- Къатын къылыкъсыз, эр тынчлыкъсыз.
- Огъурлуну сёзю – суу, огъурсузну сёзю – уу.
- Джетген къыз джерли эшекни танымаз.
- Тёрде – темир таякълы, къаяда – чыпчыкъ аякълы.
- Джыгъылгъанны сырты джерден тоймаз.
- Айырылмаз джууугъунга, унутмаз сёзню айтма.
- Тыш элде солтан болгъандан эсе, кесинги элде олтан болгъан игиди!
- Окъугъанны бети джарыкъ.
- Орундукъ тюбюнде атылсам да, орта джиликме, де да айлан.
- Юйюнг бла джау болгъандан эсе, элинг бла джау бол.
- Кесине оноу эте билмеген, халкъына да эте билмез.
- Ана кёлю – балада, бала кёлю – талада.
- Бек ашыкъгъан меннге джетсин, дегенди аракъы.
- Ауузу бла къуш тута айланады.
- Бермеген къол, алмайды.
- Арпа, будай – ащды, алтын, кюмюш а – ташды.
- Кийимни бир кюнню аясанг, минг кюннге джарар.
- Чыбыкълыкъда бюгюлмеген, къазыкълыкъда бюгюлмей эди.
- Тойчу джашха къарама, къойчу джашха къара.
- Танг атмайма десе да, кюн къоярыкъ тюйюлдю.
- Хар сёзню орну барды.
- Кеси юйюмде мен да ханма.
- Зар адамны насыбы болмаз.
- Байны къызы баймакъ болса да, юйде къалмаз!
- Къызны минг тилер, бир алыр.
- Тенгни тенглиги джашай барсанг билинир.
- Къарнынг бла ёч алма.
- Иши джокъну, сыйы джокъ.
- Билмейме деген – бир сёз
- Ариу сёз – къылычдан джити.
- Къыз чыгъаргъан – къызыл къымжа.
- Кёб джашагъан – кёб билир.
- Насыб бютеу халкъны юлюшюдю.
- Къозулугъунда тоймагъан, къойлугъунда тоймаз.
- Чомартны къолун джокълукъ байлар.
- Аман киши кеси юйюнде – къонакъ.
- Тай асырагъан, атха минер.
- Ашатыргъа иш – ашхы, ишлетирге аш – ашхы.
- Ашлыкъ – бюртюкден, джюн – тюкден.
- Аз сёлеш, кёб ишле.
- Къайгъы тюбю – тенгиз.
- Ашхы сёз таш тешер.
- Кюлме джашха – келир башха.
- Къыйынлы джети элге оноу этер.
- Биреу ашаб къутулур, биреу джалаб тутулур.
- Ашыкъгъанны этеги бутуна чырмалыр.
- Джукъу тёшек сайламайды.
- Къалгъан ишге къар джауар.
- Джерни букъусу кёкге къонмаз.
- Иесиз малны бёрю ашар.
