- Ашхы адам – халкъ байлыгъы, ашхы джер – джашау байлыгъы.
- Азыгъы аз, алгъа къабар, аты аман, алгъа чабар.
- Экиндини кеч къылсанг, чабыб джетер ашхам.
- Къайтырыкъ эшигинги, къаты уруб чыкъма.
- Джигер – джаннга къыйынлыкъ.
- Тойгъан джерге джети къайт.
- Эшекни не къадар тюйсенг да, ат болмаз.
- Бал ашаргъа сюе эсенг, чибин ургъаннга тёз.
- Ёгюзню мюйюзлери ауурлукъ этмейдиле.
- Чомарт джарлы болмаз.
- Къатын байлыкъны сюер, эр саулукъну сюер.
- Аллахха ийнаннган кишини, Аллах онгдурур ишин.
- Татлы сёз – балдан татлы.
- Билими азны – ауузунда кирит.
- Ач уят къоймаз.
- Уруну арты – къуру.
- Башы джабылгъан челекге, кир тюшмез.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къалгъан ишге къар джауар.
- Огъурлуну сёзю – суу, огъурсузну сёзю – уу.
- Кюн кёрмеген, кюн кёрсе, кюндюз чыракъ джандырыр.
- Азыкълы ат арымаз, къатыны аман джарымаз.
- Ана кёлю – балада, бала кёлю – талада.
- Джан саулукъ бермей, сан саулукъ бермезсе.
- Тойгъанлыкъ къойгъа джарашады.
- Джырчы ёлсе, джыры къалыр.
- Хансыз джомакъ болмаз.
- Эркишиге тары кебек танг кёрюнюр.
- Тенги кёбню джау алмаз, акъылы кёбню дау алмаз.
- Мадар болса, къадар болур.
- Къызгъанчдан ычхыныр, мухардан ычхынмаз.
- Къатын къылыкъсыз, эр тынчлыкъсыз.
- Байлыкъ адамны сокъур этер.
- Бети бедерден, намыс сакълама.
- Тамбла алтындан бюгюн багъыр ашхы.
- Адам сёзге тынгыла, акъыл сёзню ангыла.
- Эм уллу байлыкъ – джан саулукъ.
- Ургъан суудан башынгы сакъла.
- Чомартха хар кюн да байрамды.
- Булут кёкге джарашыу, уят бетге джарашыу.
- Кёбден умут этиб, аздан къуру къалма.
- Ашына кёре табагъы, балына кёре къалагъы.
- Тойчу джашха къарама, къойчу джашха къара.
- Эл тойса, тоймагъан, эл къойса, къоймагъан.
- Кесинге джетмегенни, кёб сёлешме.
- Намыс сатылыб алынмайды.
- Ашлыкъны арба юйге келтирир, чана базаргъа элтир.
- Ёксюзню тилеги къабыл болур.
- Нарт сёз къарт болмаз.
- Тура эдим джата, къайдан чыкъды хата?
