- Нёгер болсанг, тенг бол, тенг болмасанг, кенг бол.
- Ауузу аманнга «иги», деме.
- Сёз сёзню айтдырыр.
- Бал ашаргъа сюе эсенг, чибин ургъаннга тёз.
- Эр сокъур болсун, къатын тилсиз болсун.
- Тёрдеги кюлсе, эшикдеги ышарыр.
- Джарлыны эшигин махтагъан джабар.
- Къарнынг бла ёч алма.
- Джашда акъыл джокъ, къартда къарыу джокъ.
- Сёз садакъдан кючлюдю.
- Аууз сакълагъан – джан сакълар.
- Азыкъ аз болса, эртде орун сал.
- Арбаз къынгырды да, ийнек сауалмайма.
- Кёз – сюйген джерде, къол – ауругъан джерде.
- Шекер бла туз – бир болмаз, ушамагъан – юй болмаз.
- Ётген ёмюр – акъгъан суу.
- Къыз келсе, джумуш эте келеди, къатын келсе, ушакъ эте келеди.
- Зар адам ашынгы ашар, кесинги сатар.
- Чыкълы кюнде чыкъмагъан, чыкъса къуру кирмеген.
- Эте билген, этген этеди, эте билмеген, юретген этеди!
- Махтаннган къыз, тойда джукълар.
- Бети къызарыучу адамны, джюреги харам болмаз.
- Адамны артындан къара сабан сюрме.
- Туз, гырджын аша, тюзлюк бла джаша.
- Тенгинг джокъ эсе – изле, бар эсе – сакъла!
- Тойну къарнашы – харс, джырны къарнашы – эжиу.
- Рысхы – сют юсюнде кёмюк кибикди.
- Джиби бир къат джетмей эди да, эки къат тарта эди.
- Билими азны – ауузунда кирит.
- Къыйынлы джети элге оноу этер.
- Сёз къанатсыз учар.
- Адеб этмеген, адеб кёрмез.
- Чалманны аллы къалай башланса, арты да алай барады.
- Къаллай салам берсенг, аллай джууаб алырса.
- Ариу – кёзге, акъыл – джюрекге.
- Асхат ашлыкъ сата, юйдегиси ачдан къата.
- Адамны адамлыгъы къыйынлыкъда айгъакъланады.
- Тилде сюек болмаса да, сюек сындырыр.
- Ёзденликни джайгъан – джокълукъ.
- Гитче джилтин уллу элни джандырыр.
- Кёб ант этген, кёб ётюрюк айтыр.
- Айтылгъан сёз ызына къайтмаз.
- Ёпкелегенни ашы татлы болады.
- Джаным-тиним – окъуу, билим.
- Уллу къашыкъ эрин джыртар.
- Ашаса, ашамаса да, бёрюню ауузу – къан.
- Билимли ёлмез, билимсиз кёрмез.
- Ачыкъ джюрекге джол – ачыкъ.
- Билмегенинги, билгеннге сор.
- Джарлыны тону джаз битер.
КНИГА: "ПОЛОЖЕНИЕ ОТМЕЧАНИЯ МАВЛИДА (дня рождения Пророка)
Читают тему (гостей: 1)