- Бек ашыкъгъан меннге джетсин, дегенди аракъы.
- Чакъырылмагъан къонакъ къачан кетерин сормаз.
- Билимсиз иш бармаз.
- Иши джокъну, сыйы джокъ.
- Кирсизни – саны таза, халалны – къаны таза.
- Къар – келтирди, суу – элтди.
- Ачылгъан эт джабылыр, кёрген кёз унутмаз.
- Сагъыш – къартлыкъгъа сюйюмчю.
- Халкъны юйю – туугъан джери.
- Рысхы – сют юсюнде кёмюк кибикди.
- Ханнга да келеди хариблик.
- Ашарыкъда сайлагъаннга – чий гырджын.
- Ишленмеклик адамлыкъды.
- Ашатыргъа иш – ашхы, ишлетирге аш – ашхы.
- Къатын къылыкъсыз, эр тынчлыкъсыз.
- Сабийни джумушха джибер да, ызындан бар.
- Ариу джол аджал келтирмез.
- Ата Джуртча джер болмаз, туугъан элча эл болмаз.
- Тойну къарнашы – харс, джырны къарнашы – эжиу.
- Ёлюк кебинсиз къалмаз.
- Сыфатында болмагъаны, суратында болмаз.
- Тилчиден кери бол.
- Адамны аты башхача, акъылы да башхады.
- Окъуу – билимни ачхычы, окъуу – дунияны бачхычы.
- Аман киши кеси юйюнде – къонакъ.
- Акъыл сабырлыкъ берир.
- Аурууну келиую тынч, кетиую – къыйын.
- Къазанда болса, чолпугъа чыгъар.
- Гугурук къычырмаса да, тангны атары къалмаз.
- Хансыз джомакъ болмаз.
- Ётюрюкню къуйругъу – бир тутум.
- Къарын къуру болса, джюрек уру болур.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Тас болгъан бычакъны сабы – алтын.
- Къызын тута билмеген, тул этер, джашын тута билмеген, къул этер.
- Адам боллукъ, атламындан белгили болур.
- Элни кючю – эмеген.
- Этек чакъмакълары баш джаргъан, сёлешген сёзлери таш джаргъан.
- Джюрекден джюрекге джол барды.
- Кёб къычыргъандан – къоркъма, тынч олтургъандан – къоркъ.
- Хатерли къул болур.
- Джигер – джаннга къыйынлыкъ.
- Юре билмеген ит, къонакъ келтирир.
- Арба аугъандан сора, джол кёргюзтюучю кёб болур.
- Башда акъыл болмаса, эки аякъгъа кюч джетер.
- Тенгни тенглиги джашай барсанг билинир.
- Билим насыб берир, билим джолну керир.
- Ариуну – ауруу кёб.
- Джаз бир кюнню джатсанг, къыш талай кюнню абынырса.
- Ишни ахырын ойламай, аллын башлама.
ВАЖНОСТЬ ТАУХИДА, И ПРИЧИНА ВОЙНЫ ПРОТИВ ИСЛАМА
10.04.2011 01:42:57
|
||||
|
|
|||
Читают тему (гостей: 1)