- Оюмсуз атлагъан, аджалсыз ёлюр.
- Кёрмегеннге кебек – танг, битмегеннге сакъал – танг.
- Билим насыб берир, билим джолну керир.
- Кийиминг бла танылма, адамлыкъ бла таныл.
- Къонакъ болсанг, ийнакъ бол.
- Къазанчы аман болса, къазаны къайнамаз.
- Ачлыкъ отха секиртир.
- Къобан да къуру да къобханлай турмайды, адам да къуру да патчахлай турмайды.
- Башы ишлегенни, ауузу да ишлер.
- Сууда джау джокъ, кёб сёзде магъана джокъ.
- Намыс сатылыб алынмайды.
- Ата джурт – алтын бешик.
- Тамырсыз терекге таянма – джыгъылырса.
- Ишни аллы бла къууанма да, арты бла къууан.
- Эл бла кёргенинг эрелей.
- Ишленмеклик адамлыкъды.
- Ишин билген, аны сыйын чыгъарады.
- Ауузу бла къуш тута айланады.
- Баргъанынга кёре болур келгенинг.
- Ата Джуртча джер болмаз, туугъан элча эл болмаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Тойчу джашха къарама, къойчу джашха къара.
- Бичгенде ашыкъма, тикгенде ашыкъ.
- Айранны сюйген, ийнек тутар.
- Тил бла келеди джыр да.
- Эшекге миннген – биринчи айыб, андан джыгъылгъан – экинчи айыб.
- Таш бла ургъанны, аш бла ур.
- Тилчи тилден къаныкъмаз.
- Къартны сыйын кёрмеген, къартлыгъында сыйлы болмаз.
- Бозаны арты дауур болур.
- Джерни букъусу кёкге къонмаз.
- Хар сёзню орну барды.
- Тенгни тенглиги джашай барсанг билинир.
- Акъылсызны джууукъгъа алма, акъыллыны кенгнге салма.
- Тюзню ётмеги тюзде къалса да, тас болмаз.
- Кесинге джетмегенни, кёб сёлешме.
- Аууздан келген, къолдан келсе, ким да патчах болур эди.
- Чакъырылмай келген къонакъ сыйланмай кетер.
- Биреуге кёлтюрген таягъынг, кесинги башынга урур.
- Уясында не кёрсе, учханында аны этер.
- Ариу – кёзге, акъыл – джюрекге.
- Кенгеш болса, уруш болмаз.
- Магъанасыз сёз – тауушсуз сыбызгъы.
- Къан бла кирген, джан бла чыгъар.
- Джырчы ёлсе, джыры къалыр.
- Аман адам элни бир-бирине джау этер.
- Окъдан джара эртде-кеч болса да бителир, сёз джара, ёмюрге къалыр.
- Нафысынгы айтханын этме, намысынгы айтханын эт.
- Мухарны эси – ашарыкъда.
- Мал ёлсе, сюек къалыр, адам ёлсе, иши къалыр.
