Расширенный поиск
23 Октября  2018 года
Логин: Регистрация
Пароль: Забыли пароль?
  • Байлыкъ тауусулур, билим тауусулмаз.
  • Башы ишлегенни, ауузу да ишлер.
  • Кюл тюбюндеги от кёрюнмейди.
  • Къуллукъчума, деб махтанма, къуллукъ – хаух джамчыды!
  • Таш бла ургъанны, аш бла ур.
  • Иги болса, тамадама – махтау, аман болса, меннге – айыб.
  • Чакъырылгъанны аты, чакъырылмагъанны багъасы болур.
  • Суу кетер, таш къалыр.
  • Урунуу – насыбны анасы.
  • Кёзюнде тереги болгъан, чёбю болгъаннга кюле эди.
  • Уруну арты – къуру.
  • Тюзню ётмеги тюзде къалса да, тас болмаз.
  • Джигер – джаннга къыйынлыкъ.
  • Ургъан суудан башынгы сакъла.
  • Ушамагъан – джукъмаз.
  • Эринчекге кюн узун.
  • Джылкъыдан – ат чыгъар, тукъумдан – джаш чыгъар.
  • Мал тутхан – май джалар.
  • Джетген къыз джерли эшекни танымаз.
  • Къанны къан бла джуума, аманны аман бла къуума.
  • Кёл – къызбай, къол – батыр.
  • Чёбню кёлтюрсенг, тюбюнден сёз чыгъар.
  • Терек ауса, отунчу – кёб.
  • Ашыкъгъан cуу, тенгизге джетмез.
  • Эшекге миннген – биринчи айыб, андан джыгъылгъан – экинчи айыб.
  • Сёз къанатсыз учар.
  • Къулакъдан эсе, кёзге ышан.
  • Тойгъандан сора, ашны сёкме.
  • Эри аманны, къатыны – аман.
  • «Ма», - дегенни билмесенг, «бер», - дегенни билмезсе.
  • Ач – эснер, ат – кишнер.
  • Тин – байлыгъынг, терен саулугъунг.
  • Аурууну келиую тынч, кетиую – къыйын.
  • Суу да къайтады чыкъгъан джерине.
  • Уясында не кёрсе, учханында аны этер.
  • Агъач халкъгъа алтынды, иссиликге салкъынды.
  • Кёб джашагъан – кёб билир.
  • Тилде сюек болмаса да, сюек сындырыр.
  • Адеб базарда сатылмаз.
  • Къызбайны юйюне дери сюрсенг, батыр болур.
  • Элге къуллукъ этмеген, элге ие болмаз.
  • Эл тойса, тоймагъан, эл къойса, къоймагъан.
  • Бир онгсуз адам адет чыгъарды, деб эштирик тюлсе.
  • Ёлюк кебинсиз къалмаз.
  • Сыфатында болмагъаны, суратында болмаз.
  • Ашха уста, юйюнде болсун
  • Билеги кючлю, бирни джыгъар, билими кючлю, мингни джыгъар.
  • Кечеси – аяз, кюню – къыш, джарлы къаргъагъа бир аш тюш!
  • Иги сёз – джаннга азыкъ, аман сёз башха – къазыкъ.
  • Экеу тутушса, биреу джыгъылыр.
Страницы: 1
Татлы тилим - АНА ТИЛИМ!!!, 3 декабрьда Дружба элни гимназиясында 9 классланы арасында эришиу
 
03.12.2015 джыл Дружба элни гимназиясында, тогъузунчу классланы арасында "Татлы тилим - ана тилим!" деген эришиу ётерикди.
Эки тогъузунчу классдан ана тилни эм иги билген сохтала сайланныкъдыла. Аланы айырыр ючюн отборочный тур ётерикди. 20 къакъыйкъаны ичинде джазыу ишни тындырыргъа керекдиле. Ол джазыу ишледен белгили боллукъду ким ётгенин финалгъа. Тюнене, 24 ноябрьда, барыб 9"Б" классда ётдюрюб келдим отборочный турну. Энди орта кюн, 26 ноябрьда, 9 "А" классда ётерикди. Андан сора эки классны да джазыу ишлерине къараб, тинтиб айырлыкъбыз финалистлени.
 
Сохталагъа ма быллай джазыу ишни 20 такъыйкъаны ичинде тындырыргъа керек эдиле:

1. Беш харифден къуралгъан, ортасында Б болгъан сёзле табыб джазыгъыз
2. Бу сезлени орус тилге кёчюрюгюз:
Гылын къуш –
Къарылгъач –
Дууадакъ, къанкъаз –
Пил –
Кирпи –

3. Бу сёзледе ненча сёз табсагъыз да джазыгъыз:
ДЖЫЛТЫРАУУКЪ АУУРСУНУУ

4.
Бу эки сёзни табыб джазыгъыз: Т бла келсе – ол табхада, Ч бла башлаб, -джюзер сууда

5. Соруулагъа джууабларын джазыгъыз?
Бизни республикада ненча шахар барды?
Республикабызны ара шахары къайсыды?
Шахарны аты да, сууну аты да, элни аты да
Ёзденлени Альберт кимди?
Къарачай миллет Азиядан къайсы джыл къайтханды?


6. Къарачай джазыучуланы тукъумлары бла атларын джазыгъыз:

7.
Къарачай тилге кёчюрюгюз бу сёзлени:
Виноград - ________________ Историк ___________________
Добрый __________________ Минута ____________________
Барбарис _________________ Сокол _____________________

8. Къарачайча джазыгъыз:
50______________________ 90 ___________________
60 _____________________ 80 ___________________
200 _____________________ 13 ____________________

9. Халатла кёре эсегиз тюзетигиз:
МЕНГЕ, БАРГЪАНГА, САНГНГА, АНГА, ТАННГА,
ЧИБИННГЕ, СУРАТГЪА, ДЖЮЗЮУЧУ, КИТАБХА, ТАУУУШ

10. Нарт сёзлени бошагъыз:
Тилсиз миллет… _____________________________________
Тили бирни … _______________________________________
Адам къайсы тилде сёлеше эсе, ол … ____________________
 
Энди 9 "Б" классда отборочный турдан талай карт салайым

Бек уллу сагъышдадыла джашлары :финкинг:








Къызчыкъла да аладан артха къалмайын кюрешедиле :emoji05:





Сылпагъарланы Диана - эм аламат джазгъан, 40 балл алгъанды :alamat:






 
Тамбла, орта кюн 9 "А" классда ётдюрюб келсем отборочный турну, аладан да фотоотчет этерме :усипуси:
 
Амняша, бек сау бол. бу репортажынг ючюн.

Дружбаны школунда ана тилден окъутханла, бу эришиуню бардыргъанла да кимледиле?
 
Эльбрусоид фонд бардырады. Мен аны сотруднигиме, Черкесск шахарны филиалындан :усипуси: . Эришиуню бардырлыкъ да менме. Ана тилни Ижаланы Фатима Магомедовна бардырады
Изменено: Амняша - 25.11.2015 12:30:48
 
Тюнене, байрым кюн, 9 "А" классда ётдю отборочный тур. Аладан да талай кар салайым







Къадалыб джашлада, къызлада ишлейдиле

































Семенланы Индира, биринчи партада онг джанында олтургъан къызчыкъ, бу классда эм кеб балл алгъан сохтады, уялчакъ къызчыкъ :усипуси:


Джазыу ишлерине кёре 16 сохта чыкъгъанды финалгъа. Аланы балларына кёре 4 команда чачханбыз. Кеслерини командаларына ат къурагъандыла. Эришиуде ойнагъанла:

1 команда "Чамчыла" - Сылпагъарланы Диана, Къоркъмазланы Шамиль, Гапполаны Мурат, Сылпагъхарланы Расул
2 команда "Джулдузчукъла" - Семенланы Индира, Катчиланы Ахмат, Къулчаланы Аминат, Маршанкъулланы Алан
3 команда "Аланла" - Борлакъланы Азнаур, Айбазланы Хусей, Орусланы Диана, Катчиланы Рамазан
4 клманда "Мёлекчикле" - Хубийланы Медина, Катчиланы Халимат, Текеланы Дахир, Мержоланы Амина

Энди, 3 декабрда белгили боллукъду къайсы команда хорларыгъын, къайсы сохта бек сюйгенин, билгенин Ана тилин. Сакълайыкъ, эришиу кёргюзтюрюкдю аны.
 
3 декабрда Дружба элни гимназиясында "Татлы тилим-Ана тилим" деген атлы эришиу ётдю. Жюриде олтургъанла Сылпагъарланы Кулина бла Коркъмазланы Салима. Аланы танмагъан киши болмаз. Эришиу бек ариу, тамаша халда ётдю. Эришиуде тюрлю тюрлю конкурсла бар эдиле. Сёз ючюн: эки такъыйкъаны ичинде къайсы команда къарачайча джаныуарланы атын джазса, неда ахырында -ШИК деб бошалырча сёзлени джазаргъа, дагъыда джазыучу бла аны чыгъармасын табаргъа, картда кимни сураты болгъанын билирге, аны къуллугъун, чыгъармасын, макъамдан джырны бла джырчысын таныргъа, элберлени билирге эмда джолда джюрюген джорукъланы да тинтдик, Тёрт командадан биринчи орунну "Чамчыла" деген команда алды, экинчи орунну "Аланла" алдыла, ючюнчю орун да "Джулдузчукълагъа" джетди. Энди эришиуден картланы тизейим :alamat:
Биринчи жюри бла танышдырайым: сол джанында, белгили джазыучу, "Илячин" журналны баш редектору, устазланы устазы Сылпагъарланы Кулина, аны къатында къарачай радиону тамадасы Къоркъмазланы Салима



Жюриге болушлукъ этген, сохталаны кеслерини устазлары Ижаланы Фатима



Энди командаларыбыз:














Ойнагъанлагъа джан аурутханла








"Элберле" конкурс. Доскада тагъылгъан джулдузчукъладан хар ойнагъан сохта джулдуз сайлаб анда джазылгъан элберни билирге керекди




Бир-бир элберле терен сагъышха ие эдиле















"Макъамны билсенг а!" конкурс. Доскада тагъылгъан тоналаны сайлайды хар сохта, анда 10 секунд баргъан макъамны билирге керекди. Джырны атын эмда ким джырлагъанын






Джазыу ишле. Хар ойнагъаннга сёзню ичинде сёзле табаргъа керек эди. Берилген сёзле уа быллай эдиде:башчыракъла, саламат, байрамджак, къаракъай. Ким кеб сез табсада бу сезлени ичинде 2 такъыйкъаны ичинде.
 
Эришиуде эм ахырында ойнагъанлагъа саугъала бердик








































Джан аурутханланы ичинде эм кёб тюз джууаб берген соруулагъа Гедиланы Къаплан :alamat:



Аллах айтса, бу эришиуге къошулгъанланы эслеринде кёб магъаналы зат къалды!
 
Аперим санга, Аминат!!!!!!! Бек уллу джумуш этгенсе!!!!
КЧР-ни болгъан школларында да этилсе ма быллай эришиуле ана тилде бир иги боллукъ эди ')
Машаллах!
 
 
Сау бол! Аллах разы болсун!!!
 
Сёзлени магъаналарыны, кёчюрюлюулерини юсюнден топик бармыды форумда?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
Ким биледи, сёзберле деб неге айтадыла?
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
 
Ас–саляму алейкум. Сёзбер сёзлюк тюйюлмюдю (словарь) ?
 
«Минги тау» журналдан

 
shaudan,уа алейкум ас-салям. Сау бол
АЛЛАХ ВСЕВЫШНИЙ сказал:
«Воистину, каждый человек - в убытке, кроме тех, которые УВЕРОВАЛИ, совершали праведные деяния, заповедали друг другу истину и заповедали друг другу терпение!» (КОРАН: сура 103 («аль-'Аср»), аяты 2-3).
Страницы: 1
Читают тему (гостей: 1)

Форум  Мобильный | Стационарный