- Эки къатын алгъан – эки ташны ортасына башын салгъан.
- Сакъламагъан затынга джолукъсанг, не бек къууанаса, не бек ачыйса.
- Джетген къыз джерли эшекни танымаз.
- Къазанны башы ачыкъ болса, итге уят керекди.
- Джангызны оту джарыкъ джанмаз!
- Къарт болгъан джерде, берекет болур, сабий болгъан джерде, оюн болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Итли къонакъ джарашмаз.
- Бир абыннган – минг сюрюнюр.
- Ойнаб айтсанг да, эслеб айт.
- Аш хазыр болса, иш харам болур.
- Джахил болса анасы, не билликди баласы?
- Иши джокъну, сыйы джокъ.
- Къазанчы аман болса, къазаны къайнамаз.
- Чакъырылмагъан къонакъ къачан кетерин сормаз.
- Аджашханны ызындагъы кёреди, джангылгъанны джанындагъы биледи.
- Башы джабылгъан челекге, кир тюшмез.
- Насыб бютеу халкъны юлюшюдю.
- Билеги кючлю, бирни джыгъар, билими кючлю, мингни джыгъар.
- Джюрек кёзден алгъа кёрюр.
- Алим болгъандан эсе, адам болгъан къыйынды.
- Эшекни не къадар тюйсенг да, ат болмаз.
- Бети бедерден, намыс сакълама.
- Аман адамны тепсинге олтуртсанг, къызынгы тилер.
- Ачлыкъда тары гырджын халыуадан татлы.
- Кийимни бичсенг, кенг бич, тар этген къыйын тюлдю.
- Артына баргъанны, къатына барма.
- Ана кёлю – балада, бала кёлю – талада.
- Эки къатын алгъанны къулагъы тынгнгаймаз.
- Эр сокъур болсун, къатын тилсиз болсун.
- Ёлген аслан – сау чычхан.
- Игилик игилик бла сингдирилиучю затды.
- Айран тёгюлсе, джугъусу къалыр.
- Джети тилни билген джети кишиди.
- Кёб джат да, бек чаб.
- Аш иеси бла татлыды.
- Окъумагъан сокъурду, сокъур ташха абыныр!
- Юй ишлеген балта эшикде къалыр.
- Эркиши – от, тиширыу – суу.
- Кюлме джашха – келир башха.
- Джогъун бар этген, барын бал этген.
- Къызны минг тилер, бир алыр.
- Бозаны арты дауур болур.
- Хар сёзню орну барды.
- Чомарт къонакъ юй иесин сыйлар.
- Мухарны эси – ашарыкъда.
- Аз айтсам, кёб ангылагъыз.
- Болджал ишни бёрю ашар.
- Тёзген – тёш ашар!
- Къайгъы тюбю – тенгиз.
Пожалуйста, авторизуйтесь: