- Биреуге кёлтюрген таягъынг, кесинги башынга урур.
- Берекет берсин деген джерде, берекет болур.
- Къоркъакъны кёзю экили кёрюр.
- Тилчи бир сагъатха айлыкъ хата этер.
- Бети бедерден, намыс сакълама.
- Мени джылытмагъан кюн, меннге тиймесин!
- Аманны къуугъан, аманлыкъ табар.
- Адебни адебсизден юрен.
- Ёксюзню къалачы уллу кёрюнюр.
- Эр сокъур болсун, къатын тилсиз болсун.
- Тёзгеннге, джабылгъан эшик ачылыр.
- Джаралыны джастыгъында сау ёлюр.
- Къозулугъунда тоймагъан, къойлугъунда тоймаз.
- Дуния малгъа сатылма, кесингден телиге къатылма.
- Бал ашаргъа сюе эсенг, чибин ургъаннга тёз.
- Юре билмеген ит, къонакъ келтирир.
- Джети тилни билген джети кишиди.
- Айран ичген – къутулду, джугъусун джалагъан – тутулду.
- Ариу сёз аурууунгу алыр.
- Билген билмегенни юретген адетди.
- Къаллай салам берсенг, аллай джууаб алырса.
- Халкъны юйю – туугъан джери.
- Джыланны къуйругъундан басарынг келсе, аны башы болгъанын унутма.
- Ханнга да келеди хариблик.
- Билим насыб берир, билим джолну керир.
- Ашлыкъ – бюртюкден, джюн – тюкден.
- Ашха уста, юйюнде болсун
- Акъыл бла адеб эгизледиле.
- Ишин билген, аны сыйын чыгъарады.
- Джумушакъ терекни къурт ашар.
- Эшекни не къадар тюйсенг да, ат болмаз.
- Кёбден умут этиб, аздан къуру къалма.
- Халкъны джырын джырласанг, халкъ санга эжиу этер.
- Дууулдаса – бал чибин, къонса – къара чибин.
- Бермеген къол, алмайды.
- Юй кюйдю да, кюйюз чыкъды, ортасындан тюйюш чыкъды.
- Адам къыйынлыгъын кёлтюрюр, зауукълугъун кёлтюрмез.
- Ёмюрлюк шохлукъну джел элтмез.
- Халкъгъа джарагъан, джарлы къалмаз.
- Телиге от эт десенг, юйюнге от салыр.
- Акъыллы башны – тили къысха.
- Чабакъ башындан чирийди.
- Кёлсюзден сёзсюз тууар.
- Тёрени джагъы джокъ.
- Къатыны харакетли болса, эри къымсыз болур.
- Намысы джокъну – дуниясы джокъ.
- Хансыз джомакъ болмаз.
- Накъырда – кертини келечиси.
- Сакъалы текени да бар, мыйыгъы киштикни да бар.
- Тилчиден кери бол.
КНИГА: "ПОЛОЖЕНИЕ ОТМЕЧАНИЯ МАВЛИДА (дня рождения Пророка)
Читают тему (гостей: 1)