- Ана къолу ачытмаз.
- Сёз къанатсыз учар.
- Сибиртки да сыйлы болду, кюрек да кюнлю болду.
- Джылыгъа джылан илешир.
- Арба аугъандан сора, джол кёргюзтюучю кёб болур.
- Джангызны оту джарыкъ джанмаз!
- Эринчекге кюн узун.
- Арбаз къынгырды да, ийнек сауалмайма.
- Къыз чыгъаргъан – къызыл къымжа.
- Хар зат кесини орнуна иги.
- Ач отунчуну ачыуу – бурнунда.
- Джыгъылгъанны сырты джерден тоймаз.
- Эл бла кёргенинг эрелей.
- Онгсузну – джакъла, тенгликни – сакъла.
- Гитче джилтин уллу элни джандырыр.
- Джаш къарыу бла кючлю, къарт акъыл бла кючлю.
- Нёгер болсанг, тенг бол, тенг болмасанг, кенг бол.
- Тойгъанлыкъ къойгъа джарашады.
- Азыгъы аз, алгъа къабар, аты аман, алгъа чабар.
- Акъыллы башны – тили къысха.
- Къартны сыйын кёрмеген, къартлыгъында сыйлы болмаз.
- Къазанчы аман болса, къазаны къайнамаз.
- Окъдан джара эртде-кеч болса да бителир, сёз джара, ёмюрге къалыр.
- Къолунгдан къуймакъ ашатсанг да, атаны борчундан къутулмазса.
- Къатын къылыкъсыз, эр тынчлыкъсыз.
- Эшекни не къадар тюйсенг да, ат болмаз.
- Сакъалы текени да бар, мыйыгъы киштикни да бар.
- Илму – джашауну джолу.
- Акъдан къара болмаз.
- Къонагъы джокъну – шоху джокъ.
- Арбаз сайлама да, хоншу сайла.
- Кюлме джашха – келир башха.
- Къолу уллу – асыу, аягъы уллу – джарсыу.
- Къызын тута билмеген, тул этер, джашын тута билмеген, къул этер.
- Джумушакъ сёз къаты таякъны сындырыр.
- Чомарт бергенин айтмаз.
- Агъач – джерни чырайы, кийим – эрни чырайы.
- Ач келгенни – тойдур, кеч келгенни – къондур.
- Ёзденликни кёбю ётюрюк.
- Сабыр джетер муратха, сабырсыз къалыр уятха.
- Аш иеси бла татлыды.
- Адеби болмагъан къыз – тузсуз хант.
- Тас болгъан бычакъны сабы – алтын.
- Нарт сёз къарт болмаз.
- Аман хансны – урлугъу кёб.
- Къонакъны къачан кетерин сорма, къачан келлигин сор.
- Окъугъан – асыу, окъумагъан – джарсыу.
- Акъыл сабырлыкъ берир.
- Ашха уста, юйюнде болсун
- Джаханимни кёрмей, джандетге кёл салмазса.
ШЕЙХ ХАЛИД АР-РОШИД - "ПОСЛАНИЕ К СЛУШАЮЩЕМУ МУЗЫКУ"
Читают тему (гостей: 1)