Юйгюзге да игилик, багъалы жамауат!
Бюгюннгю айтырым мени эрттеден сагъышымдады...
Ол неди?
Барыбызыз да билгенден, биз къарачай - малкъар миллет тюрк тилледе сёлешген миллетлени къауумуна киребиз. Ол алай эсе, бирлигибизни къатыдан-къаты этерге не жумушла тындырабыз??? Не амалла бла байламлыгъыбызгъа себеплик этебиз???
Мен кесим хапарлы болгъандан, Элбрус элни Кудайланы Мухтарны атын жюрютген ансамбли Тюркде не фестиваль болса да, къатышмай къалмайды, сентябрьни ахырында да ары жол тутарыкъдыла. Биле болурсуз, Тюрксой биригиу кесини ишин тамам ахшы тамамлайды. Бизни жазыучуларыбыз Тюрк жаны бла уллу байламлыкъ жюрютедиле дерчады, Беппайланы Муталип, Додуланы Аскер, Болатланы Юруслан а бютюн да бек. Былтыр озуп кетген жырчыланы араларында ётген эришиу да, сёзсюз, бирлигибиз седиремезине шагъатды.
Мухажирликни заманында Тюркге кёчюп кетген къарачайлыла-малкъарлыла орус тилни билмейдиле дерге боллукъду, асламысы. Аланы бир кесеги бу Эльбрусоидни форумунда журтдан, халкъдан тансыгъын алады. Жангыз бир тилеригим: ШО БЕК КЪЫЙЫН ТЮЙЮЛ ЭСЕ ЁЗ ТИЛИГИЗДЕ ЖАЗЫГЪЫЗ ЖАЗАЛГЪАНЫГЪЫЗНЫ, АКЪСАЙ ЭСЕ ДА ТИЛИГИЗ! УГЪАЙ, БИРСИЛЕ УА, ОРУС ТИЛДЕ СЁЛЕШГЕНЛЕ, БИЗНИКИН АНГЫЛАМАГЪАНЛА ДЕЙ ЭСЕГИЗ А, ЭКИ ТИЛДЕ ДА САЛЫГЪЫЗ! КЪЫЙЫНДЫ, БИЛЕМЕ, АЛАй ТЮРКДЕ КЪАРЫНДАШ-ЭГЕЧЛЕРИБИЗНИ ДА АНГЫЛАГЪЫЗ, АЛА ДА БИЛИРГЕ СЮЕДИЛЕ МЫНДА БИЗНИ КЪАЛАЙ ТУРГЪАНЫБЫЗНЫ ЭМ БАШХА БИРИН.
келигиз, хар ким къолундан келгенни бир этсин!
Ма бу ишде:
ЭЛЬБРУСОИДИБИЗ бар!
Былайда мадарыбыз бар бир бир бла хапар жюрюртюрге, алай эсе:
Тарыхчыларыбыз, тюрк тиллени къарачай-малкъар тилинден бирсилерин билгенле, тарыхчы болмай, жангылыкъладан хапарлыларыбыз бар, тюркде жашагъан къарындаш-эгечлерибиз бар, андан сора да дунияны жер-жерлеринде тургъан жерлешлерибиз бар, КЕЛИГИЗ БИР ИШНИ, КЕРЕК ЗАТНЫ ТУТАЙЫКЪ!
Сёз ючюн, манга бек сейирди: бусагъатда къайда жерлешим да къалай жашагъаны, не ишлегени, журтха тансыкълыгъы, аны бла бирге болгъанла эм да алай.
Алгъаракъда да айтхан эдим, "БЕЛГИЛЕ" деген бериу циклны юсюнден. Аны тюрк тилледе сёлешген миллетлени жашау болумларын, тарыхларын ачыкълар ючюн башлагъанма. Талай бериу ётгенди, алай, болсада, кёбюсюнде къарачай-малкъар миллетни тарыхы,хапары барады, ол некди, мен китапладан, интернетден кереклисича бир затны тапмайма, ма тюрклюле бюгюн былай жашайдыла деп айтырча, мен тарыхчы мадаралмайма, бизден салам сизге деп тышында бир жерлешибиз къагъыт, хапар, видео иймейди.
Алай эсе, келигиз, бирлешейик да, айгъа бир бериуню хазыр этип, эфирге ийип турайыкъ! Мен кесими жанымдан не керек эсе да аямайма, алай сизден керекни да къызгъанмагъыз!
Къарачайлыла-малкъарлыла къарап, миллетлерини тарыхындан, тилинден,къарындаш миллетледен да толу хапар болмай, аз хапарны окъуна айгъа бир кере эшите, сабийлеге хапарлай турсала, ТЮРК ДУНИЯСЫНЫ БИРЛИГИ ЁМЮРЛЕДЕ САКЪЛАНЫРЫКЪДЫ ДЕП ЫШАНАМА!