Расширенный поиск
24 Сентября  2018 года
Логин: Регистрация
Пароль: Забыли пароль?
  • Халкъны юйю – туугъан джери.
  • Ётюрюкню къуйругъу – бир тутум.
  • Таукел адам тау тешер.
  • Окъдан джара эртде-кеч болса да бителир, сёз джара, ёмюрге къалыр.
  • Аджал соруб келмез, келсе, къайтыб кетмез.
  • Чыбыкълыкъда бюгюлмеген, къазыкълыкъда бюгюлмей эди.
  • Бюгюн дуния кибик, тамбла ахыратды.
  • Тёрде – темир таякълы, къаяда – чыпчыкъ аякълы.
  • Телини эшигин, махтау джабар.
  • Атынг аманнга чыкъгъандан эсе, джанынг тамагъынгдан чыкъсын.
  • Бетинги сатма, малынгы сат.
  • Аманнга алтын чыдамаз.
  • Сескекли кесин билдирир.
  • Сакъалы текени да бар, мыйыгъы киштикни да бар.
  • Босагъагъа джууукъ орун болса, ашыгъыб тёрге озма.
  • Кёзю сокъурдан – къоркъма, кёлю сокъурдан – къоркъ.
  • Ойнай билмеген, уруб къачар.
  • Алма терегинден кери кетмез.
  • Тюзню ётмеги тюзде къалса да, тас болмаз.
  • Элде адам къалмаса, ит тахтагъа минер.
  • Ёлмесенг да, къарт дамы болмазса?
  • Ариу сёз – джаннга азыкъ, аман сёз – башха къазыкъ.
  • Эл ауузу – элек, анга ийнаннган – халек.
  • Акъдан къара болмаз.
  • Танг атмайма десе да, кюн къоярыкъ тюйюлдю.
  • Мураты болгъанны джюрек тебюую башхады.
  • Билими азны – ауузунда кирит.
  • Юреннген ауруу къалмаз.
  • Билгенни къолу къарны джандырыр.
  • Джаралыны джастыгъында сау ёлюр.
  • Кюл тюбюндеги от кёрюнмейди.
  • Джети тилни билген джети кишиди.
  • Тешигини къатында, чычхан да батыр болур.
  • Къартны сыйын кёрмеген, къартлыгъында сыйлы болмаз.
  • Ата джурт – алтын бешик.
  • Иги болса, тамадама – махтау, аман болса, меннге – айыб.
  • Ашхы адам – халкъ байлыгъы, ашхы джер – джашау байлыгъы.
  • Бозаны арты дауур болур.
  • Аман адам этегингден тутса, кес да къач.
  • Кюлме джашха – келир башха.
  • Аллахдан тилесенг, кёб тиле.
  • Чакъырылмай келген къонакъ сыйланмай кетер.
  • Чомартны къолун джокълукъ байлар.
  • Аурууну келиую тынч, кетиую – къыйын.
  • Ёгюзню мюйюзюнден тутадыла, адамны сёзюнден тутадыла.
  • Тойгъандан сора, ашны сёкме.
  • Керек ташны ауурлугъу джокъ.
  • Ата – баланы уясы.
  • Джангыз торгъай джырламаз.
  • Ханы къызы буюгъа-буюгъа киштик болду.
Страницы: 1 2 3 4 5 ... 10 След.
АНА ТИЛИБИЗНИ САКЪЛАНЫРЫН, АЙНЫРЫН, ДЖАШАРЫН ИЗЛЕЙМИСЕ?, Алай эсе - не этерге керекди?
 
АНА ТИЛИБИЗНИ сакъланырын, айнырын, джашарын излеймисе? АЛАЙ ЭСЕ, НЕ ЭТЕРГЕ КЕРЕКДИ?

Бу къарачай-малкъар сайтда - къайсы темада да - бир-бирибиз бла ана тилибизде сёлешейик.

Чархында къаны джюрюмесе, бурулмаса - адам ёледи.
Тили джюрюмесе - халкъ ёледи.
Джюрюмеген зат ёлмей мадар джокъду.

Тилибиз ёлмез ючюн - алай демек, халкъыбыз ёлмез ючюн -
бир-бирибиз бла ас-алан къарачай-малкъар тилибизде сёлешейик къуру да, къайда да.


Къарагъыз: чеченлиле кеслерини тиллеринде, къабартылыла кеслерини тиллеринде сёлешиб турадыла.
Биз а, бир сёзню тауча айтсакъ, он сёзню орусча айтыб, дунияны кюлдюребиз.

Бизни башха халкъланы ичинде эриб, тас болуб кетиуюбюзден тыйыб тургъан - Ана тилибизди.
Ана тилибизни сакълар ючюн, кёб зат керек тюлдю - тилибизде сёлеширге керекбиз джангыз.


Бизге динни, тилни, джуртну да берген уллу Аллахны аты бла
бизни динсиз, тилсиз, джуртсуз этерге кюрешген шайтанны ауузун байлаб,
Ана тилибизде сёлешиб турайыкъ.

Аллах кюч берсин!
Изменено: Sabr - 06.09.2012 13:55:41
 
КЪАЛАМГЪА, КИТАБХА КЪАЙЫТМАСАКЪ, ХАКЪ СЁЗ бла, АКЪ СЁЗ бла БОЛМАСАКЪ - БИЗ АДАМЛЫГЪЫБЫЗНЫ, ХАЛКЪЛЫГЪЫБЫЗНЫ ДА САКЪЛАЯЛЛЫКЪ ТЮЛБЮЗ.

Аны юсюнден Бродский да айтханды, Нобель саугъаны алгъан кюнюнде:
"...Потому что не может быть законов, защищающих нас от самих себя, ни один уголовный кодекс не предусматривает наказаний за преступления против литературы. И среди преступлений этих наиболее тяжким является не цензурные ограничения и т. п., не предание книг костру.

Существует преступление более тяжкое - пренебрежение книгами, их не-чтение. За преступление это человек расплачивается всей своей жизнью: если же преступление это совершает нация - она платит за это своей историей.


Живя в той стране, в которой я живу, я первый готов был бы поверить, что существует некая пропорция между материальным благополучием человека и его литературным невежеством; удерживает от этого меня, однако, история страны, в которой я родился и вырос.

Ибо сведенная к причинно-следственному минимуму, к грубой формуле, русская трагедия - это именно трагедия общества, литература в котором оказалась прерогативой меньшинства: знаменитой русской интеллигенции...".

Бу оюмну чертиб, нек къайтарама?

БИЗНИ ХАЛКЪ - АРТЫКЪСЫЗ ДА АНА ТИЛИНДЕ - ДЖАЗГЪАННЫ, ОКЪУГЪАННЫ ДА КЪОЙГЪАНДЫ.

АЛАЙ ДЕМЕК, УЗАКЪ БАРМАЙ, БИЗНИ АДАБИЯТЫБЫЗ-ЛИТЕРАТУРАБЫЗ ЁЛЛЮКДЮ.

БИРАЗДАН А - АНА ТИЛИБИЗ ЁЛЛЮКДЮ. ТИЛИ ЁЛГЕНЛЕЙ А - АХЫР КЮН ХАЛКЪНЫ КЕСИНЕ ДА КЕЛЛИКДИ.


Бу келе тургъан палахны ангылаб, тилибизде сёлешиб, окъуб, джазыб турмасакъ - барыбыз да - дуниядан тас боллукъбуз. Бюгюн АНА ТИЛИБИЗ ючюн къазауат этмесек - эки дуниядан да юлюшсюз къаллыкъбыз.

Кърал тюл, хоншула тюл - биз кесибизбиз тилибизни ёлтюре тургъан.

Тил кетгенлей - узакъ бармай, динсиз, джуртсуз да къаллыкъбыз.

Адам къайсы тилде сёлешсе, сагъыш-оюм этсе, ол тилни адамы болуб къалады.

Башха халкъгъа, башха тилге кесибизни джутдурсакъ - чёб чакълы адамлыгъыбыз, муслиманлыгъыбыз, эркишилигибиз да джокъду.


Сагъыш этейик, кесибизни эсгерейик кеч болгъунчу.
Изменено: Sabr - 06.09.2012 15:38:35
 
Аллахны, халкъны аллында да хар адамны борчларындан бири:
Ана тилинде сёлешиу, джазыу; Ана тилни джакълау, сакълау.

Биз сёлешмесек - бизни тилде киши да сёлеширик тюлдю.
Биз кесибиз кюрешмесек - бизни тилибиз ючюн сермеширик джокъду.

Кърал да, хоншула да "къарачай-малкъар тил сакълансын" деб айтырыкъ тюлдюле.
Ана тилни джазыуу кесибизни къолубуздады.

Тилибизни тас этиб, Шималны аз санлы халкъларыча болуб къалмайыкъ. АБШ-ны индейлилерича болуб да къалмайыкъ.
 
Къабартыла, чеченлиле дейсиз. Ала саулай миллетлери бла кюрешедиле. Биз а уа? :cry:
Гитче заманыбызда бир мультфильмге тилибизде къарамагъанбыз, не бир китаб, кёрюрге да табмагъанбыз, окъургъа къой. Сабий китаб дейме. Не школда ана тилибиз болмагъанды. Сагъышыбызны къуру ичинден айтмай, тышына да айтыргъа юрене башлагъан заманыбызда, къуру орусча айтыргъа юренгенбиз.
Энди хар бирибиз иш этиб, кюрешмесек, биз ("приоретет языковой не поменяется" -бу сезлени къалай болукъду айтыргъы бизни тилибизде?) тилибизни ауштураллыкътюлбюз.

Тилибизни орус тилге аууштуруб тургъаныбызны алгъа англаргъа керекбиз...:(:онет!:

Англасакъ да, не келсин, юренчек болуб турабыз, анга уа къалай этеик?:cry:

Блайда къуру да къарачай-малкар тилде джазаргъа айтама! :гоккачыкъ:



Акъырын-акъырын юренеик, сиз а терс джазгъаныбызны билдириб барсагъыз, разы болукъ эдик.:)
WE WERE BORN TO SHINE
*Чистые помыслы - добрые дела*

 
Цитата
Элли пишет:
Акъырын-акъырын юренеик, сиз а терс джазгъаныбызны билдириб барсагъыз, разы болукъ эдик
Къууандырдынг, оллахий. Аламат. Келишдик.
 
заманыбызда - бирге джазыламыд, огъесе?:думаю:
WE WERE BORN TO SHINE
*Чистые помыслы - добрые дела*

 
Джангыз юйде сёлешгенден сора бир башха пайдалы хайырландырыу табылмаса тилге, къыйын боллукъ болур сакъларгъа. Джукъгъа керекмей къалады тил. Ол себебден, джаш тёлю асыры бек билирге излемейди, ата-анала да сабийлерин юйретирге къаты болмайдыла(
Не да, тилни билмеген айыблы болурча этерге керекди. Алай, аллай адет да бек джюрюмейди миллетде бусагъатда.

Цитата
Элли пишет:
заманыбызда - бирге джазыламыд, огъесе?[IMG]
Алайда тюз джазылыбды. Не магъана бла айтылгъаннга кёре. Басым къалайгъа салыннганы бла да кёрюнеди. "заманыбЫз да", огъесе "заманыбыздА".
.
 
Сёзню магъанасына кёре. Бирге джазылмай мадар джокъ эсе - бирге, алай тюл эсе - башха.

Бизни заманыбыздА адамла башха тюрлю эдиле / В наше время люди были другими.
ЗаманыбЫз да, мадарыбЫз да барды къонакъ алыргъа / И время, и возможность есть принять гостей.
 
Цитата
Элли пишет:
заманыбызда - бирге джазыламыд, огъесе?:думаю:
Цитата
Sabr пишет:
Бирге джазылмай мадар джокъ эсе - бирге, алай тюл эсе - башха.
:lol::lol::lol:
 
Цитата
Totur_Ram пишет:
Элли пишет:
заманыбызда - бирге джазыламыд, огъесе?:думаю:
Цитата
Sabr пишет:
Бирге джазылмай мадар джокъ эсе - бирге, алай тюл эсе - башха.
:lol::lol::lol:
Кюлдюрдюнг. Алай эсе, орфография джорукъ бла айтайым.

Байламла (эмда, неда, бла, да, уа, а...) хар заманда да башха джазыладыла.

ЗаманыбызДА - бирге джазылса, былайдача, "да" сёзню болушун(падежин) кёргюзеди.
ЗаманыбЫз да - "да" башха джазылса, ол байламды - байламла уа, башында айтханымча, башха джазыладыла.

"да" бирге, башха джазылыргъа да боллукъду - айтымда сёзню магъанасына кёре, "да" байламмыды, тюлмюдю - анга кёре.

Башха тюрлю, табыракъ ангылаталлыкъ чыкъса - аламат.
Изменено: Sabr - 08.09.2012 19:44:25
 
 
Цитата
Sabr пишет:
Башха тюрлю, табыракъ ангылаталлыкъ чыкъса - аламат.


Totur_Ram,
Рамашка, кюлюб турмада, чыгъар бир джангы джорукъ.:явгневе: :гыы:
Эгечинг къайда кёрюнмейд? :берикел:салам берирсе КёлКёз эгечинден))):ухх:
WE WERE BORN TO SHINE
*Чистые помыслы - добрые дела*

 
Ностальгическое ощущение, словно меня угомонили на паре)))):гоккачыкъ:
Сау болугъуз, Амина Николаевна! :гоккачыкъ:Саламыгъыз узакъ болсун! Альбина да сизге андан да уллу салам айтады! "Сколько лет, сколько зим", - деб, къууанады.))):превед: Бундады, кесим да алай кеб кермейме)))


Тилибизден хапарсызма да, хаман кюлюб къутулургъа кюрешеме))) :гыы:
 
Саламларыбыз бирге, джуукъларым!!!:гоккачыкъ:
Машалла! Чырмаусуз айланыгъыз!!! :нупажалста:
Аллах болушсун не ишигиздеда, Рамео! ;)
Къайдад джамагъат?:браво:
Керюнмеин къалдыгъыз!:тук:
Сюрприз этеим деб турсам:куку: киши да джокъ!:dont_know:
WE WERE BORN TO SHINE
*Чистые помыслы - добрые дела*

 
Салам!:превед:

Элли, Сен, тамам Билял сюйген адамладанса))) .Поэт да, джазыучу да этерикди ,тегеран тырмаш ансы.:браво:
 
Кергелен

Аллах сюйсюн джаныгъызны! :мерси:
Билялча адамларыбыз миллетибизде кёб болсунла!:нупажалста:
Бек да кюреширме, алай болмай, сора уа?:усипуси:
WE WERE BORN TO SHINE
*Чистые помыслы - добрые дела*

 
Ёзге деген сёзню магънасын бир англатсагъыз. :нулаадно:
Сау болугъуз, деб алындан да айтыб къояйым.:мерси:
WE WERE BORN TO SHINE
*Чистые помыслы - добрые дела*

 
Элли,:гоккачыкъ:
Аллах разы болсун! Сау болугъуз! Биргелей!:превед:

Джамагъат а уа нееседа совсем полностью тас болуб турады)) Окъуулагъа кириб башларын ары атыб турмаеселе)))
 
Цитата
Элли пишет:
Ёзге деген сёзню магънасын бир англатсагъыз
Ёзге=башха. Кёбюсюне бу магъанада джюрюйдю. Башха магъаналарын билгенле айтырла...
 
Ёзге=башха. Кёбюсюне бу магъанада джюрюйдю. Башха магъаналарын билгенле айтырла...


Өзге - другой; иной; особый; отличный (от других).
Өзгерек - несколько отличный от других.
Өзгеру - изменяться.
Өзгеше - по другому,иначе; особенно.
Өзгешелік - отличие; особенность.
Өзгеріс - изменение, перемена.
Өзгеріссіз - без изменения.
 
блай джазылгъында ол сёзню магъанасын англатсагъыз

къач акъкъан чапракъла
къыш къарда чакъмазла
къюн тиймез кечеде сенге
алай а, алай а - ёзге.

орус тилде къалай болукъду?
WE WERE BORN TO SHINE
*Чистые помыслы - добрые дела*

 
Цитата
Sabr пишет:
Ёзге=башха. Кёбюсюне бу магъанада джюрюйдю. Башха магъаналарын билгенле айтырла
Однако - деб а къайсы сёзге айтабыз? Ёзге мен алайчыгъын ангылайалмадым ?

Опавшие осенние листья,
Не распустятся на зимнем снегу.
Солнце не взойдет для тебя ночью.
Однако,однако ...всё может быть.

Берекет менден бошады ))) за искажение стихосложения.......))) Что пришло в голову.....кеч,кеч ....:превед:
Изменено: Кергелен - 09.09.2012 18:31:13
 
Кергелен, вот теперь понятно!:) Къыйинсыз бол! *тюз джаздыммы экен?*
WE WERE BORN TO SHINE
*Чистые помыслы - добрые дела*

 
Кимни тизгинлеридиле была? Быладан поэзия аязчыкъ урады.

Цитата
Элли пишет:
блай джазылгъында ол сёзню магъанасын англатсагъыз
"Блай" "Ы" бла джазылады: былай; англатсагъыз "Ы" бла джазылады: ангылатсагъыз (от "ангы" - "сознание")

Осенью опавшие листья
зимой на снегу не расцветут,
солнце ночью не взойдет для тебя...
А может, а может и такое.

Оручам къарыусузду, тюзюрек кёчюраллыкъла болурла, кёрейик...
Изменено: Sabr - 09.09.2012 18:45:03
 
Элли, тохта ....))) тамадала атырыкъгъа тынгла))))
Цитата
Элли пишет:
Къыйинсыз бол!

Кыйын ...къыйынсыз бол.... Къууанчха хайырландыр!:ялучший:
 
Кергелен,

Sabr
Аллахны разылыгъын керюгюз!!!




Цитата
Sabr пишет:
Кимни тизгинлеридиле была? Быладан поэзия аязчыкъ урады.
джырдандыла тизгинле. (здесь в значении "строки")

Тизгинин/Тизгинни бузмай бардырад. здесь в каком значении? понимаю, перевести не могу.
WE WERE BORN TO SHINE
*Чистые помыслы - добрые дела*

 
 
Кергелен кёчюргенни кеч эследим. Менден эсе тюзюрек, табыракъ кёчюргенди.

Кергелен, быллай фахмунг бар эсе, бир китабым (проза) барды, кёчюрюб кёрюрмю эдинг? Назмуну кёчюргенча къыйын тюлдю прозаны кёчюрген.
 
как потомство?
WE WERE BORN TO SHINE
*Чистые помыслы - добрые дела*

 
потомство - туудукъла; предки - ата-бабала; поколение - тёлю.
Джангыла эсем да билмейме.
 
Цитата
Элли пишет:
Тизгинин/Тизгинни бузмай бардырад. здесь в каком значении? понимаю, перевести не могу.
Муну уа кёчюраллыкъ тюлме.
 
растит благородное потомство... или пристойное. :финкинг:я так понимаю.:dont_know:
WE WERE BORN TO SHINE
*Чистые помыслы - добрые дела*

Страницы: 1 2 3 4 5 ... 10 След.
Читают тему (гостей: 1)

Форум  Мобильный | Стационарный