- Джыгъылгъанны сырты джерден тоймаз.
- Башынга джетмегенни сорма.
- Мени джылытмагъан кюн, меннге тиймесин!
- Ётюрюкню башын керти кесер.
- Суугъа – таянма, джаугъа – ийнанма.
- Айраннга суу къош, телиге джол бош.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эки ойлашыб, бир сёлешген.
- Тилсиз миллет джокъ болур.
- Кенгеш болса, уруш болмаз.
- Агъач – джерни чырайы, кийим – эрни чырайы.
- Къонакъ аз олтурур, кёб сынар.
- Адеб джокъда, намыс джокъ.
- Билимден уллу байлыкъ джокъду.
- Босагъа таш юйге кирмей эди, тыбыр таш эшикге чыкъмай эди.
- Тойгъа барсанг, тоюб бар, эски тонунгу къоюб бар.
- Билими азны – ауузунда кирит.
- Ачлыкъ отха секиртир.
- Мухарны эси – ашарыкъда.
- Джашда акъыл джокъ, къартда къарыу джокъ.
- Билим насыб берир, билим джолну керир.
- Бир абыннган – минг сюрюнюр.
- Джарлыны эшигин махтагъан джабар.
- Иги джашны ышаны – аз сёлешиб, кёб тынгылар.
- Игиге айтсанг – билир, аманнга айтсанг – кюлюр.
- Сангырау къулакъ эл бузар.
- Билим къая тешер.
- Ичимден чыкъды хата, къайры барайым сата?
- Уллу суу бла уллу ауруудан башынгы сакъла.
- Чомартны къолу берекет.
- Къатын байлыкъны сюер, эр саулукъну сюер.
- Къуру гыбыт бек дыгъырдар.
- Кёб ант этген, кёб ётюрюк айтыр.
- Билимли ёлмез, билимсиз кёрмез.
- Ойнаб айтсанг да, эслеб айт.
- Керилген да, ургъан кибикди.
- Тилчиден кери бол.
- Болджал ишни бёрю ашар.
- Тамбла алтындан бюгюн багъыр ашхы.
- Зар адам ашынгы ашар, кесинги сатар.
- Адеб базарда сатылмаз.
- Кюн – узун, ёмюр – къысха.
- Кюл тюбюндеги от кёрюнмейди.
- Ариу сёз аурууунгу алыр.
- Адамгъа аман кюн соруб келмейди.
- Ачлыкъда тары гырджын халыуадан татлы.
- Джаш болсун, къыз болсун, акъылы, саны тюз болсун.
- Дуния малгъа сатылма, кесингден телиге къатылма.
- Келгинчи, къонакъ уялыр, келгенден сора, къонакъбай уялыр.
- Джюрекге ариу – кёзге да ариу.
