- Ауузу бла къуш тута айланады.
- Къатыны харакетли болса, эри къымсыз болур.
- Чалманны аллы къалай башланса, арты да алай барады.
- Махтаннган къыз, тойда джукълар.
- Таукел адам тау тешер.
- Алма терегинден кери кетмез.
- Эл тойса, тоймагъан, эл къойса, къоймагъан.
- Хар сёзню орну барды.
- Иги сёз – джаннга азыкъ, аман сёз башха – къазыкъ.
- Аллахха ийнаннган кишини, Аллах онгдурур ишин.
- Кюн кёрмеген, кюн кёрсе, кюндюз чыракъ джандырыр.
- Аджал соруб келмез, келсе, къайтыб кетмез.
- Ата – билек, ана – джюрек!
- Чыкълы кюнде чыкъмагъан, чыкъса къуру кирмеген.
- Туз, гырджын аша, тюзлюк бла джаша.
- Сёз садакъдан кючлюдю.
- Тойгъан джерден туугъан джер игиди.
- Эркиши – от, тиширыу – суу.
- Билим ат болуб да чабар, къуш болуб да учар.
- Джуртун къоругъан озар.
- Джарлы тюеге минсе да, ит къабар.
- Къайгъыны сюйген, къайгъы табар.
- Адеб базарда сатылмаз.
- Рысхы – насыбха къор.
- Джашлыкъ этмеген, башлыкъ этмез.
- Тюзню ётмеги тюзде къалса да, тас болмаз.
- Терслик кетер, тюзлюк джетер.
- Джахил болса анасы, не билликди баласы?
- Билмейме деген – бир сёз
- Ариу сёз джыланны орнундан чыгъарыр.
- Юйюнгден чыкъдынг – кюнюнгден чыкъдынг.
- Иги – алгъыш этер, аман – къаргъыш этер.
- Билгенни къолу къарны джандырыр.
- Джаш болсун, къыз болсун, акъылы, саны тюз болсун.
- Ётюрюкден тюбю джокъ, кёлтюрюрге джиби джокъ.
- Адам сёзге тынгыла, акъыл сёзню ангыла.
- Ач уят къоймаз.
- Юйлю уругъа ит чабмаз.
- Ханы къызы буюгъа-буюгъа киштик болду.
- Тил бла келеди джыр да.
- Алтыннга тот къонмаз.
- Зарда марда джокъ.
- Айранын берсенг, челегин да къызгъанма.
- Ёпкелегенни ашы татлы болады.
- Иги адам абынса да, джангылмаз.
- Акъыл бла адеб эгизледиле.
- Чёбню кёлтюрсенг, тюбюнден сёз чыгъар.
- Эки къатын алгъанны къулагъы тынгнгаймаз.
- Эшекге миннген – биринчи айыб, андан джыгъылгъан – экинчи айыб.
- Нёгерсизни джолу узун.