- Джуртун къоругъан озар.
- Джетген къыз джерли эшекни танымаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Сабий кёргенин унутмаз.
- Таукел адам тау тешер.
- Акъыл неден да кючлюдю.
- Намыс болмагъан джерде, насыб болмаз.
- От кюйдюрген, сау болса да, тот кюйдюрген, сау болмаз.
- Хунаны тюбюн къазсанг, юсюнге ауар.
- Ашда – бёрю, ишде – ёлю.
- Туз, гырджын аша, тюзлюк бла джаша.
- Экеу тутушса, биреу джыгъылыр.
- Джахил болса анасы, не билликди баласы?
- Джюрек кёзден алгъа кёрюр.
- Биреуге аманлыкъны тилеме да, кесинге ашхылыкъны тиле.
- Ёпкелегенни ашы татлы болады.
- Сагъыш – къартлыкъгъа сюйюмчю.
- Кёзюнде тереги болгъан, чёбю болгъаннга кюле эди.
- Адам туугъан джеринде, ит тойгъан джеринде.
- Кесине оноу эте билмеген, халкъына да эте билмез.
- Бир абыннган – минг сюрюнюр.
- Тюз сёз баргъан сууну тыяр.
- Азыкъ аз болса, эртде орун сал.
- Эл бла кёргенинг эрелей.
- Иги джашны ышаны – аз сёлешиб, кёб тынгылар.
- Къыз келсе, джумуш эте келеди, къатын келсе, ушакъ эте келеди.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эм уллу байлыкъ – джан саулукъ.
- Ашаса, ашамаса да, бёрюню ауузу – къан.
- Мадар болса, къадар болур.
- Ат да турмайды бир териде.
- Шапа кёб болса, аш татымсыз болур.
- Телини эшигин, махтау джабар.
- Ойнай билмеген, оюн бузар.
- Aдам боллукъ, сыфатындан белгили.
- Къан бла кирген, джан бла чыгъар.
- Тойгъа алгъа да барма, тойда артха да къалма.
- Эски джаугъа ышанма.
- Аман адам элни бир-бирине джау этер.
- Намысы джокъну – дуниясы джокъ.
- Къобан да къуру да къобханлай турмайды, адам да къуру да патчахлай турмайды.
- Мухардан ач ычхынмаз.
- Ойнай билмеген, уруб къачар.
- Билими азны – ауузунда кирит.
- Нёгер болсанг, тенг бол, тенг болмасанг, кенг бол.
- Ач бёрюге мекям джокъ.
- Билим къая тешер.
- Ач отунчуну ачыуу – бурнунда.
- Ёгюзню мюйюзлери ауурлукъ этмейдиле.
- Малны кют, джерни тюрт.
БОРЛАКОВ БЕК-МЫРЗА ("Дикая" дивизия)
Читают тему (гостей: 1)