- Айырылгъанланы айю ашар, бёлюннгенлени бёрю ашар.
- Ашыкъгъан cуу, тенгизге джетмез.
- Къарны аманнга къазан такъдырма, къолу аманнга от джакъдырма.
- Мени джылытмагъан кюн, меннге тиймесин!
- Адеб этмеген, адеб кёрмез.
- Чарсда алчыны эл кёреди.
- Соргъан айыб тюлдю, билмеген айыбды.
- Кенгеш болса, уруш болмаз.
- Юй ишлеген балта эшикде къалыр.
- Сакъ юйюне сау барыр.
- Агъач халкъгъа алтынды, иссиликге салкъынды.
- Гугурук къычырмаса да, тангны атары къалмаз.
- Тыш элде солтан болгъандан эсе, кесинги элде олтан болгъан игиди!
- Ёксюзню къалачы уллу кёрюнюр.
- Билмейме деген – бир сёз
- Сакъламагъан затынга джолукъсанг, не бек къууанаса, не бек ачыйса.
- Окъугъан – асыу, окъумагъан – джарсыу.
- Суугъа – таянма, джаугъа – ийнанма.
- Айыбны суу бла джууалмазса.
- Борчунг бар эсе, хурджунунга ойлаб узал.
- Ойнай-ойнай кёз чыгъар.
- Адамны адамлыгъы къыйынлыкъда айгъакъланады.
- Кеси юйюмде мен да ханма.
- Бёрю да ач къалмасын, эчки да ашалмасын.
- Эски джаугъа ышанма.
- Джюрекден джюрекге джол барды.
- Гугук кесини атын айтыб къычыргъанча, мен, мен деб нек тураса?
- Сормай – алма, чакъырылмай – барма.
- Айтылгъан сёз ызына къайтмаз.
- От этилмеген джерден тютюн чыкъмайды.
- Кирсизни – саны таза, халалны – къаны таза.
- Уруну арты – къуру.
- Кимни – тили, тиши онглу, кимни – къолу, иши онглу.
- Аман адамны тепсинге олтуртсанг, къызынгы тилер.
- Айран тёгюлсе, джугъусу къалыр.
- Бастасын ашагъан, хантусун да ичер.
- Ётген ёмюр – акъгъан суу.
- Байны оноуу, джарлыгъа джарамаз.
- Къанны къан бла джуума, аманны аман бла къуума.
- Уллу айтханны этмеген – уллаймаз.
- Мен да «сен», дейме, сен да «кесим», дейсе.
- Джеринден айырылгъан – джети джылар, джуртундан айырылгъан – ёлгюнчю джылар.
- Къонакъ болсанг, ийнакъ бол.
- Ойнаб айтсанг да, эслеб айт.
- Нафысынгы айтханын этме, намысынгы айтханын эт.
- Билими азны – ауузунда кирит.
- Къошда джокъгъа – юлюш джокъ.
- Билим насыб берир, билим джолну керир.
- Дуния мал дунияда къалады.
- Гитче джилтин уллу элни джандырыр.
ДЕМОКРАТИЯ - КУФР И ШАРИАТ ИБЛИСА (Шейх Сами аль Араби)
Читают тему (гостей: 1)