- Иги джашны ышаны – аз сёлешиб, кёб тынгылар.
- Мен да «сен», дейме, сен да «кесим», дейсе.
- Аз сёлешген, къайгъысыз турур.
- Байны къызы баймакъ болса да, юйде къалмаз!
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къулакъдан эсе, кёзге ышан.
- Тюзню ётмеги тюзде къалса да, тас болмаз.
- Урунуу – насыбны анасы.
- Башсыз урчукъ тюзюне айланмаз.
- Байдан умут эте, джарлыдан ёгюз багъасы къорады.
- Таукелге нюр джауар.
- Билген билмегенни юретген адетди.
- Аман киши кеси юйюнде – къонакъ.
- Ёнгкюч къууана барыр, джылай келир.
- Ёгюзню мюйюзюнден тутадыла, адамны сёзюнден тутадыла.
- Къатыны харакетли болса, эри къымсыз болур.
- Джангыз торгъай джырламаз.
- Биреуню тёрюнден, кесинги эшик артынг игиди.
- Арбаз сайлама да, хоншу сайла.
- Къызны минг тилер, бир алыр.
- Онгсузну – джакъла, тенгликни – сакъла.
- Биреуге аманлыкъны тилеме да, кесинге ашхылыкъны тиле.
- Харам къарнашдан, халал тенг ашхы.
- Къазанчы аман болса, къазаны къайнамаз.
- Тай асырагъан, атха минер.
- Ашхы атаны – джашы ашхы, ашхы ананы – къызы ашхы.
- Уллу сёзде уят джокъ.
- Тили узунну, намысы – къысха.
- Сабий болмагъан джерде, мёлек болмаз.
- Огъурлуну сёзю – суу, огъурсузну сёзю – уу.
- Уллу суу бла уллу ауруудан башынгы сакъла.
- Магъанасыз сёз – тауушсуз сыбызгъы.
- Гырджын – тепсини тамадасы.
- Бал чибинни ургъаны – ачы, балы – татлы.
- Тюзлюк тас болмайды.
- Ачыу алгъа келсе, акъыл артха къалады.
- Ашатыргъа иш – ашхы, ишлетирге аш – ашхы.
- Чомартны къолун джокълукъ байлар.
- Ким бла джюрюсенг, аны кёзю бла кёрюнюрсе.
- Эл ауузу – элия.
- Ариу – кёзге, акъыл – джюрекге.
- Ауругъан – джашаудан умутчу.
- Ётюрюкню башын керти кесер.
- Тёрени джагъы джокъ.
- Къарнынг тойгъунчу аша да, белинг талгъынчы ишле.
- Кёлю джокъну – джолу джокъ.
- Адам боллукъ, атламындан белгили болур.
- Ач, тоймам, дейди, тойгъан, ач болмам, дейди.
- Ойнаб айтсанг да, эслеб айт.
- Азыкълы ат арымаз, къатыны аман джарымаз.
Аттоев Борис Мажитович, генерал-лейтенант ФСБ
Читают тему (гостей: 1)