- Бермеген къол, алмайды.
- Кёл – къызбай, къол – батыр.
- Ашын ашагъанынгы, башын да сыйла.
- Эл элде бирер малынг болгъандан эсе, бирер тенгинг болсун.
- Билимли ёлмез, билимсиз кёрмез.
- Дууулдаса – бал чибин, къонса – къара чибин.
- Билим насыб берир, билим джолну керир.
- Ышармагъан – кюлмез, кюлмеген – къууанчны билмез.
- Этек чакъмакълары баш джаргъан, сёлешген сёзлери таш джаргъан.
- Асхат ашлыкъ сата, юйдегиси ачдан къата.
- Кимни – тили, тиши онглу, кимни – къолу, иши онглу.
- Тилчиден кери бол.
- Кёб джат да, бек чаб.
- Ашлыкъны арба юйге келтирир, чана базаргъа элтир.
- Керилген да, ургъан кибикди.
- Сютден ауузу кюйген, суугъа юфгюре эди.
- Тас болгъан бычакъны сабы – алтын.
- Эрни эр этерик да, къара джер этерик да, тиширыуду.
- Телини эшигин, махтау джабар.
- Иги бла джюрюсенг, джетерсе муратынга, аман бла джюрюсенг, къалырса уятха.
- Уллу къазанда бишген эт, чий къалмаз.
- Джетген къыз джерли эшекни танымаз.
- Адамны аманы адамны бети бла ойнар.
- Тилчи тилден къаныкъмаз.
- Бёрю да ач къалмасын, эчки да ашалмасын.
- Таукел къуру къалмаз.
- Сёз садакъдан кючлюдю.
- Сабыр джетер муратха, сабырсыз къалыр уятха.
- Адам къаллай бир ишленмесе, аллай бир кесин уллу кёреди.
- Айырылгъанланы айю ашар, бёлюннгенлени бёрю ашар.
- Окъдан джара эртде-кеч болса да бителир, сёз джара, ёмюрге къалыр.
- Джашлыкъ этмеген, башлыкъ этмез.
- Ёлген ийнек сютлю болур.
- Ишленмеклик адамлыкъды.
- Эл бла кёргенинг эрелей.
- Ёпкелегенни ашы татлы болады.
- Баргъанынга кёре болур келгенинг.
- Аджашханны ызындагъы кёреди, джангылгъанны джанындагъы биледи.
- Термилгенинги табмазса, кюлгенинге тюберсе.
- Къан бла кирген, джан бла чыгъар.
- Иги – алгъыш этер, аман – къаргъыш этер.
- Кёзню ачылгъаны – иги, ауузну джабылгъаны – иги.
- Билген билмегенни юретген адетди.
- Эртде тургъан джылкъычыны эркек аты тай табар.
- Рысхы джалгъанды: келген да этер, кетген да этер.
- Кёлсюзден сёзсюз тууар.
- Ёлюр джаннга, ёкюл джокъ.
- Намыс сатылыб алынмайды.
- Джарашыу сюйген – джалынчакъ.
- Кийимни бичсенг, кенг бич, тар этген къыйын тюлдю.
Пожалуйста, авторизуйтесь: