- Биреуге кёлтюрген таягъынг, кесинги башынга урур.
- Ёлюр джаннга, ёкюл джокъ.
- Эски джаугъа ышанма.
- Ёксюзню тилеги къабыл болур.
- Уллу къазанда бишген эт, чий къалмаз.
- Кёл ашады да, кеси ашады.
- Тойгъа алгъа да барма, тойда артха да къалма.
- Джуртун къоругъан озар.
- Чакъырылмагъан къонакъ тёрге атламаз.
- Кёзюнде тереги болгъан, чёбю болгъаннга кюле эди.
- Ётюрюкчюню шагъаты – къатында.
- Джарашыу сюйген – джалынчакъ.
- Таукел къуру къалмаз.
- Джаш къарыу бла кючлю, къарт акъыл бла кючлю.
- Къыз келсе, джумуш эте келеди, къатын келсе, ушакъ эте келеди.
- Сабий кёргенин унутмаз.
- Дуния малгъа сатылма, кесингден телиге къатылма.
- Таш бла ургъанны, аш бла ур.
- «Ма», - дегенни билмесенг, «бер», - дегенни билмезсе.
- Аман адам этегингден тутса, кес да къач.
- Таула не мийик болсала да, аууш табылыр.
- Чёбню кёлтюрсенг, тюбюнден сёз чыгъар.
- Ауругъанны сау билмез, ач къарынны токъ билмез.
- Тенгни тенглиги джашай барсанг билинир.
- Аджашхан тёгерек айланыр.
- Игиге айтсанг – билир, аманнга айтсанг – кюлюр.
- Адеб базарда сатылмаз.
- Тюзлюк тас болмайды.
- Эртде тургъан джылкъычыны эркек аты тай табар.
- Соргъан айыб тюлдю, билмеген айыбды.
- Игини сыйлагъан адетди.
- Тил – миллетни джаны.
- Аш кетер да бет къалыр.
- Чомарт бергенин айтмаз.
- Ариу сёзде ауруу джокъ.
- Телиге от эт десенг, юйюнге от салыр.
- Хатерли къул болур.
- Билимсиз иш бармаз.
- Джолда аягъынга сакъ бол, ушакъда тилинге сакъ бол.
- Къонакъ аман болса, къонакъбай джунчур
- Таукел тауну аудурур.
- Къызны минг тилер, бир алыр.
- Айран тёгюлсе, джугъусу къалыр.
- Къарнынг къанлынга кийирир.
- Къууут – джелге, берне – бошха.
- Булут кёкге джарашыу, уят бетге джарашыу.
- Олтуруб кёрюнмей эди да, ёрге туруб кёрюне эди.
- Уллу атлама – абынырса, уллу къабма – къарылырса.
- Эртде тургъан бла эртде юйленнген сокъуранмаз.
- Чомартны къолу берекет.
