- Джаш къарыу бла кючлю, къарт акъыл бла кючлю.
- Кёб къычыргъандан – къоркъма, тынч олтургъандан – къоркъ.
- Тенгни тенглиги джашай барсанг билинир.
- Келинин тута билмеген, къул этер, къызын тута билмеген, тул этер.
- Таула не мийик болсала да, аууш табылыр.
- Чакъырылмагъан къонакъ – орунсуз.
- Джетген къыз джерли эшекни танымаз.
- Иши джокъну, сыйы джокъ.
- Ойнай билмеген, уруб къачар.
- Сангырау къулакъ эл бузар.
- Бал ашаргъа сюе эсенг, чибин ургъаннга тёз.
- Бети бедерден, намыс сакълама.
- Сабыр джетер муратха, сабырсыз къалыр уятха.
- Юйлю уругъа ит чабмаз.
- Айран ичген – къутулду, джугъусун джалагъан – тутулду.
- Къонагъынгы артмагъын алма да, алгъышын ал.
- Аман къатын алгъан, арыр, иги къатын алгъан джарыр.
- Элге къуллукъ этмеген, элге ие болмаз.
- Берекет берсин деген джерде, берекет болур.
- Атадан ёксюз – бир ёксюз, анадан ёксюз – эки ёксюз.
- Джарашыу сюйген – джалынчакъ.
- Ёлген ийнек сютлю болур.
- Къарын къуру болса, джюрек уру болур.
- Кюн – узун, ёмюр – къысха.
- Бал чибинни ургъаны – ачы, балы – татлы.
- Къуру гыбыт бек дыгъырдар.
- Уллу атлама – абынырса, уллу къабма – къарылырса.
- Таякъ этден ётер, тил сюекден ётер.
- Туз, гырджын аша, тюзлюк бла джаша.
- Ауругъанны сау билмез, ач къарынны токъ билмез.
- Эркишиге тары кебек танг кёрюнюр.
- Арпа, будай – ащды, алтын, кюмюш а – ташды.
- Аз сёлеш, кёб ишле.
- Байлыкъдан саулукъ ашхыды.
- Бойнуму джети джерден кессенг да, мен ол ишни этеллик тюлме.
- Башынга джетмегенни сорма.
- Окъуу – билимни ачхычы, окъуу – дунияны бачхычы.
- Эл тойса, тоймагъан, эл къойса, къоймагъан.
- Акъылсызны джууукъгъа алма, акъыллыны кенгнге салма.
- Чакъырылмагъан джерге барма, чакъырылгъан джерден къалма.
- Юйюнг бла джау болгъандан эсе, элинг бла джау бол.
- Билим къая тешер.
- Тюзню ётмеги тюзде къалса да, тас болмаз.
- Билеги кючлю, бирни джыгъар, билими кючлю, мингни джыгъар.
- Сибиртки да сыйлы болду, кюрек да кюнлю болду.
- Акъыл аздырмаз, билим тоздурмаз.
- Насыблы элин сюер, насыбсыз кесин сюер.
- Чалманны аллы къалай башланса, арты да алай барады.
- Харам къарнашдан, халал тенг ашхы.
- Таукел адам тау тешер.
Тукъумланы атауллары
|
Мен Айбазладанма, эшитгенме Айбазланы атауларын юсюнден, алайа хапарсызма. Ким билейеседа джазыгъыз.
|
|
|
|
|
|
блай къарайма да не киши тукъумун билдирирге излемейди, не да атаулларын билмейдиле!
|
|
|
|
|
|
Мен Биджиладанма, атаул - Ташалдарлары))) Дагъыда Биджилада Чопашлары, Ючинеклары, Сернекле (чам атлары) деб атауула бардыла))
|
|
|
|
|
|
Мен Борлакъладан ,Атаул-джернеслери))
|
|
|
|
|
|
айыб этмегиз, атаул деп кимге айтасыз? основатель рода деген магъанадамы?
|
|
|
|
|
|
Мен Дотдайладан, атаулум - Герийладан :smt006
|
|
|
|
|
|
Мен Езденледенме, атаулум - Хуртдаладан :smt006
|
|
|
|
|
|
Мен Байчораладанма,атаулм-Бёдене!
|
|
|
|
|
|
М н
|
|
|
|
|
|
Мен Чомаладанма, атаул - Алдамазлары
|
|
|
|
|
|
Мен Хасанладанма, атаулум Хызырлары.
|
||||
|
|
|
|||
Читают тему (гостей: 1)