- Бети – къучакълар, джюреги – бычакълар.
- Сёз къанатсыз учар.
- Бир онгсуз адам адет чыгъарды, деб эштирик тюлсе.
- Къатын къылыкъсыз, эр тынчлыкъсыз.
- Тюзлюк шохлукъну бегитир.
- Аз сёлеш, кёб ишле.
- Ашха уста, юйюнде болсун
- Акъдан къара болмаз.
- Бал ашаргъа сюе эсенг, чибин ургъаннга тёз.
- Битмегеннге сакъал – танг.
- Ишлегенде эринме, ишде чолакъ кёрюнме.
- Юй ишлеген балта эшикде къалыр.
- Таукел къуру къалмаз.
- Къонакъ аз олтурур, кёб сынар.
- Адамгъа аман кюн соруб келмейди.
- Къолу уллу – асыу, аягъы уллу – джарсыу.
- Джюрекге ариу – кёзге да ариу.
- Кёлю джокъну – джолу джокъ.
- Сёз сёзню айтдырыр.
- Халкъгъа джарагъан, джарлы къалмаз.
- Аман хансны – урлугъу кёб.
- Эрни эр этерик да, къара джер этерик да, тиширыуду.
- Эли джокъну – кёлю джокъ.
- Чомартны къолу берекет.
- Джолунга кёре – джюрюшюнг, джагъанга кёре – юлюшюнг.
- Чыкълы кюнде чыкъмагъан, чыкъса къуру кирмеген.
- Ана кёлю – балада, бала кёлю – талада.
- Джыгъылгъанны сырты джерден тоймаз.
- Джангыз терек къынгыр ёсер.
- Тил джюрекге джол ишлейди.
- Бермеген къол, алмайды.
- Махтаннган къыз, тойда джукълар.
- Окъуусуз билим – джокъ, билимсиз кюнюнг – джокъ.
- Дженгил джетерикме деб, узун джолну къоюб, къысхасын барма.
- Этек чакъмакълары баш джаргъан, сёлешген сёзлери таш джаргъан.
- Уллу суу бла уллу ауруудан башынгы сакъла.
- Аш берме да, къаш бер.
- Эл элде бирер малынг болгъандан эсе, бирер тенгинг болсун.
- Бюгюн дуния кибик, тамбла ахыратды.
- Ётюрюкчюню шагъаты – къатында.
- Айыбны суу бла джууалмазса.
- Зарда марда джокъ.
- Терек ауса, отунчу – кёб.
- Эшекни не къадар тюйсенг да, ат болмаз.
- Адеби болмагъан къыз – тузсуз хант.
- Къонагъынгы артмагъын алма да, алгъышын ал.
- Кёзю сокъурдан – къоркъма, кёлю сокъурдан – къоркъ.
- Акъыл аздырмаз, билим тоздурмаз.
- Экеулен сёлеше тура эселе, орталарына барыб кирме.
- Кесинг сынамагъан затны, адамгъа буюрма.
