- Джол бла сёзню къыйыры джокъ.
- Кесинге джетмегенни, кёб сёлешме.
- Къонакъ аман болса, къонакъбай джунчур
- Аш хазыр болса, иш харам болур.
- Эрни эр этерик да, къара джер этерик да, тиширыуду.
- Кёб джашагъан – кёб билир.
- Къызбайны юйюне дери сюрсенг, батыр болур.
- Нёгер болсанг, тенг бол, тенг болмасанг, кенг бол.
- Гитче джилтин уллу элни джандырыр.
- Къарт бла баш аша, джаш бла аякъ аша.
- Алтыда кюлмеген, алтмышда кюлмез.
- Келгинчи, къонакъ уялыр, келгенден сора, къонакъбай уялыр.
- Ишленмеген джаш – джюгенсиз ат, ишленмеген къыз – тузсуз хант.
- Ойнай-ойнай кёз чыгъар.
- Эл ауузу – элек, анга ийнаннган – халек.
- Уллу айтханны этмеген – уллаймаз.
- Кийимни бир кюнню аясанг, минг кюннге джарар.
- Дженгил джетерикме деб, узун джолну къоюб, къысхасын барма.
- Эр сокъур болсун, къатын тилсиз болсун.
- Нафысынгы айтханын этме, намысынгы айтханын эт.
- Ёлюр джаннга, ёкюл джокъ.
- Джюрек кёзден алгъа кёрюр.
- Телиге акъыл салгъандан эсе, ёлгеннге джан салырса.
- Адеб базарда сатылмаз.
- Кёкдеги болмаса, джердегин кёрмейди.
- Эркишиге тары кебек танг кёрюнюр.
- Татлы тилде – сёз ариу, чемер къолда – иш ариу.
- Рысхы – насыбха къор.
- Джети тилни билген джети кишиди.
- Телиге от эт десенг, юйюнге от салыр.
- Тели турса – той бузар.
- Ашын ашагъанынгы, башын да сыйла.
- Адеб этмеген, адеб кёрмез.
- Къуру гыбыт бек дыгъырдар.
- Аш берме да, къаш бер.
- Чомарт къонакъ юй иесин сыйлар.
- Джылыгъа джылан илешир.
- Аз сёлеш, кёб ишле.
- Орну джокъну – сыйы джокъ.
- Джырына кёре эжиую.
- Бойнуму джети джерден кессенг да, мен ол ишни этеллик тюлме.
- Насыб бютеу халкъны юлюшюдю.
- Экеу тутушса, биреу джыгъылыр.
- Къазанны башы ачыкъ болса, итге уят керекди.
- Ариу сёз – джаннга азыкъ, аман сёз – башха къазыкъ.
- Суу кетер, таш къалыр.
- Чабакъгъа акъыл, табагъа тюшсе келеди.
- Орундукъ тюбюнде атылсам да, орта джиликме, де да айлан.
- Байдан умут эте, джарлыдан ёгюз багъасы къорады.
- Эки къатын алгъан – эки ташны ортасына башын салгъан.
Футбол. 19.11.2011 Эльбрусоид-Байкал
Читают тему (гостей: 1)