- Тойгъан антын унутур.
- Джыгъылгъанны сырты джерден тоймаз.
- Сабийликде юретмесенг, уллу болса – тюзелмез.
- Джогъун бар этген, барын бал этген.
- Къумурсхала джыйылсала, пилни да джыгъадыла.
- Тау башында, тау болмаз, джангыз терек, бау болмаз.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кирсизни – саны таза, халалны – къаны таза.
- Ишлегенде эринме, ишде чолакъ кёрюнме.
- Джырчы ёлсе, джыры къалыр.
- Уллу къашыкъ эрин джыртар.
- Билген билмегенни юретген адетди.
- Джашынгы кесинг юретмесенг, джашау юретир.
- Зарда марда джокъ.
- Джырына кёре эжиую.
- Кенгеш болса, уруш болмаз.
- Суугъа – таянма, джаугъа – ийнанма.
- Джумушакъ сёз къаты таякъны сындырыр.
- Ачлыкъда тары гырджын халыуадан татлы.
- Намыс сатылыб алынмайды.
- Этни бети бла шорпасы.
- Атлыны ашхысы, ат тизгининден билинир
- Оюмсуз атлагъан, аджалсыз ёлюр.
- Башда акъыл болмаса, эки аякъгъа кюч джетер.
- Байлыкъ адамны сокъур этер.
- Тюзню ётмеги тюзде къалса да, тас болмаз.
- Ата Джуртуму башы болмасам да, босагъасында ташы болайым.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Байны къызы баймакъ болса да, юйде къалмаз!
- Ашлыкъны арба юйге келтирир, чана базаргъа элтир.
- Ёксюзню къалачы уллу кёрюнюр.
- Эллинг бла джау болсанг да, юйюнг бла джау болма.
- Байлыкъ келсе, акъыл кетер.
- Аджал соруб келмез, келсе, къайтыб кетмез.
- Ач къарынны, токъ билмез
- Джол бла сёзню къыйыры джокъ.
- Сёз къанатсыз учар.
- Иги болса, тамадама – махтау, аман болса, меннге – айыб.
- Намысы джокъну – дуниясы джокъ.
- Тиширыусуз юй – отсуз от джагъа.
- Чакъырылгъанны аты, чакъырылмагъанны багъасы болур.
- Къарнынг тойгъунчу аша да, белинг талгъынчы ишле.
- Керилген да, ургъан кибикди.
- Алтыда кюлмеген, алтмышда кюлмез.
- Биреуню эскиси биреуге джангы болмайды.
- Тенги кёбню джау алмаз, акъылы кёбню дау алмаз.
- Уллу атлама – абынырса, уллу къабма – къарылырса.
- Ёмюрлюк шохлукъну джел элтмез.
- Ауузу бла къуш тута айланады.
- Ата джурт – алтын бешик.
Тукъумланы атауллары
|
Мен Айбазладанма, эшитгенме Айбазланы атауларын юсюнден, алайа хапарсызма. Ким билейеседа джазыгъыз.
|
|
|
|
|
|
блай къарайма да не киши тукъумун билдирирге излемейди, не да атаулларын билмейдиле!
|
|
|
|
|
|
Мен Биджиладанма, атаул - Ташалдарлары))) Дагъыда Биджилада Чопашлары, Ючинеклары, Сернекле (чам атлары) деб атауула бардыла))
|
|
|
|
|
|
Мен Борлакъладан ,Атаул-джернеслери))
|
|
|
|
|
|
айыб этмегиз, атаул деп кимге айтасыз? основатель рода деген магъанадамы?
|
|
|
|
|
|
Мен Дотдайладан, атаулум - Герийладан :smt006
|
|
|
|
|
|
Мен Езденледенме, атаулум - Хуртдаладан :smt006
|
|
|
|
|
|
Мен Байчораладанма,атаулм-Бёдене!
|
|
|
|
|
|
М н
|
|
|
|
|
|
Мен Чомаладанма, атаул - Алдамазлары
|
|
|
|
|
|
Мен Хасанладанма, атаулум Хызырлары.
|
||||
|
|
|
|||
Читают тему (гостей: 1)