- Ата Джуртун танымагъан, атасын да танымаз.
- Сабийликде юретмесенг, уллу болса – тюзелмез.
- Ёпкелегенни ашы татлы болады.
- Ач – эснер, ат – кишнер.
- Мадар болса, къадар болур.
- Адамны артындан къара сабан сюрме.
- Татлы сёз – балдан татлы.
- Джаханимни кёрмей, джандетге кёл салмазса.
- Ашлыкъны арба юйге келтирир, чана базаргъа элтир.
- Асхат ашлыкъ сата, юйдегиси ачдан къата.
- Айранны сюйген, ийнек тутар.
- Адам туугъан джеринде, ит тойгъан джеринде.
- Ата – баланы уясы.
- Уллу сёлешме да, уллу къаб.
- Джиби бир къат джетмей эди да, эки къат тарта эди.
- Бек анасы джыламаз.
- Эллинг бла джау болсанг да, юйюнг бла джау болма.
- Юйюнг бла джау болгъандан эсе, элинг бла джау бол.
- Ариу джол аджал келтирмез.
- Берекет берсин деген джерде, берекет болур.
- Адебсиз адам – джюгенсиз ат.
- Къая джолда джортма, ачыкъ сёзден къоркъма.
- Айтханы чапыракъдан ётмеген.
- Хаухну атма, ёнгкючню сатма.
- От этилмеген джерден тютюн чыкъмайды.
- Ишленмеклик адамлыкъды.
- Къарт болгъан джерде, берекет болур, сабий болгъан джерде, оюн болур.
- Ачлыкъ отха секиртир.
- Аман адам элни бир-бирине джау этер.
- Къуру гыбыт бек дыгъырдар.
- Сакъ юйюне сау барыр.
- Алтыннга тот къонмаз.
- Ата Джуртуму башы болмасам да, босагъасында ташы болайым.
- Тура эдим джата, къайдан чыкъды хата?
- Тау башында, тау болмаз, джангыз терек, бау болмаз.
- Къарны аманнга къазан такъдырма, къолу аманнга от джакъдырма.
- Ач къарынны, токъ билмез
- Кюлме джашха – келир башха.
- Сютден ауузу кюйген, суугъа юфгюре эди.
- Таукел къуру къалмаз.
- Игиге айтсанг – билир, аманнга айтсанг – кюлюр.
- Алтыда кюлмеген, алтмышда кюлмез.
- Джюрекден джюрекге джол барды.
- Хансыз джомакъ болмаз.
- Аман адам этегингден тутса, кес да къач.
- Кёзю сокъурдан – къоркъма, кёлю сокъурдан – къоркъ.
- Кийиминг бла танылма, адамлыкъ бла таныл.
- Айран тёгюлсе, джугъусу къалыр.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Ана кёлю – балада, бала кёлю – талада.
