- Атлыны ашхысы, ат тизгининден билинир
- Ач да бол, токъ да бол – намысынга бек бол.
- Тюз сёз баргъан сууну тыяр.
- Керилген да, ургъан кибикди.
- Тёзген – тёш ашар!
- Ышармагъан – кюлмез, кюлмеген – къууанчны билмез.
- Айтылгъан буйрукъ, сёгюлмез
- Ач къалгъандан, кеч къалгъан къолай.
- Эл ауузу – элия.
- «Ёгюз, джаргъа джууукъ барма, меннге джюк боллукъса», - дегенди эшек.
- Тас болгъан бычакъны сабы – алтын.
- Тай асырагъан, атха минер.
- Ёлмесенг да, къарт дамы болмазса?
- Кесинге джетмегенни, кёб сёлешме.
- Бойнуму джети джерден кессенг да, мен ол ишни этеллик тюлме.
- Аман къатын алгъан, арыр, иги къатын алгъан джарыр.
- Джюрекге ариу – кёзге да ариу.
- Нёгерсизни джолу узун.
- Кёзю сокъурдан – къоркъма, кёлю сокъурдан – къоркъ.
- Ариу сёз – къылычдан джити.
- Соргъан айыб тюлдю, билмеген айыбды.
- Аууздан келген, къолдан келсе, ким да патчах болур эди.
- Джолда аягъынга сакъ бол, ушакъда тилинге сакъ бол.
- Къолунгдан къуймакъ ашатсанг да, атаны борчундан къутулмазса.
- Магъанасыз сёз – тауушсуз сыбызгъы.
- Эл бла кёргенинг эрелей.
- Эки итни арасына сюек атма, эки адамны арасында сёз чыгъарма.
- От этилмеген джерден тютюн чыкъмайды.
- Хатерли къул болур.
- Айырылгъанланы айю ашар, бёлюннгенлени бёрю ашар.
- Алтыда кюлмеген, алтмышда кюлмез.
- Баш болса, бёрк табылыр.
- Элиб деген, элге болушур.
- Aдам боллукъ, сыфатындан белгили.
- Халкъгъа джарагъан, джарлы къалмаз.
- Юйюнг бла джау болгъандан эсе, элинг бла джау бол.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тил – миллетни джаны.
- Кёл ашады да, кеси ашады.
- Мал кёб болса, джууукъ кёб болур.
- Сабий кёргенин унутмаз.
- Къазанчы аман болса, къазаны къайнамаз.
- Аш иеси бла татлыды.
- Къарын къуру болса, джюрек уру болур.
- Тёрдеги кюлсе, эшикдеги ышарыр.
- Чабакъ башындан чирийди.
- Алгъанда – джууукъ, бергенде – джау.
- Уллу къашыкъ эрин джыртар.
- Кёзден кетген, кёлден да кетеди.
- Тёрде – темир таякълы, къаяда – чыпчыкъ аякълы.
