- Бастасын ашагъан, хантусун да ичер.
- Ишлегенде эринме, ишде чолакъ кёрюнме.
- Бермеген къол, алмайды.
- Келлик заман – къартлыкъ келтирир, кетген заман – джашлыкъ ёлтюрюр.
- Джарлыны тону джаз битер.
- Ханы къызы буюгъа-буюгъа киштик болду.
- Эли джокъну – кёлю джокъ.
- Душманны тышы – акъ, ичи – къара.
- Элге къуллукъ этмеген, элге ие болмаз.
- Ата Джуртча джер болмаз, туугъан элча эл болмаз.
- Ётюрюк хапар аякъ тюбю бла джюрюйдю.
- Джыланны къуйругъундан басарынг келсе, аны башы болгъанын унутма.
- Тели турса – той бузар.
- Башсыз урчукъ тюзюне айланмаз.
- Арыгъан къош чамчы болур.
- Босагъагъа джууукъ орун болса, ашыгъыб тёрге озма.
- Сёз къанатсыз учар.
- Ариу – кёзге, акъыл – джюрекге.
- Сыфатында болмагъаны, суратында болмаз.
- Адамны бетине къарама, адетине къара.
- Джаным-тиним – окъуу, билим.
- Бичгенде ашыкъма, тикгенде ашыкъ.
- Эки итни арасына сюек атма, эки адамны арасында сёз чыгъарма.
- Аш хазыр болса, иш харам болур.
- Айран тёгюлсе, джугъусу къалыр.
- Керти сёзге тёре джокъ.
- Мал тутхан – май джалар.
- Къазанчы аман болса, къазаны къайнамаз.
- Аз сёлешген, къайгъысыз турур.
- Мен да «сен», дейме, сен да «кесим», дейсе.
- Акъыллы башны – тили къысха.
- Кёб ант этген, кёб ётюрюк айтыр.
- Адебсиз адам – джюгенсиз ат.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Эрни эр этерик да, къара джер этерик да, тиширыуду.
- Тойгъандан сора, ашны сёкме.
- Билгенни къолу къарны джандырыр.
- Эшекге миннген – биринчи айыб, андан джыгъылгъан – экинчи айыб.
- Адам сёзюнден белгили.
- Ашыкъгъанны этеги бутуна чырмалыр.
- От этилмеген джерден тютюн чыкъмайды.
- Ёзденликни джайгъан – джокълукъ.
- Алим болгъандан эсе, адам болгъан къыйынды.
- Къонакъны къачан кетерин сорма, къачан келлигин сор.
- Таш ата билмеген, башына урур.
- Татлы тилде – сёз ариу, чемер къолда – иш ариу.
- Айтханы чапыракъдан ётмеген.
- Тас болгъан бычакъны сабы – алтын.
- Тойчу джашха къарама, къойчу джашха къара.
- Терслик кетер, тюзлюк джетер.
Футбол. 19.11.2011 Эльбрусоид-Байкал
Читают тему (гостей: 1)