоншу сайла.
- Кесине гебен этелмеген, биреуге черен эте эди.
