Войти на сайт
12 Декабря  2018 года

 

  • Эркишиге тары кебек танг кёрюнюр.
  • Джыгъылгъанны сырты джерден тоймаз.
  • Ишни аллы бла къууанма да, арты бла къууан.
  • Джан саулукъ бермей, сан саулукъ бермезсе.
  • Чомарт къонакъ юй иесин сыйлар.
  • Тойгъа алгъа да барма, тойда артха да къалма.
  • Башсыз урчукъ тюзюне айланмаз.
  • Чакъырылгъанны аты, чакъырылмагъанны багъасы болур.
  • Тюзлюк шохлукъну бегитир.
  • От этилмеген джерден тютюн чыкъмайды.
  • Кёз – сюйген джерде, къол – ауругъан джерде.
  • Юйлю уругъа ит чабмаз.
  • Тёрени джагъы джокъ.
  • Ёмюрлюк шохлукъну джел элтмез.
  • Ач уят къоймаз.
  • Юре билмеген ит, къонакъ келтирир.
  • Чакъырылмагъан джерге барма, чакъырылгъан джерден къалма.
  • Урунуу – насыбны анасы.
  • Ханнга да келеди хариблик.
  • Къонакъ болсанг, ийнакъ бол.
  • Джетген къыз джерли эшекни танымаз.
  • Аз айтсам, кёб ангылагъыз.
  • Хазыр ашха – терен къашыкъ.
  • Арыгъан къош чамчы болур.
  • Хар адамгъа кеси миннген тау кибик.
  • Бек ашыкъгъан меннге джетсин, дегенди аракъы.
  • Абынмазлыкъ аякъ джокъ, джангылмазлыкъ джаякъ джокъ.
  • Сёлеш деб шай берген, тохта деб, сом берген.
  • Минг тенг да азды, бир джау да кёбдю.
  • Ашхы адам – халкъ байлыгъы, ашхы джер – джашау байлыгъы.
  • Къарт айтханны этмеген, къартаймаз.
  • Тилчи бир сагъатха айлыкъ хата этер.
  • Джюрек кёзден алгъа кёрюр.
  • Бетинги сатма, малынгы сат.
  • Азыгъы аз, алгъа къабар, аты аман, алгъа чабар.
  • Башда акъыл болмаса, эки аякъгъа кюч джетер.
  • Дуния малгъа сатылма, кесингден телиге къатылма.
  • Танг атмайма десе да, кюн къоярыкъ тюйюлдю.
  • Адамны аманы адамны бети бла ойнар.
  • Къыз келсе, джумуш эте келеди, къатын келсе, ушакъ эте келеди.
  • Арбаз къынгырды да, ийнек сауалмайма.
  • Окъ къызбайны джокълайды.
  • Джахил болса анасы, не билликди баласы?
  • Халкъны джырын джырласанг, халкъ санга эжиу этер.
  • Хаухну атма, ёнгкючню сатма.
  • Ашха уста, юйюнде болсун
  • Ана – юйню кюн джарыгъы.
  • Адамны сыфатына къарама, сёзюне къара.
  • Ётюрюкден тюбю джокъ, кёлтюрюрге джиби джокъ.
  • Чакъырылмагъан къонакъ – орунсуз.

 

Страницы: 1
RSS
Садакъ
 
муслиман эркишиге борчду кесини джашын садакъдан (бу заманда шкокданда) атаргъа юретирге. Ат белинде айланыргъа (мешнаны джюрютюрге), сууда джюзерге юретирге. Мен эски къарачай садакъны технологиясы бла кюрешдим. Аны джангыртырыргъа деб. Кесими хапарым джокъ эди, алай а бек терк табдым учун- къыйырын. Къарачайлыланы эки тюрлю садакълары (джаялары) болгъанды . Уугъа джюрюучю, узун садакъ, эм къысха , ат белинден атыучу - урушха джараулу. Толу хапар билялмадым, алай а билгеним... Уллу, уугъа джюрюучю садакъ 1,5 метр болады , къылы ат къуйрукъдан, кеси кюрч терекден , юч джыллыкъ. Волокнолары ол заманда кючлю болады дейдиле. Джая- уч кесекден этилген садакъ. Ортасында туар мююз , еки джаны кесилиб . Эки джанындан эки агъач , биягъы кюрч терекден. Бюгюлгенида бир тюрлю боллукъду . Агъач кесеклери мююзге киирилиб къаладыла, сора чюй бла бегирге боллукъдула. Керек болмагъан сагъатда чачылыб ,ариу джыйылыб къалырча. Агъач кесеклерини къыйыр джанлары да ат къуйрукъдан джыджым бла байланыргъа боллукъдула, джарылыб кетмез ючюн. Окълары тюз агъачдан, бирлери айтханга кере къамишден да этилиучендиле. Ал джанын бычакъ бла кериб, темир учну артын ары джыядыла, сора биягъы ат къуйрукъдан тюк бла байланадыла. Окъну арт джаны да джарылады да ары къанатлыны тюгюн саладыла, сора тюкню арт джанындан, ал джанындан да байлайдыла. Окъ - хазыр болду. Садакъны къылын къалай эшилгенин билалмадым. Окълары алай тюз болур ючюн къаллай технология бла этгенлерин да билалмадым. Осал адамча орамгъа чыгъыб хар кимге болсада соруб айланган ушагъыусуз болур, алай а билген - эшитген , бери джаза туругъуз. Тегей шохларыбыз скиф садакъны этгенбиз деб , чыгъарыб тамадалагъа да саугъагъа бередиле, сатхан да этедиле. Ала керти садакъны чыгъаргъанлары бек ажымлыды, алай а кишиге да эришмей кесибизникини аякъ юсюне салсакъ керек эди. Уллу кюч къарыу керек да тюлдю, хыйсабы болгъан адам бу джумуш бла кюрешсе. Кесине да миллетге да пайда боллукъ эди.
Страницы: 1
Читают тему (гостей: 1)

 

Написать нам