- Ауругъан – джашаудан умутчу.
- Сёз сёзню айтдырыр.
- Таукел тауну аудурур.
- Къартны бурнун сюрт да, оноугъа тут.
- Ата джурт – алтын бешик.
- Ачыкъ джюрекге джол – ачыкъ.
- Сыфатында болмагъаны, суратында болмаз.
- Чалманны аллы къалай башланса, арты да алай барады.
- Тилчи бир сагъатха айлыкъ хата этер.
- Адебсиз адам – джюгенсиз ат.
- Ашхы тенг джолгъа салыр, аман тенг джолдан тайдырыр.
- Тил бла келеди джыр да.
- Агъач халкъгъа алтынды, иссиликге салкъынды.
- Кёбню кёрген – кёб билир.
- Ханы къызы буюгъа-буюгъа киштик болду.
- Тойгъан антын унутур.
- Къатын байлыкъны сюер, эр саулукъну сюер.
- Адамны адамлыгъы къыйынлыкъда айгъакъланады.
- Чабакъсыз кёлге къармакъ салгъанлыкъгъа, чабакъ тутмазса.
- Бозанг болмагъан джерге, къалагъынгы сукъма.
- Келинин тута билмеген, къул этер, къызын тута билмеген, тул этер.
- Эри аманны, къатыны – аман.
- Джангызны оту джарыкъ джанмаз!
- Чарсда алчыны эл кёреди.
- Ариу сёз джыланны орнундан чыгъарыр.
- Ёнгкюч къууана барыр, джылай келир.
- Къралынгы – душмандан, башынгы от бла суудан сакъла.
- Душманны тышы – акъ, ичи – къара.
- Сормай – алма, чакъырылмай – барма.
- Джюрек кёзден алгъа кёрюр.
- Эски джаугъа ышанма.
- Ач къарынны, токъ билмез
- Байлыкъ тауусулур, билим тауусулмаз.
- Нафысынгы айтханын этме, намысынгы айтханын эт.
- Аууздан келген, къолдан келсе, ким да патчах болур эди.
- Бетинги сатма, малынгы сат.
- Эркиши – от, тиширыу – суу.
- Ач къалгъандан, кеч къалгъан къолай.
- Кийимни бичсенг, кенг бич, тар этген къыйын тюлдю.
- Ишлегенден, къарагъан уста.
- Уллу суу бла уллу ауруудан башынгы сакъла.
- Билим ат болуб да чабар, къуш болуб да учар.
- Мал кёб болса, джууукъ кёб болур.
- Телиге акъыл салгъандан эсе, ёлгеннге джан салырса.
- Джыйырма къойну юч джыйырма эбзе кюте эди.
- Юйюнг бла джау болгъандан эсе, элинг бла джау бол.
- Ат басханны джер билед.
- Ким бла джюрюсенг, аны кёзю бла кёрюнюрсе.
- Тилчи тилден къаныкъмаз.
- Баш – акъыл ючюн, акъылман – халкъ ючюн.
