- Кёзню ачылгъаны – иги, ауузну джабылгъаны – иги.
- Уллу сёзде уят джокъ.
- Алим болгъандан эсе, адам болгъан къыйынды.
- Сабыр джетер муратха, сабырсыз къалыр уятха.
- Телини эшигин, махтау джабар.
- Кийиминг бла танылма, адамлыкъ бла таныл.
- Чабакъ башындан чирийди.
- Таякъ этден ётер, тил сюекден ётер.
- Ёлюр джаннга, ёкюл джокъ.
- Таугъа чыгъаллыкъ эсенг, тюзде къалма.
- Акъылсызны джууукъгъа алма, акъыллыны кенгнге салма.
- Къартны бурнун сюрт да, оноугъа тут.
- Айран ичген – къутулду, джугъусун джалагъан – тутулду.
- Уллу къашыкъ эрин джыртар.
- Тойгъа алгъа да барма, тойда артха да къалма.
- Тил – кесген бычакъ, сёз – атылгъан окъ.
- Ишни ахырын ойламай, аллын башлама.
- Ашхы адам – халкъ байлыгъы, ашхы джер – джашау байлыгъы.
- Джаханимни кёрмей, джандетге кёл салмазса.
- Ёмюрлюк шохлукъну джел элтмез.
- Рысхы – насыбха къор.
- Джашлыкъ этмеген, башлыкъ этмез.
- Таукелге нюр джауар.
- Кюн кёрмеген, кюн кёрсе, кюндюз чыракъ джандырыр.
- Хоншуну тауугъу къаз кёрюнюр, келини къыз кёрюнюр.
- Шапа кёб болса, аш татымсыз болур.
- Къан бла кирген, джан бла чыгъар.
- Къарнынг бла ёч алма.
- Къаллай салам берсенг, аллай джууаб алырса.
- Эр абынмай, эл танымаз.
- Джыланны къуйругъундан басарынг келсе, аны башы болгъанын унутма.
- Ауузу бла къуш тута айланады.
- Келинин тута билмеген, къул этер, къызын тута билмеген, тул этер.
- Эри аманны, къатыны – аман.
- Босагъагъа джууукъ орун болса, ашыгъыб тёрге озма.
- Ойнай билмеген, уруб къачар.
- Тюз сёз баргъан сууну тыяр.
- Чомартха Тейри да борчлуду.
- Ачыу алгъа келсе, акъыл артха къалады.
- Экеу тутушса, биреу джыгъылыр.
- Джыгъылгъанны сырты джерден тоймаз.
- Сагъыш – къартлыкъгъа сюйюмчю.
- Сакъламагъан затынга джолукъсанг, не бек къууанаса, не бек ачыйса.
- Аманны къуугъан, аманлыкъ табар.
- Кёб къычыргъандан – къоркъма, тынч олтургъандан – къоркъ.
- Мухарны эси – ашарыкъда.
- Къанны къан бла джуума, аманны аман бла къуума.
- Сёз садакъдан кючлюдю.
- Иги адам абынса да, джангылмаз.
- Азыкъ аз болса, эртде орун сал.
