- Аман адам этегингден тутса, кес да къач.
- Акъыл къартда, джашда тюйюлдю – башдады.
- Къыз тиширыу кеси юйюнде да къонакъды.
- Ариуну – ауруу кёб.
- Магъанасыз сёз – тауушсуз сыбызгъы.
- Битмегеннге сакъал – танг.
- Ёнгкюч къууана барыр, джылай келир.
- Кимни – тили, тиши онглу, кимни – къолу, иши онглу.
- Терек ауса, отунчу – кёб.
- Кёб ант этген, кёб ётюрюк айтыр.
- Къызын тута билмеген, тул этер, джашын тута билмеген, къул этер.
- Тойгъанлыкъ къойгъа джарашады.
- Сууда джау джокъ, кёб сёзде магъана джокъ.
- Керти сёзге тёре джокъ.
- Юйюнгден чыкъдынг – кюнюнгден чыкъдынг.
- Акъыл сабырлыкъ берир.
- Тилчиден кери бол.
- Билими азны – ауузунда кирит.
- Эки къатын алгъанны къулагъы тынгнгаймаз.
- Кёзю сокъурдан – къоркъма, кёлю сокъурдан – къоркъ.
- От этилмеген джерден тютюн чыкъмайды.
- Мухар, кеси тойса да, кёзю тоймаз.
- Сёз сёзню айтдырыр.
- Билеги кючлю, бирни джыгъар, билими кючлю, мингни джыгъар.
- Этни да ашады, бетни да ашады.
- Гыдай эчки суугъа къараб, мюйюзле кёрмесе, джашма алкъын, дегенди.
- Ёлген эшек бёрюден къоркъмайды.
- Ёгюзню мюйюзюнден тутадыла, адамны сёзюнден тутадыла.
- Чалманны аллы къалай башланса, арты да алай барады.
- Мал кёб болса, джууукъ кёб болур.
- Нарт сёз къарт болмаз.
- Агъач – джерни чырайы, кийим – эрни чырайы.
- Ишин билген, аны сыйын чыгъарады.
- Аманнга алтын чыдамаз.
- Рысхы – сют юсюнде кёмюк кибикди.
- Аман киши кеси юйюнде – къонакъ.
- Къыз чыгъаргъан – къызыл къымжа.
- Хаухну атма, ёнгкючню сатма.
- Огъурлуну сёзю – суу, огъурсузну сёзю – уу.
- Билимден уллу байлыкъ джокъду.
- Босагъа таш юйге кирмей эди, тыбыр таш эшикге чыкъмай эди.
- Агъач халкъгъа алтынды, иссиликге салкъынды.
- Уллу къашыкъ эрин джыртар.
- Ата – билек, ана – джюрек!
- Ариу сёз аурууунгу алыр.
- Абынмазлыкъ аякъ джокъ, джангылмазлыкъ джаякъ джокъ.
- Экиндини кеч къылсанг, чабыб джетер ашхам.
- Биреуге аманлыкъны тилеме да, кесинге ашхылыкъны тиле.
- Кёзню ачылгъаны – иги, ауузну джабылгъаны – иги.
- Ач да бол, токъ да бол – намысынга бек бол.
