- Тюзлюк тас болмайды.
- Азыкълы ат арымаз, къатыны аман джарымаз.
- Тешигини къатында, чычхан да батыр болур.
- Бермеген къол, алмайды.
- Гырджын – тепсини тамадасы.
- Ашхы атаны – джашы ашхы, ашхы ананы – къызы ашхы.
- Эки ойлашыб, бир сёлешген.
- Ашхы болсанг, атынг чыгъар, аман болсанг, джанынг чыгъар.
- Ёгюзню мюйюзлери ауурлукъ этмейдиле.
- Чарсда алчыны эл кёреди.
- Бичгенде ашыкъма, тикгенде ашыкъ.
- Ашлыкъны арба юйге келтирир, чана базаргъа элтир.
- Уллу сёлешме да, уллу къаб.
- Окъуу – билимни ачхычы, окъуу – дунияны бачхычы.
- Къая джолда джортма, ачыкъ сёзден къоркъма.
- Адам сёзюнден белгили.
- Къолунгдан къуймакъ ашатсанг да, атаны борчундан къутулмазса.
- Тели турса – той бузар.
- Акъыллы эркиши атын махтар, акъылсыз эркиши къатынын махтар.
- Игилик игилик бла сингдирилиучю затды.
- Джол бла сёзню къыйыры джокъ.
- Джахил болса анасы, не билликди баласы?
- Кийимни бичсенг, кенг бич, тар этген къыйын тюлдю.
- Билген билмегенни юретген адетди.
- Мени джылытмагъан кюн, меннге тиймесин!
- Баш – акъыл ючюн, акъылман – халкъ ючюн.
- Орундукъ тюбюнде атылсам да, орта джиликме, де да айлан.
- Айраннга суу къош, телиге джол бош.
- Тойгъан антын унутур.
- Огъурлуну сёзю – суу, огъурсузну сёзю – уу.
- Адебсиз адам – джюгенсиз ат.
- Уллу суу бла уллу ауруудан башынгы сакъла.
- Кийим тукъум сордурур.
- Ёнгкюч къууана барыр, джылай келир.
- Сабийликде юретмесенг, уллу болса – тюзелмез.
- Ашхы сёз таш тешер.
- Биреуню къыйынлыгъы бла кесинге джол ишлеме.
- Хар сёзню орну барды.
- Къызбайны юйюне дери сюрсенг, батыр болур.
- Къумурсхала джыйылсала, пилни да джыгъадыла.
- Атлыны ашхысы, ат тизгининден билинир
- Адеби болмагъан къыз – тузсуз хант.
- Гыдай эчки суугъа къараб, мюйюзле кёрмесе, джашма алкъын, дегенди.
- Аякъларынгы джууургъанынга кёре узат.
- Иги адам абынса да, джангылмаз.
- Чакъырылмагъан къонакъ къачан кетерин сормаз.
- Бастасын ашагъан, хантусун да ичер.
- Тилде сюек болмаса да, сюек сындырыр.
- Сакъалы текени да бар, мыйыгъы киштикни да бар.
- Айран ичген – къутулду, джугъусун джалагъан – тутулду.