- Ач отунчуну ачыуу – бурнунда.
- Ёлюк кебинсиз къалмаз.
- Орну джокъну – сыйы джокъ.
- Окъугъан озар, окъумагъан тозар.
- Асхат ашлыкъ сата, юйдегиси ачдан къата.
- Таш ата билмеген, башына урур.
- Ашда – бёрю, ишде – ёлю.
- Тёрдеги кюлсе, эшикдеги ышарыр.
- Аманнга игилик этсенг, юйюнге сау бармазса.
- Юйлю уругъа ит чабмаз.
- Ичимден чыкъды хата, къайры барайым сата?
- Адебни адебсизден юрен.
- Биреуге аманлыкъ этиб, кесинге игилик табмазса.
- Алим болгъандан эсе, адам болгъан къыйынды.
- Къарт болгъан джерде, берекет болур, сабий болгъан джерде, оюн болур.
- Уруну арты – къуру.
- Айырылгъанланы айю ашар, бёлюннгенлени бёрю ашар.
- Ёлюр джаннга, ёкюл джокъ.
- Акъыллы башны – тили къысха.
- Арбаз сайлама да, хоншу сайла.
- Ауузу бла къуш тута айланады.
- Башы ишлегенни, ауузу да ишлер.
- Сакъламагъан затынга джолукъсанг, не бек къууанаса, не бек ачыйса.
- Къозулугъунда тоймагъан, къойлугъунда тоймаз.
- Арпа, будай – ащды, алтын, кюмюш а – ташды.
- Аджашхан тёгерек айланыр.
- Къонакъ аз олтурур, кёб сынар.
- Орундукъ тюбюнде атылсам да, орта джиликме, де да айлан.
- Таукел тауну аудурур.
- Иги болса, тамадама – махтау, аман болса, меннге – айыб.
- Эм уллу байлыкъ – джан саулукъ.
- Билими азны – ауузунда кирит.
- Эл ауузу – элия.
- Урунуу – насыбны анасы.
- Ишленмеклик адамлыкъды.
- Сёз садакъдан кючлюдю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Адамны артындан къара сабан сюрме.
- Аш берме да, къаш бер.
- Сормай – алма, чакъырылмай – барма.
- Суу ичген шауданынга тюкюрме.
- Бетинги сатма, малынгы сат.
- Бюгюн дуния кибик, тамбла ахыратды.
- Ашхы сёз таш тешер.
- Таш бла ургъанны, аш бла ур.
- Биреу къой излей, биреу той излей.
- Этни бети бла шорпасы.
- Къайгъы тюбю – тенгиз.
- Чалманны аллы къалай башланса, арты да алай барады.
- Телиге от эт десенг, юйюнге от салыр.
