- Эл бла кёргенинг эрелей.
- Босагъа таш юйге кирмей эди, тыбыр таш эшикге чыкъмай эди.
- Эки ойлашыб, бир сёлешген.
- Къызбайны юйюне дери сюрсенг, батыр болур.
- Окъдан джара эртде-кеч болса да бителир, сёз джара, ёмюрге къалыр.
- Кенгеш болса, уруш болмаз.
- Малны кют, джерни тюрт.
- Къуллукъчума, деб махтанма, къуллукъ – хаух джамчыды!
- Чомартха Тейри да борчлуду.
- Ана кёлю – балада, бала кёлю – талада.
- Джарлыны эшигин махтагъан джабар.
- Садакъачыны джаны – къапчыгъында.
- Ауругъаннга – кийик саулукъ, джетген къызгъа – чилле джаулукъ.
- Тилчи тилден къаныкъмаз.
- Къатын къылыкъсыз, эр тынчлыкъсыз.
- Билим къая тешер.
- Тойгъа алгъа да барма, тойда артха да къалма.
- Чомартны къолун джокълукъ байлар.
- Ёгюзню мюйюзюнден тутадыла, адамны сёзюнден тутадыла.
- Къарт бла баш аша, джаш бла аякъ аша.
- Эте билген, этген этеди, эте билмеген, юретген этеди!
- Бир абыннган – минг сюрюнюр.
- Айтхан – тынч, этген – къыйын.
- Сабий кёргенин унутмаз.
- Къарын къуру болса, джюрек уру болур.
- Чыкълы кюнде чыкъмагъан, чыкъса къуру кирмеген.
- Окъ къызбайны джокълайды.
- Адамны сабийин сюйген джюреги, бычакъча, джитиди.
- Киштикге къанат битсе, чыпчыкъ къалмаз эди.
- Джашлыкъ этмеген, башлыкъ этмез.
- Чомартны къолу берекет.
- Халкъны юйю – туугъан джери.
- Бичгенде ашыкъма, тикгенде ашыкъ.
- Джюрекге ариу – кёзге да ариу.
- Телини эшигин, махтау джабар.
- Ашына кёре табагъы, балына кёре къалагъы.
- Аджашхан тёгерек айланыр.
- Ата Джуртуму башы болмасам да, босагъасында ташы болайым.
- Башынга джетмегенни сорма.
- Ариу сёзде ауруу джокъ.
- Эл тойса, тоймагъан, эл къойса, къоймагъан.
- Арпа, будай – ащды, алтын, кюмюш а – ташды.
- Игиге айтсанг – билир, аманнга айтсанг – кюлюр.
- Хоншуну тауугъу къаз кёрюнюр, келини къыз кёрюнюр.
- Сакъалы текени да бар, мыйыгъы киштикни да бар.
- Эки къатын алгъан – эки ташны ортасына башын салгъан.
- Тюзлюк шохлукъну бегитир.
- Адам къыйынлыгъын кёлтюрюр, зауукълугъун кёлтюрмез.
- Арбаз къынгырды да, ийнек сауалмайма.
- Акъыл неден да кючлюдю.
