- Ашыкъгъанны этеги бутуна чырмалыр.
- Аллахдан тилесенг, кёб тиле.
- Кёб къычыргъандан – къоркъма, тынч олтургъандан – къоркъ.
- Бетинги сатма, малынгы сат.
- Джигер – джаннга къыйынлыкъ.
- Мал ёлсе, сюек къалыр, адам ёлсе, иши къалыр.
- Адеб этмеген, адеб кёрмез.
- Уллу атлама – абынырса, уллу къабма – къарылырса.
- Иши джокъну, сыйы джокъ.
- Юй ишлеген балта эшикде къалыр.
- Таукел тауну аудурур.
- Айырылгъанланы айю ашар, бёлюннгенлени бёрю ашар.
- Джеринден айырылгъан – джети джылар, джуртундан айырылгъан – ёлгюнчю джылар.
- Чарсда алчыны эл кёреди.
- Уллу къазанда бишген эт, чий къалмаз.
- Туз, гырджын аша, тюзлюк бла джаша.
- Ойнай билмеген, уруб къачар.
- Бети къызарыучу адамны, джюреги харам болмаз.
- Тилде сюек болмаса да, сюек сындырыр.
- Нёгер болсанг, тенг бол, тенг болмасанг, кенг бол.
- Эл ауузу – элия.
- Бастасын ашагъан, хантусун да ичер.
- Ётюрюкчюню шагъаты – къатында.
- Къарнынг къанлынга кийирир.
- Агъач халкъгъа алтынды, иссиликге салкъынды.
- Къазанда болса, чолпугъа чыгъар.
- Ана къолу ачытмаз.
- Шайтан алдады, тюзлюк къаргъады.
- Тили узунну, намысы – къысха.
- Къар – келтирди, суу – элтди.
- Аурууну келиую тынч, кетиую – къыйын.
- Къайтырыкъ эшигинги, къаты уруб чыкъма.
- Чабакъ башындан чирийди.
- Сёлеш деб шай берген, тохта деб, сом берген.
- Юре билмеген ит, къонакъ келтирир.
- Аууздан келген, къолдан келсе, ким да патчах болур эди.
- Джашлыкъ этмеген, башлыкъ этмез.
- От этилмеген джерден тютюн чыкъмайды.
- Бичгенде ашыкъма, тикгенде ашыкъ.
- Ач къарынны, токъ билмез
- Атадан ёксюз – бир ёксюз, анадан ёксюз – эки ёксюз.
- Айранны сюйген, ийнек тутар.
- Мал кёб болса, джууукъ кёб болур.
- Къулакъдан эсе, кёзге ышан.
- Уллу къашыкъ эрин джыртар.
- Ашхы тенг джолгъа салыр, аман тенг джолдан тайдырыр.
- Асхат ашлыкъ сата, юйдегиси ачдан къата.
- Эрни эр этерик да, къара джер этерик да, тиширыуду.
- Аманнга да, игиге да оноусуз къатышма.
- Билим насыб берир, билим джолну керир.
Садакъ
Читают тему (гостей: 1)