- Тёзгеннге, джабылгъан эшик ачылыр.
- Иги бла джюрюсенг, джетерсе муратынга, аман бла джюрюсенг, къалырса уятха.
- Акъыл къартда, джашда тюйюлдю – башдады.
- Битмегеннге сакъал – танг.
- Билим насыб берир, билим джолну керир.
- Ашхы сёз таш тешер.
- Татлы сёз – балдан татлы.
- Эл бла кёргенинг эрелей.
- Эки къатын алгъан – эки ташны ортасына башын салгъан.
- Иги джашны ышаны – аз сёлешиб, кёб тынгылар.
- Ишни аллы бла къууанма да, арты бла къууан.
- Къайтырыкъ эшигинги, къаты уруб чыкъма.
- Садакъачыны джаны – къапчыгъында.
- Аууздан келген, къолдан келсе, ким да патчах болур эди.
- Къонагъынгы артмагъын алма да, алгъышын ал.
- Юреннген ауруу къалмаз.
- Телиге от эт десенг, юйюнге от салыр.
- Билмейме деген – бир сёз
- Байма, деб да, къууанма, джарлыма, деб да, джылама.
- Тойгъан антын унутур.
- Эр сокъур болсун, къатын тилсиз болсун.
- Кюн кёрмеген, кюн кёрсе, кюндюз чыракъ джандырыр.
- Аманнга да, игиге да оноусуз къатышма.
- Элге къуллукъ этмеген, элге ие болмаз.
- Ауругъан – джашаудан умутчу.
- Ашхы адам – халкъ байлыгъы, ашхы джер – джашау байлыгъы.
- Джукъу тёшек сайламайды.
- Ашхы – джыяр, аман – джояр.
- Игини сыйлагъан адетди.
- Эртде тургъан джылкъычыны эркек аты тай табар.
- Аджаллыгъа окъсуз шкок атылыр.
- Мухардан ач ычхынмаз.
- Намысы болмагъанны, сыйы болмаз.
- Гугурук къычырмаса да, тангны атары къалмаз.
- Айранны сюйген, ийнек тутар.
- Шайтан алдады, тюзлюк къаргъады.
- Къарт болгъан джерде, берекет болур, сабий болгъан джерде, оюн болур.
- Ёлюр джаннга, ёкюл джокъ.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Айырылгъанланы айю ашар, бёлюннгенлени бёрю ашар.
- Тёгюлген тюгел джыйылмайды.
- Сёз – кюмюш, джыр – алтын.
- Чабакъсыз кёлге къармакъ салгъанлыкъгъа, чабакъ тутмазса.
- Джумушакъ терекни къурт ашар.
- Джаралыны джастыгъында сау ёлюр.
- Мени джылытмагъан кюн, меннге тиймесин!
- Хансыз джомакъ болмаз.
- Ана кёлю – балада, бала кёлю – талада.
- Ашхы атаны – джашы ашхы, ашхы ананы – къызы ашхы.
- Бир абыннган – минг сюрюнюр.