- Юре билмеген ит, къонакъ келтирир.
- Нарт сёз къарт болмаз.
- Джюрекге ариу – кёзге да ариу.
- Билимли ёлмез, билимсиз кёрмез.
- Баланы адам этген анады.
- Телини эшигин, махтау джабар.
- Биреуню тёрюнден, кесинги эшик артынг игиди.
- Джырына кёре эжиую.
- Къарнынг тойгъунчу аша да, белинг талгъынчы ишле.
- Алгъанда – джууукъ, бергенде – джау.
- Иши джокъну, сыйы джокъ.
- Суугъа – таянма, джаугъа – ийнанма.
- Ханы къызы буюгъа-буюгъа киштик болду.
- Ач къарным, тынч къулагъым.
- Ариу сёз – къылычдан джити.
- Чабакъ башындан чирийди.
- Ашхы атаны – джашы ашхы, ашхы ананы – къызы ашхы.
- Ашлыкъ – бюртюкден, джюн – тюкден.
- Къайгъыны сюйген, къайгъы табар.
- Ашарыкъда сайлагъаннга – чий гырджын.
- Къазанчы аман болса, къазаны къайнамаз.
- Душманны тышы – акъ, ичи – къара.
- Ач, тоймам, дейди, тойгъан, ач болмам, дейди.
- Эл ауузу – элек, анга ийнаннган – халек.
- Эки элинги тыйсанг, джети элде махталырса.
- От кюйдюрген, сау болса да, тот кюйдюрген, сау болмаз.
- Босагъагъа джууукъ орун болса, ашыгъыб тёрге озма.
- Тамчы таш тешер.
- Ашаса, ашамаса да, бёрюню ауузу – къан.
- Намыс болмагъан джерде, насыб болмаз.
- Кийимни бичсенг, кенг бич, тар этген къыйын тюлдю.
- Къонагъынгы артмагъын алма да, алгъышын ал.
- Ариу – кёзге, акъыл – джюрекге.
- Мухардан ач ычхынмаз.
- Абынмазлыкъ аякъ джокъ, джангылмазлыкъ джаякъ джокъ.
- Арба аугъандан сора, джол кёргюзтюучю кёб болур.
- Уллу суу бла уллу ауруудан башынгы сакъла.
- Билим насыб берир, билим джолну керир.
- Таукел тауну аудурур.
- Этек чакъмакълары баш джаргъан, сёлешген сёзлери таш джаргъан.
- Окъугъан – асыу, окъумагъан – джарсыу.
- Хатерли къул болур.
- Ойнай-ойнай кёз чыгъар.
- Окъумагъан сокъурду, сокъур ташха абыныр!
- Садакъачыны джаны – къапчыгъында.
- Джахил болса анасы, не билликди баласы?
- Мадар болса, къадар болур.
- Джангыз торгъай джырламаз.
- Джауумдан сора, кюн кюйдюрюр, ётюрюкден сора, айыб кюйдюрюр.
- Къарын къуру болса, джюрек уру болур.
Садакъ
Читают тему (гостей: 1)