- Босагъа таш юйге кирмей эди, тыбыр таш эшикге чыкъмай эди.
- Къонакъ кёб келюучю юйню, къазаны отдан тюшмез.
- Байдан умут эте, джарлыдан ёгюз багъасы къорады.
- Булут кёкге джарашыу, уят бетге джарашыу.
- Эли джокъну – кёлю джокъ.
- Биреуге аманлыкъ этиб, кесинге игилик табмазса.
- Къатын къылыкъсыз, эр тынчлыкъсыз.
- Рысхы – насыбха къор.
- Уясында не кёрсе, учханында аны этер.
- Байлыкъ келсе, акъыл кетер.
- Къонакъ хазыр болгъанлыкъгъа, къонакъбай хазыр тюлдю.
- Аманны эки битли тону болур, бирин сеннге кийдирир, бирин кеси киер.
- Игиге айтсанг – билир, аманнга айтсанг – кюлюр.
- Уллу сёлешме да, уллу къаб.
- Тилчи тилден къаныкъмаз.
- Къууут – джелге, берне – бошха.
- Халкъны джырын джырласанг, халкъ санга эжиу этер.
- Кюн – узун, ёмюр – къысха.
- Намыс сатылыб алынмайды.
- Элде адам къалмаса, ит тахтагъа минер.
- Келинин тута билмеген, къул этер, къызын тута билмеген, тул этер.
- Джарлыны тону джаз битер.
- Сёз сёзню айтдырыр.
- Ёлмесенг да, къарт дамы болмазса?
- Кесинг сынамагъан затны, адамгъа буюрма.
- Ач отунчуну ачыуу – бурнунда.
- Харам къарнашдан, халал тенг ашхы.
- Байны оноуу, джарлыгъа джарамаз.
- Уллу къашыкъ эрин джыртар.
- Джарлы тюеге минсе да, ит къабар.
- Къыз чыгъаргъан – къызыл къымжа.
- Адам къаллай бир ишленмесе, аллай бир кесин уллу кёреди.
- Игилик игилик бла сингдирилиучю затды.
- Къарт айтханны этмеген, къартаймаз.
- Телиге от эт десенг, юйюнге от салыр.
- Къазанда болса, чолпугъа чыгъар.
- Азыкълы ат арымаз, къатыны аман джарымаз.
- Ата Джуртча джер болмаз, туугъан элча эл болмаз.
- Тойгъа алгъа да барма, тойда артха да къалма.
- Сормай – алма, чакъырылмай – барма.
- Окъугъан – асыу, окъумагъан – джарсыу.
- Орну джокъну – сыйы джокъ.
- Халкъгъа джарагъан, джарлы къалмаз.
- Джылар джаш, атасыны сакъалы бла ойнар.
- Башынга джетмегенни сорма.
- Итли къонакъ джарашмаз.
- Ауурну тюбю бла, дженгилни башы бла джюрюген.
- Гитче джилтин уллу элни джандырыр.
- Къралынгы – душмандан, башынгы от бла суудан сакъла.
- Ашхы – джыяр, аман – джояр.
ДЕМОКРАТИЯ - КУФР И ШАРИАТ ИБЛИСА (Шейх Сами аль Араби)
Читают тему (гостей: 1)