- Биреуню къыйынлыгъы бла кесинге джол ишлеме.
- Эки къатын алгъан – эки ташны ортасына башын салгъан.
- Бозаны арты дауур болур.
- Акъыллы – эл иеси, тели – эл баласы.
- Атлыны кёрсе, джаяуну буту талыр.
- Халкъгъа джарагъан, джарлы къалмаз.
- Тили узунну, намысы – къысха.
- Дуния аламаты сен эсенг да, игиме деб айтма.
- Эринчекге кюн узун.
- Атадан ёксюз – бир ёксюз, анадан ёксюз – эки ёксюз.
- Тюз сёз баргъан сууну тыяр.
- Аман адам этегингден тутса, кес да къач.
- Экеу тутушса, биреу джыгъылыр.
- Къан бла кирген, джан бла чыгъар.
- Ёпкелегенни ашы татлы болады.
- Булут кёкге джарашыу, уят бетге джарашыу.
- Къарт болгъан джерде, берекет болур, сабий болгъан джерде, оюн болур.
- Джогъун бар этген, барын бал этген.
- Нафысынгы айтханын этме, намысынгы айтханын эт.
- Аууз сакълагъан – джан сакълар.
- Сютден ауузу кюйген, суугъа юфгюре эди.
- Тилчи тилден къаныкъмаз.
- Окъдан джара эртде-кеч болса да бителир, сёз джара, ёмюрге къалыр.
- Ата джурт – алтын бешик.
- Алгъанда – джууукъ, бергенде – джау.
- Уллу айтханны этмеген – уллаймаз.
- Чомарт къолда мал къалмаз.
- Байлыкъ болгъан джерде, тынчлыкъ джокъду.
- Эл ауузу – элек, анга ийнаннган – халек.
- Ишни ахырын ойламай, аллын башлама.
- Айран ичген – къутулду, джугъусун джалагъан – тутулду.
- Адебни адебсизден юрен.
- Ашда уялгъан – мухар, ишде уялгъан – хомух.
- Бастасын ашагъан, хантусун да ичер.
- Бал ашаргъа сюе эсенг, чибин ургъаннга тёз.
- Окъугъан – асыу, окъумагъан – джарсыу.
- Ачылгъан эт джабылыр, кёрген кёз унутмаз.
- Борчунг бар эсе, хурджунунга ойлаб узал.
- Бети бедерден, намыс сакълама.
- Хар зат кесини орнуна иги.
- Орундукъ тюбюнде атылсам да, орта джиликме, де да айлан.
- Арбаз къынгырды да, ийнек сауалмайма.
- Кютгени беш эчки, сызгъыргъаны уа, джерни джарады.
- Эртде тургъан бла эртде юйленнген сокъуранмаз.
- Тёрде – темир таякълы, къаяда – чыпчыкъ аякълы.
- Къарнынг къанлынга кийирир.
- Тойгъан джерден туугъан джер игиди.
- Ариу джол аджал келтирмез.
- Джюрек кёзден алгъа кёрюр.
- Къартны бурнун сюрт да, оноугъа тут.
Пожалуйста, авторизуйтесь: