- Адебни адебсизден юрен.
- Джашлыкъ этмеген, башлыкъ этмез.
- Кийиминг бла танылма, адамлыкъ бла таныл.
- Атлыны кёрсе, джаяуну буту талыр.
- Алим болгъандан эсе, адам болгъан къыйынды.
- Тилсиз миллет джокъ болур.
- Айтхан сёзюне табылгъан.
- Къумурсхала джыйылсала, пилни да джыгъадыла.
- Чабакъ башындан чирийди.
- Агъач халкъгъа алтынды, иссиликге салкъынды.
- Хантына кёре тузу, юйюне кёре къызы.
- Бети бедерден, намыс сакълама.
- Тойчу джашха къарама, къойчу джашха къара.
- Окъугъанны бети джарыкъ.
- Ёнгкюч къууана барыр, джылай келир.
- Эринчекни аурууу – кёб.
- Ашда – бёрю, ишде – ёлю.
- Аман адам этегингден тутса, кес да къач.
- Телини эшигин, махтау джабар.
- Адамны сыфатына къарама, сёзюне къара.
- Чомартны къолу берекет.
- Тойгъа алгъа да барма, тойда артха да къалма.
- Юйлю уругъа ит чабмаз.
- Эл тойса, тоймагъан, эл къойса, къоймагъан.
- Элге къуллукъ этмеген, элге ие болмаз.
- От кюйдюрген, сау болса да, тот кюйдюрген, сау болмаз.
- Акъыллы башны – тили къысха.
- Башынга джетмегенни сорма.
- Кёл – къызбай, къол – батыр.
- Тёзген – тёш ашар!
- Ариу – кёзге, акъыл – джюрекге.
- Къанны къан бла джуума, аманны аман бла къуума.
- Тыш элде солтан болгъандан эсе, кесинги элде олтан болгъан игиди!
- Асхат ашлыкъ сата, юйдегиси ачдан къата.
- Эркишини аманы тиширыуну джылатыр.
- Джаз бир кюнню джатсанг, къыш талай кюнню абынырса.
- Джыланны къуйругъундан басарынг келсе, аны башы болгъанын унутма.
- Иги адамны бир сёзю эки болмаз.
- Тил – кесген бычакъ, сёз – атылгъан окъ.
- Джырчы ёлсе, джыры къалыр.
- Хунаны тюбюн къазсанг, юсюнге ауар.
- Чоюнну башы ачыкъ болса, итге уят керекди.
- Айныгъанлы алты кюн, тогъайгъанлы тогъуз кюн.
- Ашха уста, юйюнде болсун
- Баланы адам этген анады.
- Орундукъ тюбюнде атылсам да, орта джиликме, де да айлан.
- Накъырда – кертини келечиси.
- Хар зат кесини орнуна иги.
- Окъдан джара эртде-кеч болса да бителир, сёз джара, ёмюрге къалыр.
- Акъылсызны джууукъгъа алма, акъыллыны кенгнге салма.
Благодатный ли огонь?
Читают тему (гостей: 1)