Малкъар миллет бла къалмай кёчгюнчюлюк къыйынлыкъны, къарындаш къарачай миллетибиз да сынагъанды эм дагъыда къауум миллет...
башындан сынамагъан, ангыларыкъ тюйюлдю! Биз, жаш тёлю, уллу аналарыбыздан,аталарыбыздан эшите эсенгк да, кёрген бла эшитгенни бек уллу башхасы барды! Болуб кетген, озгъан ишни къайтарыр онгубуз жокъду! Жангыз да бизни къолубуздан келген, ол кюнню унутмай, миллетибизге сыныкълыкъ нек жетгенин, жууабсыз соруулада чегаллыкъбыз!
8-чи март жетген кюн, Малкъар къызланы кёбюсюн(барысын)дейик да къояйыкъ, Тиширыу байрам бла алгъышламай бир кёр! Ала сагъыш этмейдиле, ол кюн не ишле болгъаныны юсюнден, аланы жангыз кеслерини акъыллары къыйнайды! "МЕН,БИЗ" дегенден сора жукъ билмей къалгъанбыз да анданмы болур барыда?!
Тау эллеге къара къанла жаугъанды,
Эки къая бир бирине аугъанды!
Тау эллеге бу сыныкълыкъ нек жетди?
Къалмай бирден насыбыбыз нек кетди?
Жарлы бизге аман оноу бичдиле,
Бу кяпырла къаныбызны ичдиле!
Онгу болгъан къазауатха кетдиле,
Онгсузлагъа бир терс оноу этдиле!
Биз барабыз вагонлада олтуруб,
Этеклени жилямукъдан толтуруб!
Биз барабыз ышармайын, кюлмейин,
Элтиб, къайры къуярларын билмейин!
Къыргъыз, къазакъ ёзенлеге тёгюлдюк,
Терслигибиз болмайгъанлай сёгюлдюк!
Кёчгюнчю дебгенле болуб атыбыз,
Жокъду бизни къагъытыбыз, хакъыбыз!
Комендантла ызыбыздан марайла,
Онтха сакълаб, кёзюбюзге къарайла!
Комендантла бизни кютюб туралла,
Къол салыргъа кеч къалдынг деб, уралла!
Ёлгенлени салыр кибик жер болмай,
Къабырланы къазар кибик эр болмай!
Тиширыула къабыр къазыу сынайла,
Ёлгенлерин кёмалмайын, жиляйла!
Кёб инжилиб, эркин болдукъ, шош болдукъ,
Тутмакълыкъдан башыбызгъа бош болдукъ!
Энди биз да журтубузгъа къайтайыкъ,
Уллу Аллаха махтау, ыспас айтайыкъ!
Къыргъыз, къазакъ, къонакъ кибик кёрдюгюз,
Къыйын кюнде бизге хурмет бердигиз!
Къыргъыз, къазакъ, сау къалыгъыз, саламат,
Къабырланы сизге этебиз аманат! (ким жазгъанын билмейме)
Бу бар ишлени унутуб, бюгюнгю кюннге баш атханланы тюз жолгъа салыр онг бармыды?
Миллети, ачдан ёле, вагонлагъа жыйылыб барыб, Азия тюзлерине къуюллгъан кюнню, кеслерини байрамгъа санаб, той - оюн этгенлеге не этсин адам?
Таматаларыбыз, "кёчгюнчюлюк" деген сёзню эшитселе, жилямукълары тамакъларына тыгъылыб, кёллери толуб, сёз айталмай къаладыла, алай, ол бусагъатда кёблени къайгъыртмайды!
Мени акъылыма кёре, бу жумушну тамыры мектебден чыгъаргъа керекди, юйюрню ызындан! Мектебде аллай адет барды, 23 февраль жетди эсе, жашчыкълагъа саугъа этигиз,бу байрамды, 8 март жете эсе, КЁЧГЮНЧЮЛЮК КЮННЮ КИШИ САГЪЫНМАЙДЫ, бу ариу байрамда, къызчыкълагъа гюлчюкле келтиригиз! Эм быллай санар затла кёбдюле!
Биз къайры барабыз? Буушууубузну унутуб, башыбызны "болмагъан" къууанчха атхан заманда, Аллах бизге не айтады?
"Къадарны этегинде...","Сени ючюн"...(с)