Расширенный поиск
14 Апреля  2024 года
Логин: Регистрация
Пароль: Забыли пароль?
  • Шайтан алдады, тюзлюк къаргъады.
  • Джюрекден джюрекге джол барды.
  • Этни да ашады, бетни да ашады.
  • Ёзденликни кёбю ётюрюк.
  • Къанны къан бла джуума, аманны аман бла къуума.
  • Биреуню тёрюнден, кесинги эшик артынг игиди.
  • Оюмсуз атлагъан, аджалсыз ёлюр.
  • Ёзденликни джайгъан – джокълукъ.
  • Нёгерсизни джолу узун.
  • Эринчекге кюн узун.
  • Ат басханны джер билед.
  • Чабакъ башындан чирийди.
  • Сууда джау джокъ, кёб сёзде магъана джокъ.
  • Рысхы – насыбха къор.
  • Аманны тукъумуна къарама, игини тукъумун сорма.
  • Насыблы элин сюер, насыбсыз кесин сюер.
  • Таукел адам тау тешер.
  • Тура эдим джата, къайдан чыкъды хата?
  • Келлик заман – къартлыкъ келтирир, кетген заман – джашлыкъ ёлтюрюр.
  • Уллу суу бла уллу ауруудан башынгы сакъла.
  • Джерни букъусу кёкге къонмаз.
  • Къуллукъчума, деб махтанма, къуллукъ – хаух джамчыды!
  • Игилик игилик бла сингдирилиучю затды.
  • Ариу сёз – къылычдан джити.
  • Аман адамны тепсинге олтуртсанг, къызынгы тилер.
  • Иесиз малны бёрю ашар.
  • Тулпарлыкъ, билекден тюл – джюрекден.
  • Къаллай салам берсенг, аллай джууаб алырса.
  • Билгенни къолу къарны джандырыр.
  • Джюрекге ариу – кёзге да ариу.
  • Аууз сакълагъан – джан сакълар.
  • Къууут – джелге, берне – бошха.
  • Ач къарынны, токъ билмез
  • Юре билмеген ит, къонакъ келтирир.
  • Тешигини къатында, чычхан да батыр болур.
  • Зар адам ашынгы ашар, кесинги сатар.
  • Биреу ашаб къутулур, биреу джалаб тутулур.
  • Къобан да къуру да къобханлай турмайды, адам да къуру да патчахлай турмайды.
  • Биреу къой излей, биреу той излей.
  • Айранын берсенг, челегин да къызгъанма.
  • Биреуге кёлтюрген таягъынг, кесинги башынга урур.
  • Акъыл аздырмаз, билим тоздурмаз.
  • Тойгъанлыкъ къойгъа джарашады.
  • Эри аманны, къатыны – аман.
  • Джюрек кёзден алгъа кёрюр.
  • Рысхы джалгъанды: келген да этер, кетген да этер.
  • Ашхы адам – халкъ байлыгъы, ашхы джер – джашау байлыгъы.
  • Атлыны кёрсе, джаяуну буту талыр.
  • Тойну къарнашы – харс, джырны къарнашы – эжиу.
  • Булут кёкге джарашыу, уят бетге джарашыу.