ШАТ,
Сау бол, Есенликле !
--------
Мехмет Коркмазогълу
ДЖЫЛ 1943
Уллу уруш бардырад, Орус бла Аламан
Орус аскер джыяды, джокду аскер болмаган
Адамла бла джашла, Алман бла урушдад
ДЖаханимге ушаймыш, арув Сталинград
Аламан’ны бир колу, Елбруз’га байрак тиге
ДЖамилени ачдыра, еркинлик бере бизге
Сора бир хапар келди, “Аламанла качады
Орус кызганды сизге, Карачай’ны чачады”
ДЖыл 1943, Касым айны екиси
Хоюбуз бек арувду, тав хойланы игиси
Танг аласы Москоф’дан келиб турган аскерле
Кычырык сыйыт етиб, бизге онов бермейле
“ДЖюрюгюз” дейле “хайда!” карт-чаш аявламайын
“Хайда, Налчик’ге” дейле, арба джок, джаявлайын
Кычырык етиб джылайла, Карачай’да балала
Сансыныб да карамай, ушгок бла уралла
“Аз джюк алыгыз” дейле, ашарык, сув алабыз
Кебинлерибизни де, ем юсюне салабыз
ДЖаяв джолдан барабыз, картла джюрюялмайды
Кача тебреген болса, Орус ушгок бутайды
ДЖюрюялмай сабийле, абын сюрюн етелле
Итлерибиз улуйду, джюрекге ва джетелле
Кюн орта болаеди, салыб келдик Налчик’ге
Арбалага миндирип, елтедиле бир джерге
Тукум тукум джыйылдык, тас етмейик кишини
Гавур Москоф билейди, джарлы бизге тишини
Кыямат мы кобганды, махшер миди, не затды
Москофну аскерлери, зебаниче бир затды
Кара трен келеди, кара тютюн етеди
ДЖюгюн алган сарувбек, карны тоюб кетеди
Карт анамы колундан, мен да тутуб минеме
Савкал Кафказ’ым, сени бир бек сюеме
Темир ешик етилди, кара кирит салынды
ДЖашла ва сав калырла, арты келир картланы
Алай ете барабыз, ач сувсуз джалын кёлек
Киши кишини кёрмей, капкарангы тёгерек
Бир кычырык бир сыйыт, “Бийче ёлдю” ештебиз
Кач бий, кач бийче ёлдю? аны ва биз билмейбиз
Трен тохдаса дейбиз, ёлюлерибиз барды
Биз сарын ете турув, вагонла да тохдады
Бир бир ачыладыла, уллу темир ешикле
Сабыр етиб саклайбыз, бизге качан келликле
Келди бизге де бирев, “ёлюгюз бар мыд?” дейди
“ДЖети киши ёлдю” деб, тамада джер излейди
“Беригиз аланы сиз, биз кабырны казарбыз
Аланы барыны да, бир чунггурга атарбыз”
Кюле ойнай кетелле, темир ешик етилед
Сувук, ачлык бир джандан, билсек кайры кетилед
Ачлык бла сувукдан, кёплерибиз корайды
Шахмёлек анасына, сарын салыб джылайды
Ыйык болду болмады, тюз джартыбыз кырылды
Трен тохдады ентда, енди кайры барылды
Ёлюсю болганла ва, ешиклеге урабыз
Уллу бир сув юсюнде, биз кёпюрде турабыз
Темир ешик ачылад, “беригиз” дейле “хайда!”
“Берейик амма тейри, кабыр джерлери кайда?”
“Хайда, хайда беригиз, ансы сиз де ёлюрсюз
Кайры кёмерибизни, азчык сора кёрюрсюз”
Ак кебинни баш аяк, екишер аскер тутад
Шувулдаталла сувга, ала сувда ташаяд
ДЖылар карув калмады, енди джыламайбыз биз
Барыбыз ёлсек иги, тек тюк калсак нетербиз
Ентда ачылад ешик, кырк кюн сора келебиз
Калайыды бу джерле, кайсыбызда билмейбиз
Кафказ халкны кёбю, кырылыб калган болур
Насыбыбыз буесе, Аллах’ым айтган болур
Бир вагондан мен ендим, ёбрюнден аз бир кесек
Калай аман сувук джер, таша бир джерге кирсек
Колхозчула келелле, туварлача сайлайла
Бек карт кишилени ва, адам санаб алмайла
“Сав келигиз!” демейин, “биз Казак’быз” дейдиле
Конакбайлык билмейин, сав гырджын бермейдиле
ДЖашла отун джарувчу, кызла тонгуз кютювчю
Хар кюн сайын ёледи, халкны екиси ючю
Ай Аллах’ым кайдаса, мадар джок муду мунга
Бизде карув джокду, Сен кахр ет гавурга
Ушгогубуз джокду деб, бек артыклык етелле
Бу аман топраклада, джашла арык джетелле
Алай ете онтёрт джыл, калыб кеттик булайда
Гавур Сталин ёлдю, “кайтыгыз” дейле “хайда!”
Кайталганла кайталла, кимибиз ва калады
Арув арув кызланы, Казакла да алады
Кафказ’га келгенлени, кыйынлыкла саклайды
Гюрджюле олтуралла, юйюбюзге сукмайды
Айтырык затым кёбдю, хар зат тынч айтылмайды
Дюня айланыб турад, ызына кайтылмайды
Мехмет КОРКМАЗОГъЛУ, Ыспарта/Тюркие, 10.10.2012
, ORDA BIR KOY VAR UZAKTA DEP HOYLARIBIZNI TANSIKLAP TERMILIP TURGALLAY, ENDI KURTLENI ALIP KELIP BOS UYLEGE CERLESTIRIGEDE OGAY DERIKBOLMAZLA ATAUYLERIBIZGE, UY ORUNLARIBIZGA 
