- Мухардан ач ычхынмаз.
- Нафысынгы айтханын этме, намысынгы айтханын эт.
- Ёнгкюч къууана барыр, джылай келир.
- Эте билген, этген этеди, эте билмеген, юретген этеди!
- Кесинг сынамагъан затны, адамгъа буюрма.
- Чакъырылмагъан къонакъ – орунсуз.
- Тойгъанлыкъ къойгъа джарашады.
- Джумушакъ сёз къаты таякъны сындырыр.
- Чабакъгъа акъыл, табагъа тюшсе келеди.
- Бойнуму джети джерден кессенг да, мен ол ишни этеллик тюлме.
- Термилгенинги табмазса, кюлгенинге тюберсе.
- Билмегенинги, билгеннге сор.
- Элни кючю – эмеген.
- Миллетни бойну – базыкъ, аны бла кюрешген – джазыкъ.
- Халкъны джырын джырласанг, халкъ санга эжиу этер.
- Къонагъы джокъну – шоху джокъ.
- Билим къая тешер.
- Акъылсызны джууукъгъа алма, акъыллыны кенгнге салма.
- Тай асырагъан, атха минер.
- Юй ишлеген балта эшикде къалыр.
- Къуру гыбыт бек дыгъырдар.
- Сёлеш деб шай берген, тохта деб, сом берген.
- Элде адам къалмаса, ит тахтагъа минер.
- Арпа, будай – ащды, алтын, кюмюш а – ташды.
- Къартха ушагъан джаш – акъыллы, джашха ушагъан къарт – тели.
- Мен да «сен», дейме, сен да «кесим», дейсе.
- Сютден ауузу кюйген, суугъа юфгюре эди.
- Аджашханны ызындагъы кёреди, джангылгъанны джанындагъы биледи.
- Ёксюзню къалачы уллу кёрюнюр.
- Гугурук къычырмаса да, тангны атары къалмаз.
- Терек ауса, отунчу – кёб.
- Тилчи тилден къаныкъмаз.
- Айыбны суу бла джууалмазса.
- Кёкдеги болмаса, джердегин кёрмейди.
- Чомарт джарлы болмаз.
- Ётюрюкню къуйругъу – бир тутум.
- Ойнаб айтсанг да, эслеб айт.
- Къарнынг бла ёч алма.
- Дууулдаса – бал чибин, къонса – къара чибин.
- Хата – гитчеден.
- Эртде тургъан бла эртде юйленнген сокъуранмаз.
- Кюл тюбюндеги от кёрюнмейди.
- Мураты болгъанны джюрек тебюую башхады.
- Тин – байлыгъынг, терен саулугъунг.
- Байлыкъ адамны сокъур этер.
- Айтхан – тынч, этген – къыйын.
- Нёгер болсанг, тенг бол, тенг болмасанг, кенг бол.
- Джети тилни билген джети кишиди.
- Ариу сёз джыланны орнундан чыгъарыр.
- Танг атмайма десе да, кюн къоярыкъ тюйюлдю.
